دخل بدر يصحي محسن لصلاة الفجر وشاف محسن يصلي
بدر بصوت صارم: اذا انتهيت من الصلاه نظف الشقه كامله وابيها تلمع وبعدها طلع
محسن انتهى الصلاه وصار يدعي لنفسه ولابوه وان حياته تتعدل بعدها راح المطبخ يبي يفطر وشاف ابوه
بدر بصوت قاسي: من اليوم ورايح انت المسؤول تطبخ وتنظف تفهم!!!
محسن بزعل وخوف : افهم
بدر : سو لي قهوه الحيننن ياويلك تتأخر
محسن بتوتر : والمدرسه؟
بدر قرب من محسن وقال : تهمك يا قليل الادب ؟
محسن بدموع : والله توبه ما افتح لساني بحرف بس ما ابغى اغيب
بدر بعصبيه : طلبت لك اذن من المدرسه لاسبوع وماراح تداوم ابغى اربيك صدقني بخليك انت والكرسي واحد
محسن يبي يتكلم :يبه..هنا بدر قاطعه وقال : على شغلك وبدون هرج وخرح للصاله
محسن بدا يسوي قهوه مايعرف وتذكر يشوف من الانترنت وخرج من المطبخ يجيب جواله
بدر : على ويين ؟؟
محسن بتلعثم : بجيب جوالي اشوف طريقة القهوه
بدر : لا تتاخر تفهمم
محسن ركض لغرفته واخذ جواله وراح المطبخ وعرف كيف يسويها وبعدها خرج يعطي ابوه القهوه
بدر شاف محسن متقدم بالقهوه
بدر : والله لو انها ذبيحه
هنا بدر ذاقها وكانت ممتازه لا بأس بها
بدر : سو لك فطور وبعدها ابدا نظف
محسن هز راسه بنعم وراح يسوي فطور ويشوف طريقة بالانترنت ويحاول يطبق وانتهى من الطبخ وافطر وبعدها بدا التنظيف
انتهى محسن من التنظيف وراح الصاله وشاف ابوه جالس يشتغل على الكمبيوتر
محسن تقدم وجلس
بدر ناظره وقال : من سمح لك تجلس؟
محسن قام وقال : اسف
بدر : اذلف من وجهي ذاكر ولا شوف لك شغله
محسن بزعل من اسلوب ابوه وقال: يبه
بدر بعصبية : انا وش قلت !!
محسن مسح دموعه الي تنزل غصب وقال : ليش تعاملني كذا كل ذا عشان شاغبت ترى مب انا السبب هم السبب
بدر قام وتوجهه صوب محسن وقال بعصبية : صوتك لا اسمعه يا غبي تحط الغلط عليهم بعد
محسن بدموع : انا ماسويت شيء الاستاذ سمح لي وبعدها حطو قهرهم فيهم
بدر بضحكة غضب وقال : السالفه كلهم ضدك اجل ارحمنا يا ولي العهد ترى محد درى عنك انت غلطان ولك وجه تتكلم
محسن بزعل ودموع : خلاص سامحني اوعدك ما اكررها
بدر بصراخ : انقلع غرفتككك
محسن بصراخ: لااااا
بدر صفق محسن كف وقال : لا لميين هذي ؟؟
محسن وهو ماسك مكان الكف : مو لك
بدر بعصبية : كيف مو ليي هاه تحسبنيي ايشش
هنا بدر مسك محسن من شعره وربطه بالسرير وصار يضربه
محسن تذكر الي صار بالحلم كذا جاء بباله !!!
هنا بدر طلع وترك محسن مربوط
محسن نام من التعب اما بدر خرج يقابل اخوه
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
