بعد مرور زمني لمدة عام كامل بدأ بطل روايتي يدرس الجامعه بالسنة التحضيريه وبدأ مسار الحياة يتغير واصبح كل شيء يبدا تدريجيا ويتفتح امام محسن
في جامعة الملك سعود- كلية السنه التحضيريه
اول يوم لبطلنا في الجامعه
محسن وسعود كانوا يدورون قاعة المحاضره
سعود : لقيتهااا تعال
محسن ركض ودخلوا
دخلوا وجلسوا في الامام
سعود : شكلنا متحمسيين
محسن : الله الله نشد حيلنا عشان ندخل طب
سعود : توتر ياخي
محسن : ايزي
سعود : قالو التحضيري صعب
محسن : مافي شيء سهل انت اجتهد والدنيا سهالات
سعود : بإذن الله
صاروا الطلاب يدخلون
دخل الدكتور وسلم وصار يتعرف عليهم
الدكتور : دام تعرفنا على بعض خلونا ناخذ نبذه عن المقرر واعطيكم ملخص اول درس
الدكتور بدا يشرح
اما محسن كأي مستجد بالجامعه جايب دفتر ويكتب مع الدكتور ومتحمس
في نفسس الجامعه لكن بكلية الطب والجراحه
هنا بدر بالمحاضره بدا يشرح
اول طالب : ياليل ذا من اول اسبوع يشرح
الثاني: لا يسمعك لان سمعت انه شديد ذا الدكتور
الاول: الله يعين
بدر سمعهم وقال : الي مايبي يسمع ويستفيد من المحاضره يتفضل يطلع
وكمل شرح
في نفس الجامعه لكن جهة البنات
منار كانت سنه تحضيريه لان تبي طب وتعرفت على طالبات وجلست معهم
منار : وش تبون تدخلون يا بنات؟
ريما : هندسة حاسب
ساره : طب اسنان وانتي
منار : طب عام
ريما : يارب ننقبل بعد السنه ذي
البنات : يارب
في بيت ابو بندر
كان ابو بندر بالمجلس وجنبه حفيدته ريم نعم حفيدته بنت بدر عمرها ٣ اشهر نايمه على سرير صغير
كان بدر جايب خادمه لبنته
دخلت الخادمه وقالت : بابا شيل بيبي انا
ابو بندر : لا خلي بيبي معي اذا ابغى بيبي شيء انا نادي انتي
الخادمه : اوكي بابا
طبعا ابو بندر رافض فكرة الخادمه تكون مع ريم ( بنت بدر سماها على اسم زوجته ريم )طول الوقت فقط اذا احتاجت تغيير وهاوش بدر من الاساس على ذي النقطه
دخل بندر : السلام عليكم
ابو بندر : وعليكم السلام
بندر : الصغنونه نايمه؟
ابو بندر : اي والله نايمه
بندر : ياقلبي عليها امس الليل اسمع صوت بكاها طول اليوم
ابو بندر بضحك : كذا البزران اذا عرفوا انك بتنام يعطونك انذار مايتوقف هههههههههههه
دخلت نوره وبيدها فطور : السلام
ابو بندر وبندر : وعليكم السلام
نوره شالت ريم وحطتها بحضنها
ابو بندر : ليش خليها تنام
نوره : تقوم ترضع يا عم ذي طفله لازم كل ساعتين ثلاث ترضع مو نوم
ابو بندر : تعلميني؟ انا اب لست ورعان هههههههههه
نوره بضحك : بس ذا دور الام يا عم
ابو بندر بحزن : محسن عاش بدون ام والحين هالمسكينه بتعيش مثل ماعاش اخوها
بندر بحزن : يبه لا تكدر خاطرك شف محسن ماشاء الله رجال وريم بتصير مثله قويه ماعليك
ابو بندر : دام ابوهم بدر فالله يعينهم
نوره وبندر : امين
أنت تقرأ
ليتني مِت معك يا أمي
Ficción Generalرواية ليتني مت معك يا امي روايتي الثانية تتحدث الرواية عن فتى يحاول ان يعيش كأي فتى في هذة الحياة لكن والدهُ المتحكم يقف في طريقه 🔥 حسابي انستجرام rwayatsalwa حسابي تيك توك rw.salwa ما احلل من ياخذ اي رواية من رواياتي 👩🏻💻
