"ចុះបើខ្ញុំចង់ចាកចេញចាប់ផ្តើមជីវិតថ្មីក្នុងការចង់ចាំថ្មីរបស់ខ្ញុំ" Pichy ងើបចេញពីគ្រែគេងរួចព័ទ្ធដៃដើរទៅវិញទៅមកជាមួយទឹកមុខច្របូកច្របល់"អ្នកនាងនឹងអោយខ្ញុំទៅទេ?" ឈប់ដំណើរ Pichy មើលទៅ Isa រួចសួរ ឯ Isa លឺហើយក៏គាំងនឹងសំណួរ
...
"បើ Pichy មិនបាត់បង់ការចង់ចាំ ប្រាកដណាស់ Pichy នឹងដឹងច្បាស់ពីចម្លើយរបស់ខ្ញុំ" ស្ងាត់មាត់គិតមួយសន្ទុះ Isa ក៏តប
"..." តបហើយIsa ដកដង្ហើមធំរួចងើបដើរចេញពីបន្ទប់បាត់ ឯ Pichy បានត្រឹមឈរស្ងៀមមើលដំណើរ Isa ដើរចេញ បន្ទាប់ពីឈរមួយសន្ទុះ Pichy ក៏ដាក់ខ្លួនលើពូកគេងរង់ចាំ Isa ត្រឡប់មកវិញ Pichy ចាំរហូតនាងគេងលក់ទាំងមិនដឹងខ្លួន
...
7 am
ភ្ញាក់ពីដំណេក Pichy បែរមើលម្ចាងគ្រែរដែល Isa តែងតែគេងរួចក៏គិតក្នុងចិត្តថាតើយប់មិញ Isa ត្រឡប់មកគេងក្នុងបន្ទប់វិញរឺអត់
ចុះមកក្រោម Pichy ប្លែកចិត្តព្រោះតែនាងមិនបានឃើញអាហារពេលព្រឹកដែល Isa ធ្លាប់តែរៀបចំអោយនៅលើតុដូចរាល់ដងឡើយ
Skip
7 pm
"ក្រុមហ៊ុនចាប់ផ្តើមមមារញឹកទៀតហើយរឺ?" វត្តមាន Isa ដើរចូលផ្ទះ Pichy ដែលអង្គុយអានសៀវភៅឃើញហើយក៏សួរ
"អត់ទេ"
"ហេតុអីថ្ងៃមិញមិនត្រឡប់មកផ្ទះ?"
"ហេតុអីថ្ងៃនេះមកផ្ទះយឺត?" បន្ទាប់ពី Isa ស្ងាត់មិនតប Pichy ក៏បន្ថែមសំណួរ
"ខួបកំណើតបុគ្គលិក ឆ្លៀតចូលរួមជល់កែវជាមួយពួកគេ ២ ៣ កែវ ទើបមកដល់ផ្ទះស្មើនេះ" តបបន្តើរ Isa ដើរតម្រង់ទៅផ្ទះបាយដើម្បីយកទឹកផឹកបន្តើរ
"តាំងពីព្រឹកបានអីរឺនៅ?" បានទឹកផឹកហើយ Isa ចាប់អារម្មណ៍នឹងសម្ភារៈក្នុងផ្ទះបាយនៅស្អាតដដែលនាងក៏ស្រែកសួរពីចំងាយ
...
"បានអីញាំរឺនៅ?" មិនលឺឆ្លើយ Isa ក៏ដើរទៅរក Pichy រួចសួរម្តងទៀត
"ខ្ញុំអត់ឃ្លានទេ"
"ហេតុអី...!" លឺភ្លាម Isa រាងខឹងដោយស្ទើតែប្រើសម្តីធ្ងន់ដាក់ Pichy ហើយតែនាងខំសម្រួលអារម្មណ៍មកវិញ លែងនិយាយរួចបាងក៏ដើរទៅផ្ទះបាយចាប់ផ្តើមចំអិនម្ហូបសំរាប់ Pichy