Coffeeshop Owner is Gangsta's Boyfriend [Complete]

Prologue

[Unicode]

မြို့ကိုအသစ်ရောက်လာတဲ့
ကော်ဖီဆိုင်ပိုင်ရှင်လေးကို လူမိုက်ခေါင်းဆောင်က အပိုင်သိမ်းပစ်လိုက်တယ်တဲ့
****

ကိုယ်ပိုင်အုပ်ချုပ်ခွင့်ရ နယ်စပ်ဒေသမြို့လေးတစ်ခုမှာ လူအများရှုပ်ထွေးကာ စည်ကားသိုက်မြိုက်စွာဖြင့် ရောင်းဝယ်ဖောက်ကားလျှက်ရှိကြသည်။ နယ်စပ်ဒေသဖြစ်သည့်အလျှောက်တော့ တရားမဝင်လုပ်ကိုင်သည့် လုပ်ငန်းပေါင်းများစွာ ရှိလေသည်။ ထိုတရားမဝင်လုပ်ငန်းများအား ချုပ်ကိုင်ထားသည့် လူမိုက်အဖွဲ့အစည်းတစ်ခု ရှိသည်။ သိပ်မကြာမီအချိန်တွင် ထိုလူမိုက်ဂိုဏ်းမှာ အာဏာပိုင်အဖွဲ့အစည်းများနှင့်ပူးပေါင်းကာ တရားဝင်လုပ်ငန်းများကိုပါ ဝင်ရောက်ချုပ်ကိုင်လာတော့သည်။

၄င်းနယ်စပ်မြို့လေးသို့ လူငယ်လေးတစ်ယောက်က လာရောက်၍ ကော်ဖီဆိုင်လေးအသစ်တစ်ခု ဖွင့်လှစ်ရောင်းချလေသည်။ ချစ်စရာ ဆိုင်အပြင်အဆင်လေးနှင့် ဖော်ရွေချောမောလှသော ကော်ဖီဆိုင်ပိုင်ရှင်လေးကြောင့် မြို့ကလူအများစုမှာ ထိုကော်ဖီဆိုင်လေးကို သဘောကျနှစ်ခြိုက်လာကြသည်။

တဖြည်းဖြည်းနာမည်ကြီးလာပြီး လူသိများလာသော ကော်ဖီဆိုင်လေးသို့ လူမိုက်ခေါင်းဆောင်မှာ အခွန်ကောက်ရန် ခြေချင်းလိမ်အောင်သွားတော့သည်။

များမကြာမီအချိန်အတွင်းမှာတင် ထိုချောမောလှသော ကော်ဖီဆိုင်ပိုင်ရှင်လေးအား လူမိုက်ခေါင်းဆောင်မှ သိမ်းပိုက်လိုက်ကြောင်း ကြားသိရလေသည်။ တစ်မြို့လုံးက ကြောက်ရသည့် လူမိုက်ခေါင်းဆောင်နှင့် သဘောမနောကောင်းလှသည့် ကော်ဖီဆိုင်ပိုင်ရှင်လေးမှာ လွန်စွာမှ မလိုက်ဖက်လှသောကြောင့် မြို့လူအများစုသည် မခံမရပ်နိုင်စွာဖြင့် ကြိတ်မနိုင်ခဲမရ မြည်တွန်တောက်တီးကြလေသည်။

မြို့ထဲက ပျိုပျိုအိုအို မိန်းကလေးအများစုပါမကျန် ယောကျ်ားလေးတချို့ပါ ဝမ်းနည်းပက်လက် အသဲကွဲကြရ၏။ သို့သော်လဲ ​မြို့တစ်မြို့လုံးကို ချုပ်ကိုင်ထားသည့် လူမိုက်ခေါင်းဆောင်ဖြစ်သဖြင့် မည်သူကမျှ စောဒကမတက်ရဲကြ။ မကျေမနပ်ဖြင့် လက်သီးဆုပ်ရင်းသာ တီးတိုးရေရွတ်ကြရလေသည်။ ကော်ဖီဆိုင်ပိုင်ရှင်လေးကိုလဲ ဘယ်သူကမှ မထိရဲတော့။