ليتني مِت معك يا أمي

البارت ١٨

كيف حالكم واعذروني عن القصور اليوم عوضتكم ببارت ١٧ والحين بارت ١٨ 💙

عند بطلنا الي الحزن ساكن في ملامحه يحاول يفك نفسه ولا قدر يحاول يبقى صامد ويوقف بوجهه ابوه يوقف بوجهه الخوف كان محسن اذا شاف بدر تزيد دقات قلبه وجوفه يسكنه الخوف لكن يتظاهر بعدم الخوف لاجل يعيش زي البشر
هنا بطلنا سمع اذان الفجر وصارت دموعه تنزل لانه اول مره بحياته راح يفوت الصلاه
هنا اتخذ قرار اذا ابوه جاء وفك الحبل وخلاه يصلي يعني يقدره ويبي له الخير واذا سوى كذا راح يتنازل ويصير له ولد مطيع لكن اذا ما جاء فهو يكرهه ولا يبيه راح يعاند ويعيش كذا
محسن يراقب الباب بكل ثانيه ويبي الصلاه وبنفس الوقت مايبي يطيع ابوه !
دخل بدر
هنا بطلنا توسعت عينه
بدر قرب منه وفك الحبل عنه ومسح على راسه بقوه لعل محسن يهدى ويرجع لصوابه
بدر : صلاه ماتبي تصلي يلا قوم
محسن تحرك برى دورة المياه واخذ له ملابس ورجع يدخل وقفل على نفسه
بدر : اخخ منك بس اخخ ياويلك ماترجع زي قبل انت لي لي تفهم
محسن اخذ شور ووضى وصلى صلاة الفجر
محسن انتهى من الصلاه ودموعه نزلت ورفع يدينه يدعي
محسن بدموع : يارب اذا ابوي يحبني صدق ليش يسوي فيني كذا يارب عجل علي الفرج انت مخرجي الوحيد حنن قلب ابوي علي يارب
انتهى محسن وحط سجادته على جنب وتوجهه للسرير وشاف عليه اكل
ماهان على بدر يترك ولده بدون اكل هذا هو بدر يحب عياله حب ما احد يتصوره لكن هذا طبعه يحب التملك ويخاف يتركونه كان بدر يتمنى اطفال مو طفل وربي رزقه بمحسن وبعدة سنوات بريم كان اذا ناظرهم يدعي لهم حتى لو معصب

عند بدر
كان عند ريم تعبانه
بدر بعصبيه وتوتر : جنات انتي وش فايدتك هاه
جنات وهي تبكي : ماكنت ادري ان ريم تئبانه بابا
بدر بصراخ : لازم تعرفين
هنا بطلنا سمع صراخ ابوه
دخل محسن وشاف بدر يفصخ ملابس ريم يدخلها يحممها
محسن بخوف على ريم
محسن : وشش فيها
جنات تبكي
بدر : اختك سخونتها مرتفعه والاخت على الجوال
جنات : هبيبي ريم اسف ماكنت ادري انا مافي صير ام والله اسف
محسن اشفق عليها لان مالها ذنب: جنات لاتزعلين ارتاحي انتي ماسويتي شيء
دخل محسن دورة المياه
وريم تبكي بصوت عالي وبدر يحممها
ناظر محسن دموع بدر وخوفه على ريم!
