ليتني مِت معك يا أمي

البارت الرابع

اسفه على التأخير لكن بعوضكم اليوم بهذا البارت وايضا بارت ثاني وماراح انزل الا بالويكند خلال هالشهر عشان اختبارات الفتره الجامعه بدأت اتمنى تتفهمون ✍️❤️‍🩹

السبت الساعه ٤ عصرا
كانت العائلة مجتمعه في الحوش
الجد بضحكه : والله ماهو بصاحي
احمد بضحكه: وجهه يسد النفس قال مب صاحب قال ههههههههههه
محمد : الا وين بدر وولده
الجد : بدر تو يرجع من الدوام وولده من بعد الغداء ماطلع
عبدالعزيز : اروح اشوف؟
بندر : لا ياولدي انا بروح
الجد : اي والله روح شوف
بندر راح ودق باب شقة بدر
كانو بدر ومحسن يتناقشون عن اختبار القدرات الثاني لمحسن لان اختباره الاول جاب ٩٠ وبدر يبيه يجيب ١٠٠ واخذ مدرس خصوصي ودورات اونلاين
محسن : يبه تكفى ما ابغى مدرس
بدر : الا وكلامي ماراح اكرره
دق الباب
محسن راح يفتح
بندر : ماودكم تجون تسولفون
بدر : هلا يابندر
دخل بندر وقال : شفيكم هنا لحالكم
بدر : ابد مناقشات بسيطه
محسن بعدم رضاء ناظر ابوه وبندر انتبه له
بندر : شفيك يامحسن
بدر : اتركه ابغى مصلحته وهو يعاند
محسن : يبه افهمني
بدر : انتهى النقاش
محسن ضرب رجوله بالارض
بدر اتجه صوبه بعصبية وصفقه كف قدام اخوه بندر
بندر بفزعه لمحسن : بدر خيرررر
بدر بعصبية :لا تدخل
بندر قفل الباب وقال : شسالفتكم
بدر : خذيت له مدرس اونلاين عشان القدرات والاخ رافض
بندر : ياولدي لمصلحتك
محسن وهو زعلان من الكف : انا بذاكر بنفسي
بدر بعصبية : شفنا مذاكرتك بأول اختبار
بندر : ليش كم جاب
بدر : ٩٠ بس
بندر بصدمه لان ٩٠ ممتاز مره بالقدرات محد يقدر يجيبها الا قليل وقال : ماشاء الله وش عادك تبي
بدر : ابغى ١٠٠ كامله ولا ياويله
بندر : حصل خير وانت يامحسن اسمع كلام ابوك
بدر : اخخ منه عنيد
راح محسن غرفته وقفل الباب
بدر يبي يروح صوب محسن بعصبية بس مسكه بندر وقال : صل على النبي وتعال تقهوى
خرج بدر وبندر للحوش
الجد : ارحب يا ابو محسن
بدر : البقى
الجد : وش فيك ماجيت تجلس قاعد بشقتك
بدر : المعذره والله انشغلت
الجد : ماحولكم خلاف؟
بدر : ابد
بندر : ايه وش صار على ابن سالم
محمد : قالو حكمو قصاص
بدر : منهو ابن سالم؟
احمد : عم محسن خويك
بدر بصدمه : ليه شسالفته
احمد سكت
الجد : قتل اخوه
بدر انصدم وقال : ابو محسن !!!
بندر : ايه
بدر : اكيد هو ورى سالفة محسن
محمد : الله اعلم قالو فتحو تحقيق بس قال مايعرف
بدر على طول اخذ مفتاحه وجواله ويبي يطلع
الجد : ولد وين 
بدر طنش ابوه وطلع
بندر : الله يستر
محسن خرج من الشقه وراح جلس عندهم
محسن : وين ابوي
الجد : طلع مشوار
محمد : ليش وجهك احمر
محسن ساكت
بندر : ابوه ضربه
احمد : لا حول ولا قوة الا بالله هو اخوك ذا صاحي
الجد : وش السبب؟
بندر : سجله عند معلم اونلاين للقدرات ومحسن رافض ولما اعترض اعطاه مخمس
الجد : الله يهديه
محسن ساكت ويسمعهم وهم يتكلمون عنه !

عند بدر
راح للسجن يبي يقابل عم محسن
العسكري : للاسف ماتقدر مو وقت الزياره
بدر : ضروري اقول لك
العسكري : اقسم بالله لو ماتتحرك ان نقبض عليك
بدر بعصبية ترك المكان وتوجهه للبيت
دخل البيت وهو معصب
الجد : بدر
بدر مايسمع دخل شقته وقفل الباب بسرعه
محسن كالعاده ملقوف يبي يعرف وش السالفه وقام يبي يروح الشقه
بندر : محسن اجلس لان واضح معصب
محسن بلقافه : ماعليك ياعم
دخل محسن ولقى الشقه حوسه ابوه كسر كل شيء
محسن بصدمه قال : يبه وش صاير
بدر بصراخ : انقلع عن وجهي
محسن يبي يعرف وش صاير وقال : صل على النبي واجلس
جلس بدر ومحسن راح يجيب مويه واعطاها ابوه
بدر شرب المويه ورمى الكاسه على الارض وانكسرت
محسن جلس عند ابوه وقال : يبه وش مضايقك
بدر ناظر ولده وقال : انت وش تبي مني
محسن : انت ابوي فضفض لي
بدر : انقلع عن وجهي وراح دخل غرفته وقفل الباب
اما محسن قام رتب المكان وطلع لعمامه
جلس محسن عند جده
الجد : ماباقي شيء على الاذان
محمد : غاده راحت بيتها؟
بندر : ايه
محمد : كان جلست هي وغيداء
احمد : تعرف نايف يبي مرته وبناته عنده و اما غيداء تعرفها نظاميه
الجد بضحك : معلمة رياضيات وش متوقع ههههههه
محسن : هو نايف خالي
الجد : ايه
احمد: شرايك اوديك لهم ؟
محسن ناظر الارض : لا ما اعرفهم
محسن : خالي جاء اخذ عمتي ولا سلم علي؟؟
نوره بكذب عشان محسن لايزعل : عندنا ظروف ببيت هلي مانقدر
محسن : مافهمت
نوره سكتت لان امها تكرهه محسن لانه سبب موت بنتها ورفضت احد يسال عنه حتى هددت بنتها نوره ماتقرب منه لكن نوره ماتقدر
محسن : طيب عندي جد من طرف امي او جده
نوره: ابوي توفى وحنا صغار اما امي بخير
محسن بفرح : عندي جده
الجد بحزن مايعرف ان جدته تكرهه وقال : بس هي تعبانه لا تروح تمام
محسن : سلامتها وش فيها ؟
بندر طفش من تحقيق محسن وقال : بس ياولد ليه ملقوف انت
محسن : انا ملقوف!! ليه عشان ابي اتعرف على اهل امي
بندر مسك يد محسن وقال : جدتك ماتبيك
الجد بغضب : بندر من سمح لك تتكلم؟
محسن انصدم ان جدته ماتبيه
بندر : خله يعرف الحقيقه خواله مايبونه
نوره: الا نبيه بس امي
بندر : امك مهددتكم لو تدري عنك انك تكلمينه تقلب عليك
محسن قام بحزن ودخل الشقه
الجد : يابندر مالك داعي عوينات هالولد
احمد : الله يعين وقام
الجد : بتروح الدوام؟
احمد : ايه وطلع