وصلوا للكوفي
بدر : خلك رسمي معه تفهم؟
محسن : تمام
محسن مشى ورى ابوه لين وصلوا لطاولة فيها شايب في الستين من عمره
هنا ابو عبدالله قال: ارحب يانظر عيني وصار يبوس محسن
هنا محسن سلم عليه وباس يده وجلس
بدر : اخبارك ياعم عسى طيب
ابو عبدالله وهو ماشال عينه عن محسن : بخير وانتو كيفكم
بدر ومحسن : الحمدلله
ابو عبدالله : كيفك يامحسن كيف الدراسه بشرني
محسن بابتسامه : بخير انت كيفك وكيف خوالي
كشر وجهه ابو عبدالله وقال : الله لا يوفقهم ياولدي عيالي ولا واحد فيهم خير ماعدا امك الله يرحمها
محسن بمواساه : وش هالكلام ياجد
ابو عبدالله : واحد يتعاطى وانسجن والثاني ماسكينه بالمغرب بقضية دع***ره وسجنوه
محسن : ماعندي خوال غيرهم؟
ابو عبدالله : لا ياولدي ماعندي الا ثلاث وراح الزين منهم ريم الله يرحمها
محسن : جدتي؟
ابو عبدالله : انفصلت عنها بعد ما اكتشفنا ان عبدالله متعاطي
محسن : مفروض توقفون مع بعضكم
بدر دق محسن يسكت
ابو عبدالله ضحك على حركة بدر وقال : خله ماعليه وهو صادق
مفروض وقفنا مع بعض لكن الي صار صار هي فكرت بنفسها وانا عايش لحالي لي سنين
محسن : ليه عيالك مو متزوجين
ابو عبدالله : لا بس ريم الله يرحمها انت حفيدي الوحيد
محسن دموعه نزلت وضم جده
بدر مسوي ما تأثر ويكابر وقال : يلا يامحسن عندك دوام
ابو عبدالله مسك يد محسن وقال : خله عندي ذي الليله
بدر : المرات الجايه ان شاء الله اوعدك
ابو عبدالله صار يبوس محسن بخده وقال : عطني رقمك
محسن عطى جده رقمه ومشو
محسن بالسياره : يبه
بدر وهو يسوق : هاه
محسن : جدي عبدالعزيز اناني مايبيني اشوف جدي محمد الي ماعنده احد
بدر : السالفه مو انانيه السالفه انه يبي مصلحتك
محسن : جدي عبدالعزيز عياله واحفاده كثير مايوقف علي انا ماراح اترك جدي محمد ولا يهمني خوالي وش سوو ووش فعلو هو ماله ذنب انا حفيده الوحيد ووبوقف بصفه
بدر : الي انا اقوله يصير تفهم!؟
محسن تنرفز وقال : يبه يعني متى بيصير الي ابيه انا؟؟
بدر عصب وقال : والله اذا حجت البقره على قرونها
محسن بعتب ناظر النافذه ويفكر وش بيسوي مشاكل بالمدرسه بس خايف من ابوه
اليوم التالي الخميس
محسن لبس شوز خضراء مخالفه لقوانين المدرسه وحط ساعة ابل الي منعها المدير بسبب انها فيها برامج واخذ جواله الي ممنوع بالمدرسه وحطهم بشنطته عشان لا يشوفه ابوه
خرج محسن
محسن: صباح النور
بدر وهو يحط سندويتش وحليب لمحسن : صباح الخير يلا افطر
محسن : مالي نفس
بدر بعصبية : بتمرض يلا افطر
محسن بعناد : ماراح اكل
بدر مسك اذن محسن بقوه وقال : تاكل يعني تاكل
محسن صار ياكل من الخوف
بدر بغضب : ماتمشي الا بالعين الحمراء
انتهى محسن من الفطور وراح للمدرسه
______
بالطابور
كان كل رئيس صف يفتش على الطلاب
هنا استاذ يوسف يفتش طلابه صف ثاني ب ( الي محسن صار منهم)
استاذ يوسف شاف محسن لابس الشوز الخضراء
استاذ يوسف : محسن اطلع من الطابور
محسن بإبتسامة طلع وكل العيال مصدومين كيف محسن يسوي كذا
استاذ مشعل ناظر محسن ومعه عصا وقال : هذا وش