محسن بتأنيب ضمير تذكر اذا تعب ابوه يسوي كل شيء ويخدمه بكل شيء
هنا محسن قرب ويساعده عشان تسكت ريم
اخذ محسن ريم بحضنه وسكتت وبدر يسكب عليها المويه
بدر : جيبها البسها وبوديها معي المستشفى
محسن بخوف على ريم : بروح معكم
بدر ناظره بنظرة غضب : الي تبيه
بدر : جنات جيبي ملابس ريم وانتي غيري ملابسك بسرعه تجين معي عشان تهتمين بريم بالمستشفى
جنات جابت ملابس ريم وراحت تتجهز
كان بدر يلبس ريم ويجهز شنطتها ويقيس حرارتها
بدر : اوفف مانزلت وناظر محسن الي دموعه تنزل
بدر : ليش تبكي على اساس خلصت دموعك
محسن : انا السبب
بدر بعصبيه: وش تقول انت وخر مو وقت الدلع
محسن بدموع : بسبب دلعي انت التهيت فيني وما قدرت انك تفضى لها
بدر بعصبية: ماعليك عندي وقت لكم كلكم تطمن يا سيد محسن
بدر اخذ ريم ومحسن مشى وراه
بدر ناظر محسن : شفيك جيب الشنطه
محسن : ان شاء الله واخذ الشنطه ومشو للمستشفى
دخل بدر الطوارئ
معاذ : عسى ماشر
بدر : افحصها يامعاذ انا بروح مكتبي البس السكرابس
معاذ : ابشر وصار يفحصها وتبكي هنا محسن صار يهديها ماتسكت الا بحضنه
معاذ لاحظ بمحسن التعب
معاذ : محسن اجلس افحصك
محسن : انا مو تعبان
معاذ : واضح انك تعبان بعدين ليش شفايفك جافه وبشرتك تعبانه هذا والاجازه بتنتهي وبكره الدوام
محسن : ان شاء الله الايام الجايه احسن
اخذ معاذ جهاز سمع دقات القلب وحطه على صدر محسن
وكانت دقات قلبه بطيئه جدا عكس الانسان الي حالته الصحيه ممتازه
معاذ بخوف : اجلس اشوف
جاء بدر : هاه فحصتها
معاذ : ايه الحين بنحولها الغرفه
بدر ناظر محسن وقال : لا يكون تعبان
معاذ : فحصت دقات قلبه بطيئه
بدر بصدمه : تمزح صح
هنا بدر اخذ جهاز سمع دقات القلب من رقبته وصار يفحصه وفعلا
بدر بحزن : من متى ؟
محسن : مافهمت
بدر : ماحسيت يعني بضغط على قلبك كذا والتنفس صعب
محسن : الا
بدر: من متى طيب؟
محسن : من شهر
بدر بحسره: اخخ يامحسن اخخ
محسن مصدومم : شفيه يبه
بدر : قوم بنسوي لك تحليل
محسن قام ورى ابوه
بدر: دكتور فيصل
فيصل : هلا يا يادكتور بدر
بدر : عندك موعد ؟
فيصل : ابد باقي
بدر : ضروري تفحصه
فيصل بصدمه : وش فيه ولدك
بدر : افحصه وسو له تحاليل اللازمه تمام
فيصل : ابشر
مشى محسن ورى الدكتور
وتمت التحاليل
مشى محسن لغرفة ريم
شاف دكتور معاذ
محسن : وين ابوي
معاذ : دكتور بدر عنده عملية جراحيه للاسف ضروري يكون موجود
محسن جلس عند ريم
محسن : كم حرارتها
ردت جنات بسرعه بديهيه : تسئه وتلاتين
محسن : يارب تنزل زياده
معاذ : كذا الاطفال فجأه يتعبون بدون سابق انذار
محسن هز راسه بنعم
معاذ بضحك : اوه نسيت مبروك يادكتور محسن
محسن : الله يبارك فيك وصلكم الخبر ههه
معاذ : اكيد بيوصل امس ابوك داخل المستشفى يعلمنا ومعه صحن بقلاوه يوزع ههههههههههه
محسن انبسط وعرف ان ابوه يحبه بس ليش ياخذ طريق العنف ليش
جاء اتصال على محسن
محسن : الو
بندر : الو شفيه ابوك مايرد
محسن : ابوي مشغول عنده عمليه حاليا
بندر : اخباركم
محسن : الحمدلله
بدر : وش هالاصوات
محسن : ابد ريم ارتفعت سخونتها ومشينا للمستشفى مع ابوي
بندر بخوف على ريم : عسى ماشر يارب سترك جايك حالا
