في المستشفى الساعه ١٠ صباحاً
كان بدر يحط المغذي بيد محسن
محسن بتعب : ذي مو شغلتك صح؟
بدر : صحيح هذي شغلة الممرضين انا اكثر شيء على العمليات
محسن بإبتسامه : بصير مثلك ان شاء الله
بدر بحنيه ناظر لولده الي يبتسم وقال : بتصير احسن مني
محسن قام يضحك لان بنظره ابوه افضل دكتور
بدر : يلا انت نام وانا بروح اشوف شغلي
راح بدر
في المدرسه
عبدالله : قلبي قارصني على محسن ماعرفت حتى اركز على الدروس
علي : اليوم بنروح له وغصب
فهد : هذا الي بيصير
سعود سمعهم وجاء عندهم وجلس مكان محسن وقال : لا تسببون له مشاكل دام ابوه رافض ومعاقبه
فهد : انت وشعرفك انه معاقبه
سعود : اخوي وابو محسن اصدقاء واخوي يعلمني وتعرف حنا جيران اليوم بكلم ابوه واشوف شصار
عبدالله بعصبية : مانبي منك شيء
سعود : ياعيال والله ماراح اسبب مشكله صح اني سببت لمحسن اذيه بس مو عن قصد انا ابي اصير صديقه
علي : اعقب بس هذي من خططك بس
سعود : اوهه انت وياه لا احد يروح له وبس انا بشوف وبعلمكم
عبدالله: حنا بنراسله مو بحاجتك و صد عن سعود النظر
راح سعود مكانه بيأس
الساعه ١ ظهراً
بدر دخل غرفة محسن بالمستشفى وقال : يلا نرجع البيت ماله داعي تجلس
تجهزوا وراحو البيت
جاء بدر ومحسن يبغون يدخلون شقتهم شافو سعود
سعود: سلام كيف الحال
بدر : وعليكم السلام الحمدلله وانت
سعود ناظر محسن وشافه تعبان وقال : سلامتك يامحسن خفنا عليك غريبه غايب
محسن : تعبت شوي
سعود: بس كنت بتطمن عليك
محسن حس ان سعود صدق يبي يصير صديقه
محسن ابتسم لسعود وقال : الحمدلله انا بخير
بدر : تفضل ياسعود
سعود : لا امي تنتظرني المره الجايه ان شاء الله
دخلو بدر ومحسن الشقه
بدر : يلا انت روح استريح بغرفتك وبسوي لك اكل في خاطرك شيء معين
محسن هز راسه بلا وراح غرفته
على طول مسك جواله وصار يراسل اخوياه
عبدالله على طول اتصل على محسن مكالمة فيديو يوم شافه متصل
عبدالله : الو
محسن بتعب : هلا عبود
عبدالله : سلامتك شفيك
محسن : بس تعبت سخونه
عبدالله : رحت المستشفى ؟
محسن : ايه رحت
عبدالله شاف محسن تعبان بزياده وماحب يتعبه وقال : انا برسل لك الواجبات و بطمن العيال وانت استريح
محسن : يعطيك العافيه
عبدالله : الله يعافيك
وقفلوا المكالمه
محسن كان مريض لمدة اربع ايام ولا داوم ومرت هالاربع ايام مثل العاده تعبان وعلى سريره
يوم الجمعه الساعه ٩ صباحاً
صحى محسن من النوم وحس التعب راح وقام اخذ شور وفرش اسنانه ومشط شعره وخرج للمطبخ
صار يسوي له توست وحليب وبعدها جلس بالصاله يتابع التلفزيون
خرج بدر وكان متكشخ لابس ثوب وشماغ وريحة عطر مليانه بكل مكان وارتاح لما شاف ولده كذا عرف انه صار بخير وماعاد تعبان
بدر : صباح الخير
محسن : صباح النور على وين ؟
بدر مو مستغرب لان ولده ملقوف وقال : رايح لجدك
محسن بفرحه : صدق
بدر جلس وقال : ايه اتصل علي براسه وترجاني اجيه
محسن بفرحه : اخيرا بتعرف عليهم
بدر : ايه بتتعرف بس ابغاك على الصراط المستقيم
محسن بخوف : ليش
بدر : ما ابغاهم يقولون بدر ماعرف يربي انا شقيت وتعبت اترك المشاكل ياولدي انت كنت زمان ماتشيل عينك من الارض اذا كنت موجود والحين مدري شصار
محسن : اوعدك يبه ارجع اطبق قوانينك انا غلطان
بدر : الحمدلله انك عارف انك غلطان لو تفكر ماتمشي على قوانيني ونظامي انت عارف وش بسوي فيك
محسن خاف
بدر بنظره يعرف اذا الي قدامه مريض او لا لانه خبره بالطب وقال : دامك بخير انا بروح
محسن قام احتراماً وقال : قهوتك ؟
بدر عرف ان محسن صار بيتحمل المسؤوليه ويبدا يطبق وقال : ايه تعجبني كذا يلا روح سوها ولا تتاخر علي
محسن على طول ركض سوا لابوه قهوه من ماكينة القهوه واعطى ابوه
بدر ذاقها واعجبته وقال : يعطيك العافيه
طلع بدر
محسن حس قلبه ارتاح لانه صار يرضي ابوه المتحكم والعصبي
أنت تقرأ
ليتني مِت معك يا أمي
Ficción Generalرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
