الاحد
الساعه ٦ ونصف صباحاً في المدرسة
عبدالله : محسن
محسن : لبييه
عبدالله : تتوقع استاذ مشعل بيعاقبنا؟
محسن : على الي سويتوه الخميس تستاهلون
عبدالله: ماله داعي
محسن : تعرف استاذ مشعل يدور الزله
استاذ مشعل : محسن وعبدالله اسكتوا
وصل علي ومعه فهد: السلام عليكم
عبدالله ومحسن : وعليكم السلام
وهنا بدات قراءة سورة الفاتحه ثم النشيد الوطني
وبعدها دخلوا الصف
فجأه دخل استاذ مشعل وقفل الباب بقوه
استاذ مشعل : قوموا كلكم اشوف
قاموا كلهم
استاذ مشعل : وصلني الي سويتوه الخميس واسماء الطلاب لكن الشر يعم والخير يخص كلكم راح تتعاقبون
محسن بصدمه
محسن : بس يا استاذ
هنا استاذ مشعل قاطعه وقال : ولا كلمة انت بالذات
هنا محسن مو داري وش مسوي!
خرج ورقة استاذ مشعل وقال : راح اقرا اسماء الطلاب الي تسببوا في الهوشة يوم الخميس وراح يكون عقابهم اكبر من عقاب الباقيين
طالب اسمه مهند : طيب يا استاذ عاقبهم هم ليش حنا!!؟
استاذ مشعل : والله هذا صفي وانا المسؤول عنكم كفاية دلعع والي اقول اسمه يطلع على السبوره
استاذ مشعل : سعود صقر
ابراهيم حمد
سالم محمد
محمد فهد
علي بن سعيد
عبدالله بن فيصل
فهد بن تركي
رائد محمد
خرجوا على السبوره
استاذ مشعل : الباقيين خلوكم واقفين
محسن بينه وبين نفسه : افف ليتني نقلت يوم تأدبت وصرت على السراط المستقيم يصير كذا
استاذ مشعل : ايوه يا مراهق انت وهو وش سبب الهوشه
سعود : رائد يقول عني انا وشلتي فاشلين
استاذ مشعل بصراخ : وهو صادق وش فلحتوا فيه غير الهواش والمخالفات وبعدها ناظر رائد وقال له : عاد من فلاحتك ياسيد رائد الحين ذا سبب الهوشه
ابراهيم بمكر ولعانه يبي يورط محسن قال : السبب غير
استاذ مشعل حط يد على يد وقال : وش هو السبب
ابراهيم ناظر محسن وقال : محسن السبب بس مسوي بريئ
عبدالله وفهد : كذاب
علي : لا والله مو معنا محسن
استاذ مشعل بصراخ : ولا كلمة انت وهو
وبعدها استاذ مشعل ناظر محسن وقال : هو صادق انت لك يد بالموضوع!؟
محسن بصدمه : لا والله يا استاذ انا مو معهم
ابراهيم : الا يا استاذ ليش شلته معنا ماعدا هو تراه بالسالفه بس ساكتين عنه
استاذ مشعل بصراخ : انت معهمم ولا لا
محسن : والله يا استاذ انا مو معهم
استاذ مشعل قرب من محسن وقال : اجل ليش شلتك بالهوشه وانت مو معهم ولنفترض انك ماتهاوشت يمكن انت سبب الهوشه!!
محسن وبصدق : يا استاذ انا مو معهم وربي يشهد
استاذ مشعل ناظر باقي الطلاب وقال : مهند
مهند : هلا يا استاذ
استاذ مشعل : كنت موجود وشفت الهوشه؟
مهند : ايه يا استاذ
استاذ مشعل : محسن معهم وبكل امانه وصدق
مهند : مو معهم محسن
استاذ مشعل : متأكد؟
مهند : ايه متأكد
استاذ مشعل ناظره وقال : وش كان يسوي طيب؟
مهند : كان جالس على كرسيه يرسم مدري يكتب
استاذ مشعل ناظر محسن وقال : وش تسوي كنت؟
محسن : ارسم
استاذ مشعل عشان يشوف صادق ولا لا : وش كنت ترسم؟؟
محسن : سيارة
استاذ مشعل : خرج الرسمه اذا معك واذا مو معك اخرج مع الشله وحسابك اكبر
محسن خرج كراسة الرسم من شنطته وفتح على الرسمه واعطاها الاستاذ.