محسن : عم ماله داعي
بندر : اقول اسكت الحين جايكم
قفل بندر
محسن : اخ منك ياعم
وصل بندر ومعه الجد
دخلو على محسن وريم
محسن انصدم شاف جده
الجد ركض وضم محسن بقوه
الجد : ياعمري ياحبيبي كيف اخباركم وبعدها ناظر ريم وصار يبوسها ويمسح راسها وده يضمها لكن نايمه
محسن : حياكم الله
جلسو يتطمنون
الجد راح يجيب فطور ودخل عليهم
الجد : يلا افطرو
محسن : تسلم ياجد افطرنا
الجد : ليه تكذب علي انا اب وعارف الي افطر والي لا شف وجهك تعبان
محسن صار ياكل والجد وبندر معه
دخل بدر
الجد قام وقرب من بدر وضمه
هنا بدر بشوق لابوه لكن قسوة بدر تسيدت المكان
بدر : عسى ماشر ليش انت عند عيالي
الجد : حبيت اشوفكم ياوليدي انا ابوك انت فلذة كبدي لا تحرقني عليك زي ماتبي عيالك يسوون كذا انا بغيت ذا الشيء اوعدك ياولدي ياعمري يابدر ما اتدخل بشؤونك سامحني
هنا بدر بتأنيب ضمير لما شاف ابوه يطلبه السماح
بدر باس راس ابوه ويده ونزل يبي يبوس رجوله
اخذه بندر بسرعه
الجد : مقامك رفيع لا تنزل لتحت وضمه
بدر : سامحني يبه انا الي مفروض اطلبك السماح
صحت ريم وتبكي
الجد بضحك ويمسح دموعه : صحينا ريومه وتوجهه لها يضمها ويقيس حرارتها
الجد اخذ من جيبه قران صغير بسلسال وقال : هذا الشفاء الوحيد وحطه على رقبتها
بدر : جعل عمرك طويل
الجد : تعال افطر
دخل فيصل : اوه المعذره
بدر : طلعت التحاليل! بذي السرعه
فيصل : ايه لان مافيه شيء فقط نقص تغذيه
بدر اخذه برى وقال : منجد ولا تمزح
فيصل : ما امزح فقط نقص تغذيه خل ولدك ياكل ويترك الدلع
بدر : اوف الله يبشرك
فيصل بضحك: ابوك واخوك عندك باقي تجيب بيتكم هههههه
بدر : ياثقل دمك هههههه
رجع بدر
الجد : من الي عنده نقص تغذيه ريوم؟
بدر : لا ريم بس سخونه وبتنزل ان شاء الله بس محسن
بندر : ليش ماتاكل
بدر : اتركه يتدلع علي ويعاندني ويكسر كلمتي مابغيت اضغط عليه لكن بنتبه له اكثر صدقني واعطى محسن نظره تخوف لعل وعسى ولده يرجع يخاف منه
هنا محسن نزل راسه ومايدري بدر ان محسن اتخذ قرار حتمي انه يطيعه بسبب يوم فتح له عشان يصلي
هنا خرج الجد وبندر
بدر : عندي شغل وعملية بعد صلاة الظهر اتمنى يا محسن اتمنى تترك حركات المراهقين وتنتبه لاختك والحين بطلب لك اكل تاكله
محسن : اكلت
بدر : سندويتشات ماتكفي بطلب لك سلطه ورز ابيض واختك رز باللبن اكليها ياجنات تمام؟
جنات : اي بابا تمام
محسن ناظر ابوه بحزن
بدر بينه وبين نفسه : اوريك شغلك كيف تعاندني تقول اني اكرهك اجل اخخخ اخخ
خرج بدر لمكتبه
وصل الاكل ومحسن صار ياكل وريم تبكي ماتبي تاكل
محسن : هاتي بأكلها
وهنا ريم صارت تاكل من محسن لان الطفل يتعلق بكم شخص وهي متعلقه اكثر شيء بابوها وبمحسن
ريم تاكل وتضحك لمحسن
جنات بضحك: ايسس انتي ياسغيره انا اكل انتي غير حفاظه ولبس بس حوبي محسن اكتر هاه ههههه
محسن : ليش الغيره هههههه
دخل بدر يتطمن شافهم ياكلون
بدر : اشوفك غسلت الصحن معك
محسن نزل راسه بزعل
بدر بضحك بينه وبين نفسه : امزح معك بالعافيه
بدر قرب وصار يقيس حرارة ريم
بدر بإرتياح شافها ٣٧
بدر : يلا انت ارجع مع تاكسي للبيت وبعد صلاة الظهر روح خذ لك اغراض للجامعه شوز وساعه اذا تبي والسكراب والبالطو انا طلبته لك وبيوصل اليوم الليل
