بعد يومين
بدر : محسن يلا تجهز
محسن : جاهز يبه
بدر : متأكد مانسينا شيء؟
محسن : متأكد
بدر : اجل توكلنا على الله
محسن بتردد: يبه
بدر : وش تبي
محسن : متأكد بنسكن عند جدي؟
بدر بنظره استهزاء: وشرايك يعني انت قدنا ماشين وانت تسال امشش بلا فلسفه
محسن سكت ومشى مع ابوه
وصلو لقصر الجد ابو فيصل
دخل محسن مع ابوه وحطو اغراضهم بالجناح وبعدها نزلو للعائلة تحت
دخل محسن
الجد : يا بدر ليش تأخرتوا؟
بدر بيأس من ابوه : كان عندي مشوار وخلصته وجيت
الجد : وش هو المشوار ؟
بدر : المستشفى كان عندي اوراق لازم اوقعها
الجد : ايه الله يوفقك
بدر : امين يارب
الجد : الا اخذت اوراق محسن ؟
بدر : جهزت كل شيء ونقلت الاوراق للمدرسه العالميه
اما محسن مقهور بس ماوده يعارضهم لان عارف ماراح يصير الي يبيه
الجد : قواك الله يا بدر
دخل العم فيصل : السلام عليكم
الجد وبدر ومحسن: وعليكم السلام
العم فيصل : اخبارك يا محسن
محسن بابتسامه لعمه : الحمدلله وانت ياعم؟
العم فيصل: الحمدلله وناظر بدر وقال : ابغاك
الجد : وش تبغى فيه تعال اجلس نتكلم
العم فيصل : ابشر يبه
جلسو
العم فيصل : الا يا بدر وش صار قبلت عرض الجامعه؟
الجد : وشو عرضه الي ما ادري عنه
هنا محسن صنم مكانه لان تذكر الحلم
بدر : ايه يبه انا جاني عرض من جامعة الملك سعود وهي وظيفه براتب عالي يعني بيصير عندي وظيفتين لان معي شهادة الدكتوراه بالطب
الجد : بارك الله فيك ايه هذا الصح
بدر ناظر جواله يشوف الساعه وقال : يلا محسن
الجد : على وين
بدر: بنطلع الجناح نرتب
الجد : الله يبارك فيكم
طلعو لشقتهم
اول مادخلو محسن وقف قدام ابوه وقال : ما ابي اترك مدرستي
بدر : يا محسن انت رضيت بالبدايه وش الي غيرك ؟؟
محسن : يبه انت داري ماعندي الا اصدقائي وابغاهم تكفى يبه
بدر بعصبية : وجدك؟؟؟
محسن برجاء : تكفى يبه تكفى
بدر تذكر انه معاقب محسن وقال بصوت عالي: استرجل ياولد
محسن خاف وقال : ابشر
بدر بعصبية : رتب اغراضك ياويلك ساعه وماهي مضبطه لافرشك بالارض فرش
محسن : ابشر يبه
بدر بصراخ : يلا
محسن بزعل راح غرفته وبدا يرتب
اما بدر راح غرفته يرتبها وبعدها راح الشغل
بعد ساعه ...
محسن انتهى من الترتيب وتنظيف غرفته وكانت فخمه
محسن فكر يستغل عدم وجود ابوه ويسوي الي يبيه لكن تذكر ان ابوه ماراح يرحمه وانه وعد نفسه مايخرج عن كلام ابوه
محسن : افف
فجاه جاه اتصال من بدر
محسن : هلا يبه
بدر : انتيهت من الترتيب؟
محسن : ايه
بدر : تمام انزل عند عمامك او سو اي شيء
محسن بفرح : شكرا
بدر بنبرة غضب: ياويلك تسوي شيء خطا تفهم
محسن بلع ريقه وقال : ابشر
بدر قفل المكالمه
محسن راح غرفته ولبس ثوب اسود وساعه ونعال شرقي وبعدها مشط شعره الناعم الكثيف وبعدها نزل وشاف عماته جالسات بالحديقه وراح المجلس ماشاف احد وبعدها راح الجلسه الثانيه بالحديقه وجلس لحاله
مرام : شوفو محسن جاء
مشاعل : ليش جلس لحاله
مها : اكيد اخوك بدر مربيه كذا
مرام : غريبه يعني بناتكم مو هنا معنا ليش مايجي
مشاعل : قومي ناديه
مرام قامت واتجهت صوبه
مرام : هاي ياحلو
محسن بإبتسامة : اهلين ياعمة
مرام بزعل : امم انا مو عمه قول عني مرام تمام؟
محسن : ابشري
مرام : يلا تعال اجلس معنا
محسن : بس انتو يمكن تتكلمون بشيء خاص
مرام : لا شدعوه يلا امش
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
