البارت الثاني
يوم الجمعة
الساعه 10 صباحاً
محسن منسدح على السرير ويفكر ليش محروم من اي شيء يحبه عكس العيال الي بعمره ويفكر هل سبب كل ذا موت امه وفكره توديه وفكره تجيبه تعوذ من ابليس وراح يوضي وجلس على سجادته وبدا يقرأ قرآن
عند عائلة فهد
الاب تركي : اسمعونيي انا باخذكم من امكم دام بتعيش عند ابوها
فهد يقاطعه ويقول : سلامات ماتبينا وبنفس الوقت تاخذنا وش تبي انت بالضبط تبي تحرمنا من امي
الاب : والله هي الي طالبه الطلاق لو ماطلبت كان ماصار ذا كله
فجر اخت فهد : يبه انت ماتصرف علينا ولا تحبنا ولا تسال عنا من يوم تزوجت طبعا بتطلب الطلاق دام انك ماتعدل بيننا وبينهم
الاب : انا عارف اني غلطان بس انا علمتها بتغير وهي طلبت وورقتها بتوصلها هالاسبوع بس انتو عيشو عندي وتشوفون امكم متى مابغيتو
فجر بضحك على ابوها : وش يعرفني انك صادق ؟ بعد الي شفناه مانثق فيك
فهد يناظر اخته ويقول : لا تصدقينه
الاب : اوعدكم اتغير وتشوفون امكم متى ماتبغون اذا ماتفكرون بنفسكم فكرو بفرح وفيصل تكفون
فجر اقتنعت وقال : دام وعدتنا بنفكر وناظرت فهد وقال : تعال وراي
نعرفكم على عائلة فهد
الاب : تركي بن فهد ٥٥ سنه موظف في بنك مشكلجي لكن طيب
الام : نوال ٤٨ سنه طيبه وعلى نياتها وتفكر بعيالها وبناتها
البنت الكبيره : فجر ٢٠ سنه تدرس تخصص ادارة اعمال متفوقه
الولد الكبير : فهد عرفتكم عليه
فيصل الاخ الصغير عمره ١٤
فرح الاخت الصغيره عمرها ٦ سنوات
وزوجة ابوه : ساره ٣٦ سنه حنونه وتحب عيال زوجها وتنصح زوجها مايفرق بينها وبين ام فهد عندها بنت وولد البنت فاطمه عمرها ثلاث سنوات و الولد فارس عمره سنه
الساعه 4 عصرا يوم الجمعه
محسن كان جالس بالصاله يتابع التلفزيون
دخل بدر الشقه وبيده غداء
بدر : السلام عليكم
محسن باقي زعلان من ابوه ولا رد السلام
بدر بنرفزه حط الاكل على الطاوله وقال : جهز الغداء لين اغير ملابسي واجي
محسن : ماراح اجهز شيء
بدر : انت عديم مسؤوليه برجع اربيك من جديد
محسن : ايه تمام
بدر بصدمه وبعصبية قرب من محسن ومسكه وقال : ياولد لا تخليني ادفنكك وانت حي
محسن : ياليت
بدر بغضب صفق محسن كفيين وقال : قدامي جهز الغداء ولا يكثر واذا ماجهزته وجلست تتغدى صدقني بتشوف شيء ماعمرك شفته
محسن خاف
بدر بصراخ : يلااا وبعدها دخل غرفته وقفل الباب بقوه
محسن برجفه قام يجهز الغداء بعدها خرج بدر وجلس وقال : ماتمشي الا بالعين الحمراء وهذا اسلوبي معك من اليوم ورايح ماعاد فيه تفاهم معك
محسن بنبرة حزن وفيه بكيَه : انا بس ابغى اعيش زي باقي العيال
بدر بنرفزه ووجه الملعقه صوب محسن وقال : انت خلك رجال زي العيال عشان تعيش زيهم ما انت الا طفل وانت وحركاتك ذي
محسن انجرح من كلام ابوه
بدر : مسوي نفسك زعلان والله زعل جدي طق راسك بأقرب جدار يا عديم الاحترام انا ربيتك وتعبت وشقيت فيك ماعشت زي الخلق الله يرحمك يا ريم تعالي شوفي ذي الشوفه رحتي عشان هالولد اللي لا هو محترم ولا فاكني من شره
محسن ماتحمل كلام ابوه وقام يبي يروح غرفته
بدر بنبرة غضب وبصراخ : اجلسسس مكاننككك
محسن جلس
بدر بغضب : كمل أكلك وبعدها نظف الشقه بلا زعل بلا كلام فاضي
محسن يبكي وما عرف ياكل من الحزن قليل بفمه وكثير بالارض
بدر بنرفزه : بالله بذا العمر ولا تعرف تاكل
محسن ترك الملعقه وغطى وجهه بيدينه وصار يبكي
بدر حزن عليه وبتأنيب ضمير قال : محسسن ناظرني
محسن ماناظرابوه
بدر قام جلس عنده وقال : ليشش تبكي؟
محسن ناظر ابوه وعيونه حمراء ودموعه تنزل وقال: ليش ابكيي؟ انت ماخليت عني اي كلمه جرحتني بكل قوتك بالضرب والكلام وكل شيء انا شسويت لك انا لو الامر بيدي ماكان امي ماتت لاني احتاجهاا
بدر بتأنيب ضمير : بس انت عصبتني
محسن وهو يبكي : انا انسان مو روبوت يبه عندي مشاعر عندي احلام اشوف العيال اتمنى اكون مثلهم وانت حارمني من كل شيء وتعايرني يبه انت تقدر تتزوج غير امي بس انا من وين لي ام يبه الزوجه تتعوض بس الام ماتتعوض
صار محسن يبكي اكثر واكثر كأنه طفل من كثر الالم الي داخله
اما بدر انصدم وصارت دمعته تنزل اللي اخر مره نزلت بموت زوجته قرب من محسن وضمه وقال : ماقصدي والله ياولدي انت حبيبي وروحي وعيني انت ضناي
محسن قام وقال : بس كلامك قبل شوي غير انا الي خربت حياتك بموت امي هذا قصدك!!!
بدر قام وضم محسن ومسح على راسه وقال : لا والله ماقصدي كذا انت ماتفهمني ياولدي انت ضيء عيوني لاتزعل مني تعرفني اذا عصبت اتبهذل بالكلام
بدر ناظر محسن وقام يمسح دموع محسن ومسك يده وقال : اجلس وكل هالاكل لا تجلس جوعان
محسن منصدم من بكاء ابوه ومن ضمه له
محسن بدا ياكل
بعد ماخلصوا الاكل
راح محسن ينظف الشقه كامله بعد ما أنتهى من التنظيف راح لغرفته
أنت تقرأ
ليتني مِت معك يا أمي
General Fictionرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