محسن : يعطيك العافيه يبه
هنا محسن توجهه مع تاكسي للبيت
محسن دخل البيت وحس براحه نفسيه
اذن الظهر وصلى صلاته وتوجهه لسوق اخذ له شوز وساعه وملابس داخليه
رجع البيت بأسرع وقت وصلى صلاة العصر وحب يروح يشوف اخته لمح سيارته الي ابوه فاجأه فيها يوم تخرج من الثانوي
ركب محسن سيارته وتوجه للمستشفى
دخل محسن وشاف ريم نايمه
خرج من الغرفه وشاف ابوه مع معاذ وفيصل يتناقشون بعد العمليه
بدر ناظر ولده
بدر : محسن تعال
تقدم محسن
بدر: وش تسوي هنا
محسن : انتهيت وجيت اشوف ريم
بدر : ارجع للبيت وانا ساعه وراجع ومعي ريم
محسن : بتخرجها
بدر : ايه انخفضت حرارتها وبتكون معي بالنهايه انا دكتور صح؟
محسن : تمام انا راجع
بدر : عسى ماشر اليوم ماترد علي بكلام يسم البدن ولا تخرب يومي وش صاير
محسن : اذا رجعت البيت ان شاء الله بتناقش معك
بدر : تمام يلا ارجع
محسن خرج
بدر : الله يستر منك ياولدي
رجع محسن البيت وسوى له شاهي وفتح ايباده الايباد ١١ برو الي خذاه وهو يدرس تحضيري افضل له من الاوراق وسهل له دراسته صار متحمس للجامعه اكثر واكثر وهنا فكر بسعود وش انقبل وحس بالندم لكن هذا طلب ابوه محسن كانت قراراته متخبطه لكن هالمره اجزم انه طريق الصحيح سماع ابوه هذا ابوه بالنهايه
دخل بدر ومعه ريم وجنات
جنات اخذت ريم
بدر : انتبهي لها زين وكل شوي قيسي حرارتها اذا ٣٨ ونص علميني
جنات : تمام بابا
بدر ناظر محسن وجلس
وكان سيد المكان الصمت
بدر :ماودك تتكلم
محسن : انا اسف
بدر بضحك : لا يا شيخ انت شفيك مريض ؟ كل يوم شخصيه
محسن بدموع : يبه حسبتك تكرهني قلت خلني اعانده يمكن يفك سبيلي لكن انت ابوي ومتاكد انك تحبني انت ماحبستني وقت الصلاه لانك تبي مصلحتي يعني تحبني
بدر : كم مره قلت لك ما اكرهك انت ولدي ولدي تفهم
محسن : بس معاملتك لي
بدر قاطعه : هذي شخصيتي وتتحملني غصب عنك لازم تصير رجال تفهم لان هذي الطريقه الوحيده عشان تصير رجال مستقيم وتبعد عن كل شيء
محسن قرب من ابوه وباس يده وقال : سامحني يبه تكفى اسف اوعدك ما اكررها اقسم بالله قرار قطعي
بدر : متأكد ؟
محسن ناظر ابوه ودموعه تنزل غصب : ايه
بدر: تمام ليش تبكي امسح دموعك
محسن مسح دموعه
بدر : عمامك بيجون اليوم
محسن بفرح : تمام
بدر : انا بروح اجيب مقرمشات وحلاويات وانت سوو قهوه وشاهي وبشتري خروف واحطه عشى
محسن : ابشر
راح محسن وسوى قهوه وشاهي وبدر طلع
مرت ساعه ورجع بدر وشاف كل شيء مرتب الصاله والقهوه والشاهي موجود وهنا صارو يرتبون كالعاده اذا عمامه بيجون
جاو العمام مره وحده
ويسولفون وفرحانين فجاه
جابو كيكه مبروك قبول الطب محسن & منار
هنا انصدم محسن وبفرحه ان منار انقبلت طب صار قلبه يخفق
وهنا احتفلوا فيهم واعطوهم هدايا
كان سكراب
بدر بضحك : ليه ماعلمتوني ماكان شريت سكراب حول الالفين هههههههههه
غاده : يمكن ينقطع وشدراك هههههههههه
غيداء : حقنا اصلي اكيد
بدر : لا حول ولا قوة هههههه
بندر جاء ومعه ابوه
بدر توجه وباس يد ابوه
الكل انصدمو
محمد : عشتو تصالحتوا وحنا ماندري
الجد : مو لازم تدرون ههههههههه
