اتمنى تعجبكم ❤️👀
البارت الاول
روايتي الثانية ( ليتني مِت معك يا أمي)
تعريف الشخصيات
-الاب بدر بن راشد العمر ٤٠ سنه وعيونه بنيه وشعره اسود كثيف وطوله ١٩٠ وهو دكتور جراح ومعروف على مستوى المملكه هيبه وماتنكسر له كلمه
-الام ريم توفت وعمرها ٢٠ سنه وهي تولد ولدها
-بطل روايتي محسن بن بدر عمره ١٧ سنه ثاني ثانوي ابيض وعيونه عسليه وشعره اسود كثيف وطوله ١٧٩ عنيد ويسوي الي براسه رغم عن كل شيء
-صديق البطل الاول عبدالله بن فيصل العمر ١٧ ثاني ثانوي حنطي عيونه بنيه طوله ١٧٧
-الصديق الثاني فهد بن تركي عمره ١٨ ثاني ثانوي ابيض عيونه بنيه طوله ١٧٠
-الصديق الثالث علي بن سعيد عمره ١٧ ثاني ثانوي اسمر وعيونه بنيه وطوله ١٨٠
- سعود صقر ثاني ثانوي حنطي عيونه بنيه طوله ١٨٢ عدو محسن وشلته
- ابراهيم حمد ثاني ثانوي ابيض عيونه عسليه طوله ١٧٧ خوي سعود
- عزام محمد ثالث ثانوي خوي سعود ابيض وعيونه خضراء طوله ١٧٠
( باقي الشخصيات عائلات وبنات العائلة بعدين نتعمق فيهم في البارتات الجايه)
نبدا بالروايه
في اليوم الثامن من شهر اغسطس من عام ٢٠٢٢ في مدينة الرياض
الثلاثاء الساعه ٤ عصرا
كان محسن جالس يذاكر حاسب ألي عنده اختبار
فجأه جاه اتصال من عبدالله
محسن : الو وعليكم السلام
عبدالله : ولد شرايك نفتح مكالمة جماعية تشرح لنا
محسن اعجبته الفكره وقال : تم يلا
عبدالله : يلا بقفل ونسوي مكالمة جماعية كام
وقفلوا
بدأت المكالمة
علي : يا عيال وش ذا الزين
عبدالله : يافضيحه نبي نذاكر ههههههههههههههههه
فهد : الوو
محسن : يلا ياعيال نبدا
فهد : ياليل الدافور ذا
عبدالله : ههههههههه يلا يلا
محسن قام يشرح وصارو يتناقشون عن الاختبار
فجأة دخل بدر
محسن من الخوف قفل المكالمة
بدر : وش تسوي
محسن: اذاكر يبه
بدر: بس انا سامع صوت ؟!
محسن : ايه يبه فاتح مع اخوياي مكالمة نذاكر
بدر بعصبية : ذاكر لحالك مو لازم اخوياك ماراح تفهم اذا ذاكرتوا كذا
محسن : يبه انا ذاكرت وخلصت مذاكره بس حبيت اشرح لهم وقفلت المكالمة يمكن يزعلون
بدر : خلص من اخوياك وبعدها تعال الصاله اسمع لك
محسن: ابشر يبه
خرج بدر
محسن رجع اتصل
عبدالله : شفيك قفلت؟
فهد : بنص الحماس تقفل
محسن: اسف ياعيال والله اضطريت اقفل بس هذاني رجعت
علي : الووووو ولد شفيك علق عندك ولا وش
محسن: لا بس اضطريت اقفله وعذروني هذا رجعت يلا نخلص
وذاكروا مع بعض وانتهت المكالمه
محسن اخذ كتابه وراح صوب الصاله
بدر شاف ولده جاي صوبه
محسن اعطى ابوه الكتاب وجلس بعيد شوي
بدر حط الكتاب على الطاوله وجلس يناظر محسن كم دقيقه
محسن بلع العافيه من الخوف من نظرات ابوه
بدر بنبرة غضب ويغمز لمحسن: شفيك ماتقرب مني ولا خايف عشان مسوي خطا؟
محسن صار يبلع ريقه ويفرك يده وهو يناظر الارض وقال :اسف يبه انا غلطت لما ما استأذنت منك
بدر مايبي يضربه بس يبي يخوفه وقال: قوم جيب الخيزرانه
محسن بخوف : يبه اسف
بدر بصراخ : ما اكرر كلامي بسرعه
محسن نط يجيب الخيزرانه واعطاها لابوه
بدر بعصبية : اجلس جنبي اشوف
محسن جلس جنبه وهو خايف
بدر اخذ الكتاب وصار يسأل محسن
ومحسن كان يجاوب
خلصت المراجعه
بدر : ممتاز باقي تراجع قبل الدوام
محسن: ان شاء الله يبه وكان يبي يقوم ياخذ الكتاب من ابوه
بدر: نو نو نو انت ناسي الخطا الي سويته ؟
محسن ناظر الارض وعض شفايفه
بدر: اجلس جنبي اشوف
محسن جلس ويلعب بشعره من التوتر
بدر: هذي قلة الادب كيف اتقاضى عنها ؟من متى وانت تسوي شيء وما تستأذن مني ؟
محسن بخوف : اعتذر يبه
بدر بصرامه : ماراح اضربك ذي المره بس راح اعاقبك عقاب غير
محسن انصدم استغرب ابوه ماراح يضربه ذي المره!!
بدر: انا عارف انك استغربت لكن صدقني الضرب اهون من هذا العقاب
محسن خاف اكثر
بدر : يلا الحقني على غرفتك
محسن لحق ابوه وهو يعض اصابعه من الخوف كانه طفل مو رجال عمره ١٧
دخلوا الغرفه
بدر: جيب جوالك واللابتوب والايباد
محسن بحزن انصدم وراح جاب الي طلبها ابوه
بدر: ممنوع من التلفزيون بعد
محسن بخوف : لمدة كم؟
بدر: امم مافكرت تصدق بس اعتقد فتره طويله
محسن وهو يبلع ريقه : الجوال مهم يبه
بدر قرب من محسن بطريقة مرعبه ومسح على راسه بقوه وقال : لا تخاف يا روح بابا اي شيء مهم بالجوال بخبرك عنه تمام وبعدها ضرب راسه بقوه
محسن تألم وهز راسه بنعم من الخوف
بدر : تحسب خلصت؟ لان ذا مو العقاب الاساسي
محسن توتر
بدر : طلعة الويكند مع اخوياك ممنوع
محسن يبي يعترض
بدر : نعم نعم تقاطعني !! اسمع صوتك !!
بدر يكمل كلامه ويقول : وبعد تنظيف المواعين والشقه وغسيل الملابس انت تسويها محسن انصدم كل ذا العقاب
بدر : شفيك تبي تقول شيء؟
محسن وهو يمسح دموعه : يبه خلنا نتفاهم
بدر : وش افهم منك ياقليل الاحترام
بدر قرب من محسن ومسك اذنه ويحركها يمين ويسار
بدر : هاه وش نتفاهم
محسن بنبرة حزينه وهو يتألم : عن ذا الموضوع
بدر شد على اذنه وبعدها تركه
وقال : بيأذن الحين المغرب تجهز للصلاه وبلا كلام فاضي وخرج من الغرفه
محسن قام يمسح على اذنه من الألم وجلس على الكرسي يبكي مسح دموعه وراح يوضي
اما عند بدر بنرفزه حط الاجهزة في الدولاب واخذ جوال محسن وبدا يفتش شاف سواليفه مع اخوياه الي عبارة عن مذاكره وكوره وبتأنيب ضمير ماكان يبي يسوي بولده كذا لكن لازم يعلمه الصح من الخطا مع ان محسن ماسوا شيء خطا لكن بدر اب عصبي ومتحكم مايصير شيء الا بإذنه
عند بطلنا صلى صلاة المغرب والعشاء وراح المطبخ
طبعا بطلنا مايعرف يطبخ بس اشياء بسيطه لان هو معتمد على ابوه بالطبخ والتنظيف والغسيل وبكل شيء
تأفأف واخذ له سناك وراح جلس بالصاله يبي يشوف التلفزيون بس تذكر ان ابوه منعه
محسن: افف افف طفش وجلس ياكل بدون مايتابع شيء
خرج بدر وكان لابس لبس العمل وناظر بولده الي ياكل بحنيه وبتأنيب ضمير
بدر : محسن
محسن : هلا يبه
بدر: وش مجلسك بالصاله ؟؟
محسن : ودي
بدر: لو ادري انك بتشغل التلفزيون ماتلوم الا نفسك
محسن : طيب طفشان
بدر : تعشى ونام ويروح الطفش
محسن بعدم رضاء ضرب رجوله بالارض
بدر ضحك على حركة ولده الطفوليه
بدر: وش تتعشى
محسن بزعل: اكلت سناك
بدر : ماراح اطبخ لك وراي حالات لازم اشرف عليها ومستعجل راح اطلب لك اكل وانت تعشى
محسن : تمام
بدر : وش تبي اطلب لك
محسن : شاورما
بدر اتصل طلب وبعدها اعطى محسن بطاقة الصراف وطلع
محسن عنيد طبعا راح فتح التلفزيون يتابع
وصل الاكل واكل وبعدها انسدح على الاريكه ونسى يطفي التلفزيون
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
