اشتقت لكم 😔❤️🩹
بعد اسبوع
يوم الخميس
الساعه ٩ صباحا في جامعة الملك سعود
سعود : فهد مسكين عنده الحين محاضره
علي : الحقوق وما ادراك ما الحقوق ههههههه
محسن : ههههههههههه الا تعال انت كيف التمريض
علي : زي وجهي هههههههههه
عبدالله : الحمدلله انك معترف بوجهك ههههههههه
محسن فتح جواله وشاف دكتور الساعه ١٠ ملغي المحاضره
محسن : سعود الدكتور الغى المحاضره
سعود : الحمدلله ياخي
عبدالله : هههه ياحظكم
محسن : ياويلي الاختبارات قربت
علي بضحك : عاد انت ماعليك خوف هههه
سعود : اليوم دكتور التحرير عطانا واجب
محسن : بحله وارسله لك
سعود : كفووو
علي : بتروحون البيت؟
محسن : يب بروح انا
عبدالله : نجتمع اليوم ودكم؟
محسن : ودي بس يمكن ابوي يرفض
سعود : استاذن ابوك بيوافق ان شاء الله
محسن بتسليك وقام بألم : اخخ ان شاء الله يلا توصون شيء
العيال : سلامتك
راح محسن
سعود : ياعيال
علي وعبدالله : هلا
سعود بحزن : برقبة محسن ضربه مالاحظتوها؟
عبدالله : ماشفتتت
علي : اكيدد ابوه
سعود : شفتها ومحسن ماعلمني شصار
عبدالله بزعل : اخخخ بسس
علي : عمر محسن ١٩ ويتعنف باقي!!
عبدالله : حسبي الله عليك يابدر
علي : لي متى نسكتت !!!
عبدالله : وش بتسوي يعني هذا ابوه!
سعود بحزن:لو تشوفون محسن كيف يرتجف وهو يقول لي ماصار شيء
علي : اكيد السالفه كبيره دام رافض يقول
جاء فهد : سلام
العيال : وعليكم السلام
عبدالله : تعال اسمع السالفه
فهد : وشش
علي : محسن فيه ضربه برقبته ابوه ضربه
فهد انصدم
فهد بعصبية : وين محسن
سعود : قبل شوي مشى للبيت
فهد: بدر ذاا مو طبيعي ابداا
عبدالله : الله يصلح الحال يارب
عند بطلنا رجع البيت ودخل غرفته وناظر المرايا وفسخ الثوب والفنيله وصار يحاول يناظر ظهره ورقبته الي مليانه كدمات
محسن صار يبكي وجلس على الارض
دخلت جنات وبيدها ريم
جنات : اوه موهسين انتا بخير؟
محسن ناظر ريم بحزن عليها ان ابوه نفسه هو ابو هالطفله وقال : حطي ريم دامها نايمه
جنات : تبغى جيب اكل لانتا؟
محسن هز راسه بلا
جنات جات عنده وجلست وقال : هبيبي محسن بابا انتا مو كويس بس اسمع كلام عشان بابا بدر مايضرب انتا طيب؟
محسن وهو يبكي : ماسويت شيء والله
جنات بزعل عليه : تمام انا سوي كيك انتا ابغى
محسن بإبتسامه لها هز راسه بنعم
جنات بفرح : ايوا وجيب بئد شاهي نئناء انت تهب
محسن بضحك على طريقة كلامها
راحت جنات تجيب الكيك والشاهي
وهو لبس تيشيرت وشورت وناظر اخته بحنيه ويتمنى انها يحميها
دخلت جنات واعطته الكيك والشاهي
محسن : ابوي بيضربني اذا اكلت هنا
جنات : عادي انا في نظف
محسن بخوف : لا ياويلي
جنات : تمام انتا روح اند بابا عبدالعزيز ( ابو بندر)
محسن بزعل وخوف: تمام
اخذ الكيك والشاهي وراح صوب المجلس
دخل محسن وشاف جده وعمه بندر جالسين
محسن : السلام عليكم
ابو بندر بزعل على محسن مارد السلام
بندر بحزن : وعليكم السلام
محسن جلس عندهم
ابو بندر : وش تبي؟
محسن يناظر الارض : اسف ياجد
ابو بندر : اسف على ايش ان شاء الله
بندر : يبه ماكان يقصد
ابو بندر : مفروض انا الي ضربته
محسن صار يبكي
بندر : ياولدي انت رجال لا تبكي
ابو بندر بزعل: لا ماهو برجال
محسن جلس عند جده وباس يده
ابو بندر : انقلع عن وجهي
محسن : ماكنت اقصد والله تكفى لا تكرهني
ابو بندر : من قال اكرهك هاه
محسن وهو يبكي: انا سويت خطا سامحني ياجد
ابو بندر قام وقال : ياليت والله لكنك ماتستاهل
محسن يمسح دموعه : كلكم تكرهوني والله لاطلع من عندكم واخذ اختي
ابو بندر اخذ عصاه من الارض وضرب محسن
محسن : اهه
بندر : يبه لااااا
ابو بندر ضرب محسن ضربه ثانيه وقال : ما ابغى اشوف وجهك
محسن على طول راح غرفته وهو يبكي
بندر :يبه حرام عليك
ابو بندر : خله عشان يعرف الي سواه خطا
بندر : يكفي ضرب ابوه خلاص يبه
ابو بندر : اخخ يابندر هالولد كسر خاطري وقلبي تحسب اني مبسوط بضربه وطرده لكن عشان يعرف الخطا من الصح
بندر : وش عرفه مسكين
ابو بندر : كله من اخوك بدر يضرب ولده على الصح والخطا ماخلاه يعرف الصح عن الخطا
بندر : خلاص ماراح يكررها محسن
ابو بندر : دام عرف ان الي سواه خطا انا عارف ماراح يكررها
دخلت نوره وقالت : سلام
ردو السلام
نوره : شفيه محسن راح شقته وهو يبكي
ابو بندر : نوره لا تدخلين
نوره بزعل : الا بتدخل هالمسكين وش سوى
ابو بندر : تسألين وش سوى!!!
بندر : يبه
ابو بندر : محسن سوى خطا كبير ولازم نعلمه
نوره بحزن : بس ياعم انت ضربته نفس ما ابوه يضربه وش استفدت هاه ؟ بعدين ماسوى شيء حاول ياخذ حقه بنفسه
ابو بندر : ذا ماهو بحق هذا يتمادى حدوده
نوره : ياعم محسن وش عرفه كيف يتمادى هو مايقصد فقط دافع عن نفسه
ابو بندر : السالفه مافيها دفاع مفروض يحترمم المكان الي هو فيه
بندر : يبه نوره صادقه وش سوى تبي العيال يضربونه ويسكت !!
ابو بندر : بس كلامه عن فيصل ولد سعود ماينقال
نوره : الا ينقال وشهو يقول لمحسن كلام بذيئ طبعا محسن بيضربه ويهينه
ابو بندر : بس مو كذا
بندر : يبه انت بدال ماتقول لمحسن مايصير وتهدي النفوس تروح تضربه وفوق هذا بدر ماقصر شف الضربات الي برقبته
ابو بندر بزعل : بس مهما كان مايقول للولد هذيك الكلمه
بندر : السالفه ناقصها شيء مستحيل محسن يضرب ويقول هالكلام الا ان فيصل استفزه
أنت تقرأ
ليتني مِت معك يا أمي
Ficción Generalرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