استاذ مشعل ناظر الرسمه وكانت حلوه
استاذ مشعل : تمام
محسن بينه وبين نفسه : الله لا يوفقك اكرهك
استاذ مشعل قرب من ابراهيم وقال : فوق انك غلطان تكذب؟
ابراهيم صمت
استاذ مشعل بصراخ : انتو يالي تهاوشتوا طول الاسبوع بتكونون واقفين بكل الحصص مادتي ومادة غيري وممنوع النزول وقت البريك وبتنقصون بالمواظبة عشر درجات وبعد الحصه بنتصل على اولياء اموركم
هنا محسن كان بيجيه هبوط لما قال اولياء امور بس حمد ربه انه مو معهم
استاذ مشعل ناظر باقي الطلاب الي واقفين بس
استاذ مشعل : وانتم كل واحد له جلده بيده عشان ثاني مره ماتوقفون الهوشه
هنا استاذ مشعل مسك المسطره وقال: انا استاذنت من المدير وارسل رسالة على اولياء اموركم يعني انا مسموح لي اعاقبكم
محسن بلع ريقه ابوه يدري!!!
هنا استاذ مشعل يضرب الطلاب بيدهم جلده وحده وبعدها قرب من محسن
استاذ مشعل : افتح يدك اليمنى
محسن فتحها بخوف
استاذ مشعل بأقوى ماعنده ضربه
محسن مسك يده من الالم
استاذ مشعل : افتح يدك مرة ثانية
محسن بزعل : ليش؟؟
استاذ مشعل : لانك تستاهل
محسن فتح يده والاستاذ ضربه وبعدها كمل على باقي الطلاب وقال : اجلسوا وشلة الهوشة خلوكم واقفين وبدا يشرح المثال
هنا محسن يتألم يده تعوره وانضرب مرتيين عكس باقي العيال مره!
استاذ مشعل :من يجاوب؟
محد رفع يده
استاذ مشعل : حلو تبون تتعاقبون؟؟
استاذ مشعل بصراخ : واحد يقوم يحل افضل لكم قبل اسوي فيكم شيء مايتسوى
هنا محسن خاف كأن الي واقف قدامه ابوه!!
محسن رفع يده
استاذ مشعل : يلا
محسن حل المسأله بشكل ممتاز
استاذ مشعل : دام انك عارف حل المسأله ليش ماترفع يدك من البدايه!!؟
محسن ساكت
استاذ مشعل بصراخ : اتكلم معك اناا
محسن بخوف : اسف يا استاذ
استاذ مشعل : خلك واقف بمكانك
محسن راح مكانه ووقف وحس بيبكي مو متحمل
وهنا انتهت الحصه
استاذ مشعل : يلا انت وياه على مكتب الوكيل
وناظر الباقي وقال : استاذ يوسف غايب لا تتحركون
مشو العيال مع استاذ مشعل
فهد : ابراهيم وربي لاوريه
عبدالله : دبس المشكله بمحسن ومحسن ماسوى شيء اصلا حتى ماخليناه يفزع لان عارفين وش بيصير
علي : مشعل ضرب محسن مرتين عكس الطلاب
عبدالله : مدري ليش حاط راسه براس محسن
فهد : على قولته لمصلحته حسبي الله
علي: اي مصلحة ياولد محسن بيموت من الخوف اذا شافه
َهنا وصلوا مكتب الوكيل
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
