الساعه ٤ عصرا
دخل بدر الشقه وتوجهه لغرفته اخذ شور وبعدها توجهه لغرفة ريم بس ماشافها ولا شاف سريرها هنا درى ان محسن اخذها غرفته وتوجهه لغرفة محسن يبي يفتح الباب بس مقفل !
هنا بدر يضرب الباب بقوه
محسن صحى مفزوع من صوت ضرب الباب
محسن مشى للباب وفتحه
هنا بدر شاف محسن صاحي من النوم وناظر ريم الي نايمه
بدر بعصبيه : من سمح لك تناممم هذا وقت نوم هذا!!؟
محسن : شسوي يبه
بدر : وش تسوي !!! شف لك اي شغله الله يشغلكك وشو له تنام؟؟
محسن بعتب على ابوه : بسوي الي ابيه
بدر : نعم نعم؟!
محسن بزعل : لا تنسى تطنيشك لي قدام العيال احرجتني
بدر بنبرة غضب : تستاهل
محسن بعتب : ليتك ذبحتني ولا سويت فيني كذا وقفل الباب بقوه
فتح بدر الباب بعصبيه وضرب محسن
محسن ما كأنه ينضرب عادي جلس على سريره وعدل جلسته
بدر بقهر توجه لريم واخذها
محسن وهو جالس كان كاره نفسه كان وده يموت لكن هذا بيد الله بعدها انسدح يكمل نومته
عند بدر
بدر بعصبيه وهو يلبس ريم : اخخ منه اخخ مايكبر ابدا اكيد رجع ينام اوريه انااا يبي يرفع ضغطي بس هين
اخذ ريم وحطها بالصاله وتوجهه للمطبخ يسوي اكل
انتهى من الطبخ وحط الاكل بالصاله وراح صوب غرفة محسن
دخل بدر شاف محسن نايم
بدر وده يضربه لكن يكفيه ماجاه
بدر بصوت صارم : محسن
محسن صحى : ها
بدر : قوم خلاص نوم!!
محسن وهو باقي تأثير النوم فيه : لااا انت ماتحبني ما اسمعك
بدر : وش تقول انت يلا قوم
محسن بهمس وكأنه نايم : الجواب اقوله ولا لاااا
بدر : لا حول ولا قوة الا بالله العلي العظيم
محسن بدون وعي : واشهد ان محمدًا رسول الله
هنا بدر حن قلبه من كلام ولده وهدى من نفسه شوي
بدر : محسن قوم يلا تغدى ما اكلت شيء
محسن وهو بتأثير النوم : اكلت
بدر : وش اكلت
محسن : سيارتي
بدر صار يضحك وقال : وش فيها سيارتك؟
محسن صحصح وقام
بدر : مساء النور ياشيخ
محسن : كم الساعه؟
بدر يناظر محسن الي وجهه احمر وشعره منكوش وقال : ٥ الا ثلث يلا قوم تغدى
محسن بزعل : ان شاء الله
خرج بدر للصاله ومحسن غسل وجهه وخرج
محسن جلس عند ابوه
كانت ريم بحضن بدر يأكلها
محسن كان وده ياكل بس مايبي زعلان
بدر : شفيك ماتاكل ؟
محسن بزعل : وتسأل يبه؟ فشلتني بين العيال احرجتني وتبيني اكل واعيش ولا كان شيء صار!
