[Unicode]
အပိုင်း ၁၇။
သူသည် စေတနာလေးဖြင့် သူမအား ပေါ့ပေါ့ပါးပါးပင် ကူညီပေးခဲ့သလိုမျိုးပုံစံဖြင့် အေးအေးဆေးဆေးပင် ပြောလာ၏။
သို့သော် ဝမ်းလိသည် တစ်ညတည်းနှင့်ပင် နားလည်သွားသည်။ သူသည် သူမ့အဖေနှင့် ဆက်သွယ်ခဲ့ပြီး တရားဝင် ဝေ့ပေါ်အကောင့်က အတည်ပြုချက်ရယူခဲ့ပြီး ကြေညာချက်တစ်ခုကို ထရေးကာ အခြေအနေကို ရှင်းလင်းလိုက်နိုင်သည်။ ဤစွမ်းဆောင်ရည်သည် ထိပ်တန်း PR အဖွဲ့တစ်ခုနှင့်ပင် နှိုင်းယှဉ်လို့ရနိုင်ပေသည်။
သူ တစ်ညလုံး ဖုန်းပြောနေတာ အံ့သြစရာမရှိတော့ချေ။
သူသည် သူမ၏စိတ်ကို မစိုးရိမ်ဘဲ ဂရုမစိုက်တတ်သူဖြစ်ကာ သူမအား အချိန်အတော်ကြာ စိတ်ဆိုးစေခဲ့သည်ဟူ၍ နားလည်မှုလွဲခဲ့မိသည်။
မရင့်ကျက်။
ရယ်စရာကောင်း။
ဦးနှောက်မရှိ။
သူမ ရင်ထဲမထိဘူးလို့ ပြောလျှင်သည် မှားပေလိမ့်မည်။ ဝမ်းလိသည် ကျေးဇူးတင်ကြောင်းပြောတဲ့အခါမှာ မတော်သော်လည်း လူတစ်ဦးအနေဖြင့် သူမသည် မယဉ်ကျေးတာမျိုးမဖြစ်ချင်ပေ။ တစ်ယောက်ယောက်က ကူညီသောအခါတွင် ကျေးဇူးတင်ကြောင်းပြောရမည်ပင် မဟုတ်ပါက လူတွေက သူမကို ကျေးဇူးကန်းတယ်လို့ ထင်ကြမည်သာ။
အချိန်အတော်ကြာ တွေးတောဆင်ခြင်ပြီးနောက် ရှုံ့တွနေတဲ့မျက်ခုံးမွှေး၊ ရှုံ့ပွနေတဲ့ နှာတံနဲ့အတူ နောက်ဆုံးမှာတော့ သူမပါးစပ်ကနေ စကားလုံးနှစ်လုံးကို ဆိုလိုက်၏ “ကျေးဇူးတင်ပါတယ်”
"ရပါတယ်"
ဒီရိုးရှင်းတဲ့စကားလုံးတွေကို သူတို့ပြောတဲ့အခါ အနည်းငယ် မရင်းနှီးပြီး အနေရခက်သလို ခံစားရ၏။
ထပ်ပြောစရာမရှိတော့ပေ။
သူမက အိပ်ရာမှထပြီး တိုင်ကြားချက်တွေကို အသံသွင်းဖို့ စီစဉ်ထားပေမယ့် အခုတော့ ကိစ္စက ပြေလည်သွားတော့ ဘာမှ ပြောစရာမလိုတော့ပေ။
နေရောင်ခြည်သည် အခန်း၏ တောက်ပသော ကြမ်းပြင်မှ မျက်နှာကြက်အထိ ပြတင်းပေါက်များမှတဆင့် ဖြာကျနေသည်။ ကြယ်မြို့တော်တွင် ရက်အတော်ကြာ မိုးဆက်တိုက်ရွာပြီးနောက် နေမင်းကြီးသည် နောက်ဆုံးတွင် တောက်ပလာကာ လူတို့၏ နှလုံးသားကို နူးညံ့သိမ်မွေ့စွာ နွေးထွေးသွားစေသည်။
YOU ARE READING
ထိပ်တန်းစုံတွဲက နည်းနည်းလေးတော့ချိုမြိန်တယ် [MM Translation]
RomanceCOMPLETED ✔️ Title - The Top Couple Is A Bit Sweet [Myanmar Translation] Status in COO- 95 Chapters + 5 Extras အနုပညာလောကက ထိပ်တန်းသရုပ်ဆောင်နှစ်ယောက်ရဲ့ အခါးမပါတဲ့ Married Life ချိုချိုလေးပါ စုန့်ယန်×ဝမ်းလိ Start Date - 18.09.23 End Date - 29.0...