Coffeeshop Owner is Gangsta's Boyfriend [Complete]

အပိုင်း-၅

ကော်ဖီဆိုင်ပိုင်ရှင်၏ လှည့်ဖြားမှု
*

မနက်လင်းကြက်တွန်ခါနီးလောက်မှာ ရင်ဘက်က တဆစ်ဆစ် နာကျင်ကိုက်ခဲမှုနှင့်အတူ အောင်ဇဗ္ဗူထွန်းတစ်ယောက် နိုးထလာရ၏။ စပ်ဖျဥ်းဖျဥ်းဖြစ်နေသော ဒဏ်ရာတွေကြောင့် မသိမသာငြီးငြူပြီး မျက်လုံးတို့ဖွင့်ကြည့်လိုက်ချိန်တွင်တော့ သူ့လက်မောင်းပေါ်မှာ နှစ်ခြိုက်စွာအိပ်ပျော်နေသည့် ကောင်ဖီဆိုင်ပိုင်ရှင်ကောင်။

သူ၏လူးလွန်မှုကြောင့် အနည်းငယ် နေရာရွေ့သွားသော လက်မောင်းကို မျက်နှာနှင့်ပွတ်သပ်၍ ဆက်လက်အိပ်ပျော်နေဆဲ။ ကလေးသဖွယ် အပြစ်ကင်းစင်စွာ အိပ်ပျော်နေသည့်မျက်နှာလေးမှာ တို့ထိရက်စရာပင်မရှိ။

ထွီ....ညတုန်းက ငါ့ကို တက်လုပ်နေတဲ့ မျက်နှာနဲ့များ ကွာပ။ ဒီချောမောတဲ့ မျက်နှာလေးကို အမျိုးမျိုးပြောင်းလဲနိုင်တဲ့ စောက်အယောင်ဆောင်ကောင်။

ဒေါသဖြစ်စွာနှင့် ရင်ထဲတွင် အော်ဟစ်ပေါက်ကွဲပြီးနောက် အဲ့ဒီအယောင်ဆောင်ကောင်ရဲ့ ခေါင်းလေးကို လက်တစ်ဖက်ဖြင့် ဖြေးညှင်းစွာ မ လိုက်ပြီးနောက် သူ့ လက်မောင်းကို ဆွဲထုတ်လိုက်သည်။ အချိန်ကြာမြင့်စွာ ဖိထားမှုကြောင့် လက်မောင်းတစ်ဖက်မှာ အောင့်မျက် ထုံကျဥ်နေလေပြီ။ လက်မောင်းကို အနည်းငယ်နှိပ်နယ်ပြီးတော့ ကုတင်ပေါ်က အထမှာတော့ ခါးအောက်ပိုင်းရှိ နာကျင်မှုတို့က သူ့အား တရစပ်ထိုးနှက်တိုက်ခိုက်လေ၏။

နာကျင်သွားမှုကြောင့် ငြီးသံထွက်ကျခါနီးမှာတင် ပါးစပ်အား လျှင်မြန်စွာ စေ့ပိတ်၍ ငြီးငြူသံများကို တားဆီးလိုက်ပြီးနောက် အေးချမ်းစွာ အိပ်ပျော်နေသော အကောင်စုတ်အား ဒေါသထွက်စွာဖြင့် လှည့်ကြည့်မိသည်။

ငါ့-ီးလိုမှပဲ။
သူမခံရတိုင်း ဘူဖေးကြိတ်ရသလို ပယ်ပယ်နယ်နယ် ဖရီးကြိတ်သွားတာများ ဘယ်သူ့မျက်နှာမှ မထောက်။ ထွီ...စောက်အထန်နှာဘူးကောင်။

ကုတင်အောက်မှာ ပုံကျနေသည့် အင်္ကျီအား ယူဝတ်လိုက်တော့ ရင်ဘတ်ရှိ သွေးစို့ဒဏ်ရာတွေနှင့် အဝတ်ပွတ်တိုက်မှုကြောင့် စပ်ဖျဥ်းဖျဥ်းနာကျင်မှုက ဖြစ်ပေါ်လာပြန်သည်။