محسن : حلو صح؟
استاذ مشعل ضرب محسن بالعصا
محسن بألم : ليش يا استاذ
استاذ مشعل : من متى وانت تخالف قوانين المدرسه
محسن مسوي مايدري : ماكنت اعرف ان الالوان ممنوعه هذا الشوز جديد
استاذ مشعل : وساعة ابل الي انت لابسها؟
محسن : اوه بالغلط احسب شلتها
استاذ مشعل بصراخ : تستهبل عليي
جاء استاذ يوسف : يلا عند الوكيل يا مخالفين وبعدها ناظر محسن بعدم رضا
دخلوا عند الوكيل
الوكيل : هذولا المخالفين اجل
استاذ مشعل : ايه
الوكيل ناظر محسن وقال : اهلا يامحسن وش بغيت؟
محسن بضحك : انا معهم مخالف ههههههههه
الكل منصدم منه
استاذ مشعل ضربه بالعصا وقال : اسكت ياطالب
الوكيل : انت تمزح يامحسن معي صح؟
محسن: اسف ماراح اكررها
الوكيل : لانها اول مره بسامحك
محسن : ليش حالي حال العيال
الوكيل : اجل وقع وراح نرسل رسالة لولي الامر انك مخالف
محسن بلع ريقه ووقع وقال : بروح الصف طيب؟
استاذ مشعل استغرب لان محسن مو طبيعي
استاذ مشعل : امشش يلا انا عندك اول حصه
محسن : اوكيي
استاذ مشعل مسك محسن وقال : لا يكون هذي الحركات مسويها متعمد؟
محسن : شدعوه
استاذ مشعل مسك اذن محسن وقال : شف انا عارف انك تسوي هالحركات متعمد عشان نقلناك لكن ماراح ينفعع معك انت بس تأذي نفسك وتجيب لنفسك المشاكل الحين وش بتستفيد ماغير ان ابوك يصفقك وتتعاقب وينزل مستواك
محسن بدموع : ابغى اخذ حقي طيب لي متى انا ومهمش واتعاقب
استاذ مشعل بحنية : ياولدي اصبر والصبر مفتاح الفرج
محسن : تمام يا استاذ
وبعدها مشو للصف
استاذ مشعل : السلام عليكم
الطلاب : وعليكم السلام
محسن جلس ورى
استاذ مشعل : وش مجلسك ورى؟
محسن :هذا مكاني
استاذ مشعل : عماد بدل مكانك مع محسن
عماد : ابشر يا استاذ
محسن : جلس مكان عماد
استاذ مشعل : طلعوا الواجب والي ماحل الواجب يوقف
وثلاث طلاب وقفوا
استاذ مشعل: وليش ان شاء الله ماحليتوا؟
الطلاب ساكتين
استاذ مشعل نقصهم وقال : انثبروا
وصار يفتش الواجب
استاذ مشعل مسك دفتر الدرجات وقال : مافي درس راح اخليكم تطلعون تحلون على السبوره والي مايحل ينقص درجه
طالب ١ : افف طيب ما ابغى يا استاذ
استاذ مشعل : اطلع اشوف حل يا اللي ماتبي
طالب ١ : ماراح اطلع
استاذ مشعل بصراخ : صالح اطلع افضل لك
صالح طلع وماعرف يحل
استاذ مشعل : كيف تبغون تدخلون جامعه وانتو اغبياء
صالح بطقطقه : هذا انت دخلت جامعه هههههههه
شلة صالح صاروا يضحكون
محسن كان وده يضحك بس يحترم استاذ مشعل وبيصير عيب فقرر مايضحك
استاذ مشعل : على مكتب المدير
صالح واخوياه طلعوا للمدير
استاذ مشعل : من يطلع يحل
محسن رفع يده
استاذ مشعل : نزل يدك انت ماراح تشاركك
محسن بقهر : ليش؟؟
استاذ مشعل : هذا عقاب لك وراح انقصك درجه
محسن باندفاع : وش سويت اناا يا استاذ تنقصني
استاذ مشعل : انت اذا جبت هالترم معدل ٩٥ فأحمد ربك على التعهدات الي تكتبها راح تنقص بالمواظبه اقل شيء خمس درجات
محسن انصدم لان ذا مستقبله
استاذ مشعل : وش فيك منصدم تحسبون التعهدات لعبه!!
