اعذروني على التأخير
🤍🤍
ارجوا التصويت واعطوني رايكم على البارت
ابو بندر بصراخ : بدر وقف
بدر وقف وألتفت لأبوه
ابو بندر قرب ووراه بندر واحمد ومحمد
ابو بندر : تعال المجلس
بدر : انتهى يبه اعتبرني مو ولدك واعطى ابوه ظهره ويبي يطلع وقال لمحسن : خذ ريم والخادمه وخلهم بالسياره وانت بسيارتك
محسن طلع وركبوا السياره
ابو بندر مسك يد بدر وقال : اسف
بدر بدموع : عذرك ماهو مقبول هذي ثاني مره والسبب عاداتك وتقاليدك الي ماتنتهي
ابو بندر بدموع
بدر بحزن : تصدق كنت احسبك تحبني انا واخواني بس اكتشفت انك تحب نفسك
ابو بندر : لا لا احبكم انتو عيالي
بدر : صحيح والدليل غاده اجبرتها تتزوج نايف وهي ماتبي ولا كأن لها رأي تحسبني ما اعرف وهذا كوم والكوم الثاني رفضت تخليني احضر زواج غيداء وزواج محمد وغاده
ابو بندر : لانكك..
قاطعه بدر : لاني رفضت اتبع عاداتك وللاسف طاح الفاس بالراس وماتقدر تحرمني من اخواني نفس قبل
ابو بندر ضم بدر وقال : تكفى لا تروح لحظة غضب
بدر : ضمتك هذي كأنها كف بوجهي يبه
بندر : بدر اذكر الله ابوي جالس يراضيك
بدر : ما احتاج احد يراضيني
محمد : تكفى يابدر اجلس عندنا هذا ابوك مهما صار
احمد بإصرار : يا بدر اذا عندنا خاطر عندك اجلس
ابو بندر : اوعدك اني ما عاد اتدخل فيك ولا في عيالك
بدر : وعد؟
ابو بندر : وعد
بدر ناظر اخوانه
بندر : والله الكلام فاضي معكم وراح للسياره وقال لمحسن والخادمه ينزلون ويرجعون لشقتهم
محسن ناظرهم وهو داخل
محسن بزعل : تتهاوشون على سبب تافهه وبعدين اطلعوا وارجعوا شسالفتكم؟
بدر بعصبية : وانت وشدراك انه تافه؟؟؟
محسن ببرود لانه تعب من خوفه من ابوه وقال : انت قلت اني انا السبب اكيد انا سبب تافهه
بدر : شفف ماني فاضي للدلع حقك
محسن قرب من ابوه وقال : انا دلوع ؟؟ وين الدلع
بدر بعصبية : لو مادلعتك ماكان ترد علي
محسن بضحكة : صحيح مالي حق ادافع عن نفسي لأني دمية تطلع حرتك فيها وتضربها على كيفك متى ماعصبت
الكل انصدم
بدر : عيد وش قلت
محسن بصراخ : انا دميه تتحكم فيها تعبتتت وانا اخاف منك تعبت وانا اقولل ابوي بيضربني اليوم او لا تعبت تعبتتت حس فينيي انا ولدك
بدر بعصبية مسك يد محسن
محسن بضحكه ناظر جده وقال : شفت كيف الحين بيضربني عشان يخفف من عصبيته يلا اشوفكم بعدين ههههههههه
الكل منصدمم وصمت ماقدروا يتكلمون كأن الي قدامهم مو محسن
ابو بندر بصراخ : لا تلمسه يابدر
بدر ركض عند ابوه بعصبية وقال : على اساس ماتدخل فيني وبعيالي؟
ابو بندر سكت
بدر : هاه؟؟
ابو بندر بتردد: المعذره
بدر ناظر اخوانه ورجع لمحسن ومسكه من يده
محسن بضحك : اوه جدي يسمع كلامك هههههههههه
بدر مصدوم من ولده
دخلوا الشقه
بدر سمع جنات تتذمر ومعها ريم
جنات : خودي هدا وشيلي هدا يلا روح بيت جديد يلا ارجع ايش فيه انا تئبت صح يا بيبي ها صح
بدر بصراخ :جنات
جنات بخوف : نئم بابا
بدر : ما اسمع صوتك لا تدخلين بشيء مايخصك
