[Unicode]
အပိုင်း ၈၈။
ဝမ်းရှင်းယီသည် ခဏတာ တိတ်ဆိတ်နေ၏။
နှစ်ဖက်လုံးဆံပင်တွေဖြူနေသည့် ခုနစ်ဆယ်ကျော်အရွယ်ရှိ အဘိုးကြီးသည် သေးငယ်သောဝေဒနာများကြောင့် ယခုအခါ အနည်းငယ် ပေါ့ပါးပုံပေါ်နေသော်လည်း ယခင်က ထက်မြက်ပြီး စိတ်အားထက်သန်သောအသွင်အပြင်ရှိခဲ့သည်။ သူဘာတွေတွေးနေမှန်းမသိသော်လည်း ရုတ်တရက်ပြောလာသည် "ငါတို့ ဝမ်းမိသားစုမှာ မိန်းကလေးဆိုလို့တစ်ယောက်ပဲရှိတော့တာ"
ထို့ကြောင့် မိသားစုတစ်စုလုံးက သူမအား ချစ်ခင်မြတ်နိုးကြောင်း ပြသသည့်နည်းလမ်းမှာ သူမ၏အသက်မွေးဝမ်းကြောင်းနှင့် အိမ်ထောင်ရေးအပါအဝင် သူမ၏ဘဝအတွက် အရာအားလုံးကို စီစဉ်ပေးထားသောကြောင့် သူမသည် အရာတစ်ခုအတွက်တောင် ပူပန်နေစရာမလိုပေ။
သို့သော် သူတို့၏မြေးမလေးသည် ပုန်ကန်တတ်သည်။ သူမ၏အသက်မွေးဝမ်းကြောင်းပဲဖြစ်ဖြစ် အိမ်ထောင်ရေးပဲဖြစ်ဖြစ်၊ လူကြီးတွေက ကောင်းတယ်လို့ ယူဆသည့်အရာမှန်သမျှကို သူမ မကြိုက်ပေ။
သူမ့အမေနှင့် အဖွားလိုပင်။
ဝမ်းမိသားစုမှ အမျိုးသမီးများသည် ခေါင်းမာပြီး အလျှော့မပေးတတ်ကြပြီး ထိုကိစ္စကို မည်သူမျှ မတတ်နိုင်ပေ။
ကွယ်လွန်သွားသော ဇနီးနှင့်သမီးကို သတိရသောအခါ ဝမ်းရှင်းယီ၏အကြည့်များမှာ ပျော့ပြောင်းလာပြီး သူ့လေသံမှာ အလိုလိုနူးညံ့လာသည်။
"အဲဒီတုန်းက မင်းရဲ့မိဘတွေ ဒေဝါလီခံရတာကို ငါတာဝန်မယူခဲ့ပေမယ့် လူ့ခံစားချက်အရတော့ ငါတကယ်မသင့်လျော်ပြုမူခဲ့မိတာဘဲ"
ဒါကို ဝမ်းရှင်းယီက ဝန်ခံခဲ့၏။ ဘယ်လိုပဲဖြစ်ဖြစ် သူဟာ စုန့်ယန်၏မိဘတွေနှင့် ကောင်းမွန်စွာဆက်ဆံခဲ့ပြီး သားသမီးတွေကြား လက်ထပ်ဖို့တောင် သဘောတူခဲ့သေးသည်။
သူက စုန့်ယန်၏မိဘတွေကို တကယ်ပဲ နာကျင်စေခဲ့၏။
သို့သော် ထိုသည် သူနှင့် စုန့်ယန်၏မိဘများကြားမှ အတိတ်ကိစ္စသာဖြစ်ပြီး ဝမ်းလိနှင့် ဘာမှမဆိုင်ပေ။
YOU ARE READING
ထိပ်တန်းစုံတွဲက နည်းနည်းလေးတော့ချိုမြိန်တယ် [MM Translation]
RomanceCOMPLETED ✔️ Title - The Top Couple Is A Bit Sweet [Myanmar Translation] Status in COO- 95 Chapters + 5 Extras အနုပညာလောကက ထိပ်တန်းသရုပ်ဆောင်နှစ်ယောက်ရဲ့ အခါးမပါတဲ့ Married Life ချိုချိုလေးပါ စုန့်ယန်×ဝမ်းလိ Start Date - 18.09.23 End Date - 29.0...