الثلاثاء السابعه ونصف صباحاً
افطروا وتوجهه بدر بريم للحضانه وبعدها ركب سيارته وناظر بمحسن السرحان
بدر : شفيك
محسن بعتب وعاقد الحاجبين : مافي شيء
بدر ناظره وعارف انه زعلان من امس
باقي ويوصلون خمس دقايق بالسياره للجامعه
هنا بدر وقف وقال بحده : انزل كمل الطريق مشي
محسن بصدمه : كيفف!!!
بدر بصراخ : انزل وكمل الطريق برجولك وياويلك تتأخر عن المحاضره الاولى
محسن بزعل : والله ما انزل
بدر بعصبيه ضرب محسن على راسه بقوه وقال : انزل
محسن اضطر ينزل عشان الضرب عوره مايبي ينضرب زياده
هنا تحرك بدر اول مانزل محسن
وكان يناظرهم فيصل بسيارته وبصدمه
محسن ناظر ساعته وشاف باقي ربع ساعه فقط على بدء المحاضره!!!
هنا صار يركض ويركض
وقفت سياره عنده
فيصل : محسن !
محسن ناظر فيصل بإبتسامه : اهلين فيصل
فيصل : ماعندك سياره؟
محسن : الا بس حبيت امشي للجامعه
فيصل : يا ابن الحلال اركب المحاضره بتبدا وانت ما جيت
محسن : لا ماعليك
فيصل عارف سبب ليش محسن يمشي وقال : بتركب وغصب
هنا محسن اضطر يركب
فيصل حب يتكلم : ترى شفت ابوك وهو ينزلك شصاير؟
محسن بصدمه اكيد كثير شافوه وهو ينزله من السياره محسن هنا تمنى الارض تنشق وتبلعه
محسن : اي قلت ابي امشي
فيصل بضحك على نفي محسن للي صاير لان فيصل شاف بدر يضربه
هنا وصلوا
محسن بتوتر : باقي خمس دقايق وتبدا المحاضره نزلني شوي عن الكليه
فيصل عارف قصد محسن
فيصل : ماعليك بنزلك بعيد عن نافذة مكتب ابوك
محسن : لا تعلم احد تمام؟
فيصل بحزن : تمام
محسن نزل ومشى للكليه
فيصل وقف سيارته بالمواقف ونزل للكليه
وتوجهوا للمحاضره
بدا الشرح وكانت محاضره قصيره وانتهت
فيصل بهمس ليوسف : تخيل
يوسف : وش صاير لك
فيصل : دكتور بدر ضرب محسن ونزله من السياره يكمل مشي
هنا يوسف بصدمه : كيف
فيصل : هذا الي شفته لكن وقفت وخليته يركب جالس يقول هو وده يمشي ولما قربنا من الكليه خلاني انزله عشان لايشوفه ابوه!
يوسف بقهر : ذا بدر مصيبه
فيصل قال بينه وبين نفسه مصيبتك يافيصل تهون عن غيرك
محمد : يلا ياعيال
هنا يوسف وحمد وفيصل بيمشون مع محمد للكوفي
اما محسن سرحان
قرب يوسف منه وقال : ولد هيه
محسن ناظره : نعم
يوسف : ودك تجي معنا؟
محسن : لا تعبان شوي
محمد : عسى ماشر
محسن بإبتسامه : الشر مايجيك بس صداع من المحاضره
هنا حمد خرج من جيبه بنادول واعطاها محسن
حمد : يلا خذ البنادول وصحصح
محسن : تمام انتو روحو بلحقكم
راحو
محسن توجهه لدورة المياه وقط البنادول بسلة المهملات وصار يغسل وجهه
بعدها خرج وكان يمشي يبي يروح للكوفي وقابل ابوه
بدر : ياطالب
محسن : نعم يادكتور
بدر : تعال معي
هنا محسن مشى مع ابوه للمكتب
محسن قفل الباب
بدر بتحقيق : شفتك داخل الكليه قبل المحاضره بكم دقيقه امداك توصل؟
محسن بتوتر : ايه
بدر بضحكه عصبيه : تلعب على مين انت ههههههههههههههههههه
محسن بخوف : مافهمت
بدر قرب من محسن بعصبيه ومسك اذنه بقوه
محسن بخوف : اتركنييي اتركنيي
بدر بغضب : تكذب عليي!!!
محسن يهز راسه بلا
بدر بغضب : ماعاش من يكذب عليي او يلعب علي تفهممم
محسن هز راسه بنعم
بدر بغضب : شسوي فيك هاه
محسن بصوت خافت وبخوف : حنا بالجامعه يبه
بدر بعصبيه مسك سكراب محسن من فوق وشده وبقوه طيحه على الارض وقال : انقلعع
محسن على طول طلع وركض لدورة المياه يغسل وجهه
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