احمد : بترجع تعيش معنا
بدر : كذا احسن
الجد : بكيفه هو حر ماراح اتدخل عشان ازعله ههههههههه
جلسو وصارو يسولفون والفرحه مو واسعتهم
غاده بشهقه : اهييي وين ريم
غيداء: وجععع خوفتيني
بدر : ابشري بجيبها لك
جابها بدر وكان مصحيها من النوم وصار يقيس حرارتها
محمد : ليش ماعلمتونا انها تعبانه
نوره : ياعمري عليها
بدر : وديتها المستشفى ولله الحمد تشافت وحرارتها انخفضت
الكل : الحمدلله
الجد : هاه يامحسن بتروح بكره الجامعه
محسن : اكيد
احمد : ياويله ابوه بيدرسه ههههه
هنا محسن جاته لحظة ادراك فعلا ابوه بيدرسه
بدر ناظر منار : وترى ادرس بنات بعد
الجد : كيف وهي مو مختلطه
بدر : اونلاين يبه على البلاك بورد افتح جلسه واشرح لهم
الجد : حلو والله
بندر : الله الله ببنتي
بدر : نزلت جداولكم ليه ماتشوفونها
فتح محسن جدوله شاف ابوه يدرسه مادة اخلاقيات الطب
ريم عندها مواد نفس محسن لكن كل الي يدرسونها دكتورات
منار : ماراح يدرسني عمي هالترم هههه
الجد : وانت يامحسن ههه
محسن : ابوي بيدرسني مادة اخلاقيات الطب
غاده : ياويلك ههههههههه
احمد : نجح ولدك
بدر : ماله داعي انجحه اذا ما اجتهد بخلع الراس
الجد : اعوذبالله منك
بندر فطس ضحك
جات امل واخوها صالح
الجد : ليش تأخرتوا
امل : اف ياجد ذا حفيدك صلوح غصب يوريني الكوفي الجديد ورحنا تقهوينا
غيداء : بدونيي هذا وانا امكم ياحسافه بس
صالح : انتي عجوز وش لك بالكوفيهات هههههه
غيداء بضحك: اقطع واخس توني داخله الاربعين هههههههه
محمد : وشهو الكوفي
صالح : كوفي اسمه وينكوز ياعليهم قهوه ياخال لا تفوتك
الجد : الا هذي قهوه محسن العربيه صح
محسن : وشرايك
الجد بمزح: لا عاد تسوي هههه
محسن : افا
هنا فطس عبدالعزيز وقال : قلت لك هههههه
محسن : قبل شوي اقول كيف تقول حلوه ههههههه
غاده : عاد احمدو ربكم
نوره : اي والله من انتو عشان يسوي لكم قهوه
محسن : وربي صدق
بدر بغضب : عيب ياولد
محسن رجع له الخوف غصب عنه ونزل راسه وقال : المعذره يبه
ما انصدموا لان بدر كذا
بندر حب يغير السالفه وقال : ماعليكم من القهوه شوفو صالح وش انقبل ليش مايعلمنا
صالح : ماودي اعلمكم اخاف تعطوني عين
غيداء تضحك هههههههههه
غاده : منجد وش
الجد : علمني وش انقبلت ياولد
صالح : علم نفس
محمد : كفووو
بدر : مبروك
الكل يبارك لصالح
محسن : مبروك
صالح : الله يبارك فيك
هنا ريم تبكي بشكل غير اعتيادي
نط بدر من الخوف ويضمها ويسكتها ودخل الغرفه يقيس حرارتها
بس شاف حرارتها ٣٧ طبيعيه
بدر : يالله لا يكون عند حساسيه او شيء وصار يفحصها ويشيل ملابسها وماشاف شيء
اخذها بدر ويمشي فيها وسكتت
بدر : ياعمري عليك انا تشبهين اخوك وهو صغير كل شوي يبكي وانا مبتلش فيه
رجع بدر وجلس وهنا اذن المغرب وصلو وبعدها اذن العشاء وصلو وجاء العشاء وتعشو
بدر ناظر ساعته وشافها ٨ ونصف ناظر محسن وكتب له رساله
بدر : روح نام وراك دوام
محسن قام وقال : عاد استأذنكم بنام وراي دوام
الجد : نوم العافيه
غاده : موفق
غيداء ناظرت عيالها وقالت : شفتو كيف ينام بدري
صالح : تمام يمه بنام اوعدك هههه
هنا محسن راح نام
والعائلة مجتمعه الين ١٠ وبعدها مشو