محسن بقهر : طيب ليش تنقصني الحين
استاذ مشعل طنشه وقال : عماد اطلع حل
محسن بقهر طلع برى الصف بدون استئذان
هنا انصدم استاذ مشعل وراح وراه
استاذ مشعل : من سمح لك تطلع
محسن : ماتبغاني بحصتك افضل اطلع بكرامتي
استاذ مشعل بصراخ : محسن انت وش فيك؟
محسن بدموع: كل الي سويتوه فيني وتقول وش فيك
استاذ مشعل : ادخل الصف
محسن : لا كذا افضل
استاذ مشعل : والله ان ماتدخل ان ارسبك بالماده واسويها
محسن وهو يبكي : انت بتدمر مستقبلي اساسا رسبتني او لا
هنا استاذ مشعل مصدوم من دموع محسن
استاذ مشعل : روح الحمام امسح دموعك
محسن بدموع: ليش تنقصني بالمواظبه؟
استاذ مشعل : لانك مشاغب وصاحب مشاكل انت مو محسن الي اعرفه
محسن : اوعدك ما اشاغب بس تكفى لا تنقصني كفاية نقصت بالواجب نص
استاذ مشعل حس محسن مايستاهل ينقص وهو متفوق : طيب توعدني ماتشاغب ولا تسبب مشاكل؟
محسن بقرار حتمي : اوعدك
استاذ مشعل : اجل روح غسل وجهك وان شفتك تشاغب او تتحرك من مكانك او تروح لاخوياك قسم بالله ماتشم الفل مارك
محسن هز راسه بنعم ومشى
دخل استاذ مشعل يكمل الشرح
بعد خمس دقايق دخل محسن
استاذ مشعل ناظره بتأنيب ضمير بينه وبين نفسه : كنت ابي مصلحتك الله يهديني
بعد انتهاء الثلاث الحصص الاولى
صار وقت البريك
محسن نزل وقرر مايقابل اخوياه عشان درجاته
هنا شاف العيال جايين صوبه واعطاهم ظهره ومشى
هنا انصدموا
عبدالله : شفتو الي انا شفته؟
علي : اكيد اهله السبب
فهد : بكلمه الحين واجيكم
كان استاذ مشعل وراهم لان عليه المناوبه وسمعهم
استاذ مشعل : ماله داعي تكلمونه افضل تفترقون
فهد : ليش يا استاذ
عبدالله : ليش حنا بالذات؟
علي ماسك نفسه مايضرب مشعل
استاذ مشعل : ياعيالي نبي مصلحتكم ترى والله محسن نفسيته تعبانه وانتو تودونه للمشاكل ارحموه لو شوي على الاقل شوفوه برى المدرسه
عبدالله : ابوه يرفض طيب
فهد : تكفى نوعدك مانشاغب
علي : يا استاذ ليش ماشتتوا شلة ابراهيم ليش؟
استاذ مشعل : لانهم مو متفوقين ولا يذاكرون وحقين مشاكل عكسكم وخصوصا محسن
عبدالله يبي يتكلم بس قاطعه مشعل وقال : الي اقوله يصير اتركوا الولد وراح اشيل عنكم المخالفات والتعهدات الي بتنقصون منها
علي: ما ابيع خويي عشان درجات
عبدالله وفهد مع بعض : اتفق
استاذ مشعل : طيب شرايكم على الاقل هذي السنه بس واوعدكم بثالث ثانوي انتو مع بعض
عبدالله : وش نسوي اجل الي انت تقوله يصير
علي : ياشيخ
استاذ مشعل : علي انت درجاتك طايحه شد حيلك ولا تفكر بشيء ثاني واوعدكم بالنجاح
فهد وعبدالله : تمام
بعدها مشعل تركهمم
راحوا العيال جلسوا على طاوله وشافوا محسن بروحه جالس ياكل
عبدالله : اخخ يا عيال حظ محسن شين ماصار له شيء زين
علي : الشكوى لله
فهد : ابوه وجده اقسم بالله يهود
عبدالله : استغفرالله
علي : بنكلمه بالجوال وبنحاول نشوفه برى المدرسه
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