جنات بخوف : اسف بابا
وراحت للغرفه ترتب
بدر بعدها التفت لمحسن الي ساند ظهره على الجدار
بدر : وبعدين معك انت قبل شوي ترتجف من الخوف والحين لسانك طويل
محسن بحزن : تعبت
بدر : من ايش ان شاء الله
محسن بدموع : اكره نفسي واكره حياتي كل يوم اواجه الخوف وما اقدر ادافع عن نفسي لانك ابويي حرام عليك ارحمني يبه
بدر تأثر بس حازم بشده وقال : انقلع غرفتك
محسن بعناد : لا ابي اتكلم معك
بدر : شف انا سامحتك وماراح اضربك روح غرفتك قبل اغير رايي
محسن قرب من ابوه : انت عارف ان الحين بداخلي خوف منك صح؟
بدر : لا حول ولا قوة الا بالله العلي العظيم
محسن بحزن ودموع: الخوف هذا بداخلي من كنت صغير احاول ابعد الخوف عني بس اذا شفتك قلبي يدق وارتجف وداخلي ينهار
بدر بتأنيب ضمير : ولد اسكت
محسن يكمل كلامه : ليش يبه تعاملني كذا ليش كل يوم تضربني ليش تعنفني ليش ليش
بدر صمت
محسن دموعه تنزل غصب : عشان امي صح؟
انا عشت طفولتي بخوف والحين شبابي بخوف والسبب اني يتيم ام ؟؟ لان امي ماتت وقت ولادتي؟ انا وش ذنبي يبه وش ذنبي
بدر ببرود : انتهيت ؟
محسن : ماعاد بسمح لك تلمسني انتهى يبه
بدر بعصبية : مو على كيفك
محسن : وريم؟
بدر مسك تيشيرت محسن وقال : وش فيها اختك؟؟
محسن ناظر ابوه بنظرة بريئه وهنا بدر انهزم من نظرات ولده
محسن : اخاف تعيش مثل ماعشت
بدر بصراخ: وش الي عشته ؟؟ هاه وش عشت
محسن بإبتسامة حزينه : عشت فقدان الام وفقدان حنان الاب وعشت ألم الخوف وعشت العنف وعشت طفولتي وحيد وعشت مراهقتي بشق الانفس يبه ابسط احلامي ماعشتها
بدر : كل ذا بقلبك ؟؟
محسن يمسح دموعه : اتمنى اطلع مع اخوياي اتمنى اروح مدينة ملاهي اتمنى ارجع اعيش طفولتي وانزل العب مع العيال كوره كنت اتمنى ابسط الاشياء
بدر صمت
محسن ناظر ابوه وقال : انت حرمتني من كل حقوقي على انه لمصلحتي يبه عمري ١٩ سنه وللحين اخاف منك ماراح اكبر وهالخوف فيني
بدر يقاطعه ويقول بدموع : اسكت خلاص
محسن وهو منهار : لااا ماراح اسكت لا ماعاد بتحمل بدر بصراخ : اسكت
محسن يكمل كلامه : مو انت قلت لي انك باقي طفل يامحسن ؟؟ ماسألت نفسك ليش محسن طفل ويخافف؟
بدر اعطى محسن كف وطاح على الارض من قوته
محسن عجز يقوم ودموعه نزلت
بدر جلس عند محسن وقال : انا ابغاك تكون كذا تفهم؟؟ تسمع كلاميي وبس
محسن ساكت وماتكلم ودموعه تنزل
اما بدر ناظر عيون محسن الي مليانه دموع ونظراته الي تثقب الحجر
بدر بتأنيب ضمير : يلا قوم خذ لك شور وارتاح شوي
محسن بألم يقوم وماكان قادر يعترض على كلام ابوه لان داخله شيء يقول اسمع كلام ابوك يامحسن وفعلا محسن اذا يبي يعترض مايعترض يغير رايه ويرجع محسن الي يخاف
بدر ناظر محسن الي يمشي كأنه جثه بعدها راح غرفته وناظر ريم نايمه
بدر : وانتي راح تاخذين قسمك من الحياة ماجيتي بنت لبدر عبث وباسها وجلس على سريره يفكر بحياته
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