بدر بغضب : لانك تستاهل
محسن دموعه نزلت : يبه انا راضي تضربني لو تذبحني لكن ماتسوي فيني كذا قدام الناس يبه
هنا محسن قام
بدر بنبرة حاده وبصراخ : اجلسس
محسن جلس
بدر بنبرة غضب : ياولد بس دلع بسس استرجل وش فيها اذا عاقبتك بطريقه ثانيه عشان تعرف كيف تتصرف وكيف تتأدب
محسن دموعه نزلت
بدر : امسح دموعك وابدا اكل افضل لك
محسن صار ياكل
بدر بينه وبين نفسه : الله يهديك ويهديني
طبعا الشيء اللطيف في الجلسه هي ريم تلعب بيدينها وتاكل وملابسها كلها اكل
هنا بدر تذكر محسن وهو طفل كان مثلها بالضبط
بدر : مثل اخوك تخربين الدنيا هههههههههه
محسن خلص اكل واخذ الاواني يبي يغسلها
بدر : انا بغسلها انت روح اقرا لك كلمه او شيء ذاكر اول باول
محسن : ابشر يبه
محسن حط الاواني بالمطبخ وراح لغرفته يذاكر
في بيت ابو بندر
ابو بندر بضحك : عاد نشوف فلاحتك يا منار بالطب ماهو بتحضيري
منار : اوريك انااا هههههه
بندر : بنتي اشطر وحده بالجلسه هههههه
احمد : لو بدر ومحسن موجودين اتحداك تقولها هههههههههههه
ابو بندر : اشتقت لمحسن وريم
محمد : اي والله شرايكم نطب عليهم ههههههه
نوره : امس كلمت محسن والحمدلله
بندر : ياليت بدر يجي يعيش معنا بس عنيد عنيد
ابو بندر : الله يهديه ويصلحه
عبدالعزيز : تبون الصدق مشاكلهم ماتخلص
احمد : صدقت
نرجع لبطلنا
الساعه ٨ مساءًا
محسن كان في الصاله مع ريم يلاعبها
جاء بدر عندهم وجلس على اللابتوب يشتغل
محسن : وش تسوي
بدر : شوفة عينك اشتغل
محسن : للجامعه ولا المستشفى
بدر : للجامعه
محسن سكت شوي وبعدها بدقايق : اساعدك؟
بدر : ايه
محسن قام لابوه وقال : ابشر بس في ايش بالضبط
بدر وهو يشتغل: انك تسكت هذا اكثر مساعده تقدمها لي
محسن تفشل وبزعل : ابشر يبه وبعدها راح غرفته وترك ريم
محسن دخل غرفته وصار يضرب المخده بقوه يخرج الي داخله من قهر
بعدها فتح الايباد وصار يقرا محاضرات بكره
مرت الايام
يوم الجمعه
كانت العائلة مجتمعه
منار كانت مع امل يسولفون عن الجامعه والبنات
محمد واحمد يتناقشون عن الكوره
عبدالعزيز وصالح ومحسن يتكلمون عن اصعب التخصصات ومحسن يقنعهم ان الطب اصعب شيء
نوره وام نواف وغاده وغيداء جالسين يتقهوون ويسولفون سوالف حريم
ابو بندر وبندر وبدر يسولفون عن الاراضي
بدر : طيب مثلا خذيت ارض بشمال الرياض هل هي نفس جنوب الرياض الاجابه لا لان شمال الرياض افضل واغلى
بندر : ما اختلفنا لكنن الارضيه مو احسن
بدر : لا اله الا الله
ابو بندر : يازين وسط الرياض وبس هههههه
بندر : مافي فرق
بدر : ودي اقوم ارنك والله
غاده : يا ساره بالله الحلا ذا وش طريقته ارسليها لي بحفظها
ام نواف ساره : ابشري
نوره : والله لذيذ تسلم يدك
منار :اموللل وش صار على وعد خويتك
امل : مدري والله ما راسلتها اعتقد اهلها سحبو الجوال
منار : تستاهل مو بس سحب الجوال
امل : اي والله
كان محسن يسمع لعبدالعزيز وهو يقنعه ان القانون اصعب
محسن : الي ودك
صالح بضحك : الطب اصعب معروف هههههههه
عبدالعزيز بضحك : ادري بس ابغى ارفع ضغطه
محسن بضحك : اوف منك
اسفه على التأخير انتظروا البارت الجاي قريباً
أنت تقرأ
ليتني مِت معك يا أمي
Fiksi Umumرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
