وصلوا فندق
محسن : وين حنا يبه؟
بدر : انزل وانت ساكت
محسن بخوف نزل وبيده ريم
بدر : امش وراي
محسن يمشي ورى ابوه ودقات قلبه تزيد من الخوف
وصل بدر لجناحه ودخلوا
محسن بخوف: بننام هنا؟
بدر : راح نعيش هنا
محسن : مافهمت
بدر : بإختصار انا ماسامحت ابوي حبيت اقضي وقت معهم
محسن بصدمه : وزواجي؟
بدر ضحك بقوه وقال : انت والزواج !! محسن وانت مصدق اني راح ازوجك!!؟
محسن بزعل : يعني عمي بندر عارف ؟
بدر :عمك عارف قلت له بس اتفقت انا وياه عشان ابوي يندم وايه اغراضنا بتوصل بعد ساعه
محسن ناظر ريم وقال : يعني كنت تكذب علي؟
بدر بعصبية قرب من محسن وقال : انا اكذب!!
محسن ودموعه بعينه : انت تدري اني ابي منار
بدر : انت توك صغير كنت بزوجك بس عمامك صادقين انت باقي صغير والادهى من كذا ان عقلك صغير
محسن ناظر ابوه بزعل : مشكور يبه
بدر ناظر ريم وقال : انتبه لها انا طالع
محسن جلس في الصاله واخته معه
هنا بدر طلع مسك تلفونه واتصل على بندر
بدر : الو بندر ؟
بندر : هلا يابدر
بدر : ابوي سأل ؟
بندر : ايه سأل وقلت له انك رحت وماراح ترجع
بدر : وش سوى؟
بندر : طبعا زعل وخذو بخاطرهم كلهم بس قلت لاحمد ومحمد وخواتي انك بتزورهم وموضوع منار علمتها ومازعلت اصلا زي ماقلت لك توهم صغار
بدر : اجل اشوفكم على خير
بندر : في امان الله ياخوي
عند العمام والجد
ابو بندر : اخوكم كذب علي
بندر : ماينلام
احمد : يبه انت ماخليت له مجال
محمد : طيب والزواج وش بيصير؟
بندر : كنا نبي نزوجهم بس بعد كلامكم انهم صغار انا وبدر اتخذنا قرار ان مافيه نصيب حاليا
ام عبدالعزيز : ياعيني يامحسن ماعاد بشوفه؟
غاده : الله يهديك يبه مو معطينا مجال نعبر عن رأينا انت تدخلت بحياتي وبحياة اخواني ماشفنا منك الا القهر
الكل انصدموا
غيداء: غاده ماله داعي هالكلام
غاده : وانا صادقه ماعاد بتحمل انا باخذ بناتي وارجع البيت
بندر : انا بوصلك انتي وغيداء وناظر زوجته وعياله وقال : يلا وخلو جنات تجي
غاده : تسلم ياخوي
محمد : جاك الي تدور له يبه
ابو بندر وبقلبه زعل ماكان يقصد بس فعلا العادات سلبت منه عياله
احمد : يلا يبه نرجع
الكل رجعوا بيوتهم
الساعه ١١ مساء رن الجرس
فتح محسن وشاف عمه بندر جايب جنات
بندر ضم محسن
محسن : منار رفضتني يا عم ولا وش السالفه
بندر: لا ياولدي بس انا وابوك قررنا انه مو وقته
محسن بإبتسامه مزيفه : تمام ياعم
بندر : يلا استودعتك الله
محسن : في امان الله
نرجع للماضي قبل ساعات
كانو الكل يسولف في الكشته الا بندر وبدر ابتعدوا شوي بسالفة مهمه
بدر : زي ماقلت لك
بندر : طيب وش رايك مانزوجهم يابدر ؟ دامك بتطلع من بيت ابوي؟
بدر : اتخذت قرار بزواجه
بندر : يابدر لا نكذب على بعض ولدك وبنتي مو للزواج
بدر فكر وعارف ولده مو حق مسؤوليه: اجل مافي نصيب
بندر : يعني بعد العشاء بتروح انت وعيالك؟
بدر : ايه وخل جنات عندكم واذا رحت انت علمهم اني رحت وما ارجع لابوي
بندر : تم
بدر ضم اخوه
بندر : الله يحفظك ويخليك لنا
بدر : انت اخوي الكبير انت اب لي
بندر ابتسم لاخوه وقال : فديتكك
أنت تقرأ
ليتني مِت معك يا أمي
Художественная прозаرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
