"ග්‍රිසෙල්ඩා... කවුද ඒ..."
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
පස්වන කොටස
"
ග්‍රිසෙල්ඩා... කවුද ඒ..."
"ආර්සන්... ඇරල්ඩීන් වල රජතුමා... "
ආර්සන්... ඇරල්ඩීන් රාජධානියේ පාලකයා... ආර්සන් ගැන තියෝ අහලා තිබ්බෙ හොඳ දේවල් නෙවෙයි. තමන්ගේ බලය වෙනුවෙන් ඕනම දෙයක් කරන්න උනත් ආර්සන් පසුබට වෙන්නෙ නෑ කියලා තියෝට අහන්න ලැබුණා. ආර්සන් ඩාර්ක්වුඩ් වංශයෙ පාලකයා වුණු නයිට්ශේඩ් කෙනෙක්ට විවාහ කරන්න හිටිය ආර්සන්ගේ සහෝදරිය පැනලා ගියාම එයාගෙ මුළු පවුලම සමූල ඝාතනය කලා කියන කතාව මුළු රාජධානි සේරගෙම ප්‍රසිද්ධ කතාවක්. ඉතිං එහෙම එකේ වශියක් කරගන්න ආර්සන් දක්ෂ මායාකාරියෙක් වුණු ග්‍රිසෙල්ඩා හොයාගෙන ආව එකේ පුදුමයක් නෑ... ඒත් එයාට මොකටද වශියක් කරගන්න ඕන...
"එයා මොනවටද මෙහේ ආවේ..."
තියෝ මිමිණුවේ උත්තරයක් බලාපොරොත්තුවෙන් නෙවෙයි. තියෝ කියන්නෙ ග්‍රිසෙල්ඩාගෙ ගෝලයා වගේම සේවකයා. එයාට පනින්න බැරි සීමාවල් තියෙනවා. ඉතින් ආර්සන් එන්න හේතුව දැන ගන්න තියෝට ඕනි වුණත් ග්‍රිසෙල්ඩා එයාට ඒ ගැන කියයි කියලා එයාට විශ්වාසයක් තිබ්බෙ නෑ... මොකද සමහර වෙලාවට ග්‍රිසෙල්ඩාගෙ කළු කපුටා ගේන මුද්‍රා තබපු ලියමන් වුණත් කිසිම වෙලාවක තියෝට දකින්න ලැබෙන්නේ නෑ..
"අහලා තියෙනවද කේරන් නයිට්ශේඩ් උතුමාණන් ගැන... "
"ඔව්... "
තියෝ කිව්වෙ ග්‍රිසෙල්ඩා ගාව බිමින් වාඩි වෙලා. තියෝ කේරන් ගැන අහලා තියෙනවා. අඳුරු වනාන්තරය ඇතුලේ තියෙන ඩාර්ක්වුඩ් වංශයෙ පාලකයා. එයා ගැන හැමතැනම පැතිරිලා තිබ්බෙ අමුතු කතාන්දර. ඒවගේ හැටියට නම් දැන් කේරන් කියන්නෙ අවුරුදු හැටකටත් වැඩි මනුස්සයෙක්...
"අවුරුදු ගාණකට කලින්... එතකොට ඔයා ඉපදිලත් නෑ... ආර්සන් එයාගෙ නංගිව ඒ කියන්නේ ඇලෝරා කුමරියව කේරන් උතුමාණනන්ට විවාහ කරවන්න ගියා... ඒත් ඒ විවාහය සිද්ධ වෙන්න තිබුණු දවසෙම ඊට පැයකට කලින් ඇලෝරා කුමරිය එයාගෙ ආදරවන්තයා එක්ක පැනලා ගියා. ඒ නිසා ඇරල් වරුන්ට ඩාර්ක්වුඩ් වංශය එක්ක තිබ්බ හැම සම්බන්ධයක්ම බිඳිලා ගියා.."
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Fanfictionඔහු වසන්තය ගෙන එන්නා විය... එහෙත් ඔහුගේ ප්‍රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang
