[Unicode]
အပိုင်း ၃၀။
တကယ်တော့ လွန်ခဲ့သည့်နှစ်နှစ်က လုမင်နှင့် ကျန်းရွှယ်၏ဆက်ဆံရေးတွင် ဝမ်းလိ ပါဝင်ပတ်သက်သည်ဟု ခိုင်မာသောသက်သေအထောက်အထားမရှိခဲ့ပေ။ ဒီနယ်ပယ်အသေးစားထဲမှ စိတ်ဝင်စားစရာ အကြောင်းများသာ။ တစ်ဖက်နှင့်တစ်ဖက် ပွင့်ပွင့်လင်းလင်း ခွဲခွာခဲ့ကြသည့် အနုပညာရှင်တွေဟာ ဘယ်သူက သားကောင်ဖြစ်နေပါစေ ကြည့်ရှုသူတွေကတော့ အမြဲလိုလို ထိုသို့သော ကိစ္စများကို ကြည့်ရတာကို နှစ်သက်ကြပြီး နှစ်ဖက်စလုံး နာကျင်ရသည့် ပိုပြင်းထန်တဲ့ ပဋိပက္ခတွေ ဖြစ်လာဖို့ မျှော်လင့်ကြပေသည်။
ထို့ကြောင့် လွန်ခဲ့သောနှစ်နှစ်က ကျန်းရွှယ်သည် လုမင်နှင့် ရပ်တည်ခဲ့သော်လည်း ဝမ်းလိသည် တတိယလူဖြစ်ကြောင်း လူသိရှင်ကြားတရားဝင်ထုတ်ဖော်ပြောဆိုခဲ့ခြင်း မရှိပေ။ ထိုအစား သူမသည် ဝမ်းလိက တတိယလူဟု လူအများကို ယုံကြည်စေရန် ရှုပ်ထွေးသောစကားများနှင့် အရိပ်အမြွတ်ပြသည့်အပြုအမူများကို ပြုလုပ်ခဲ့ပေသည်။
ဤသည်မှာ အနုပညာရှင်များအသုံးပြုလေ့ရှိသော PR နည်းဗျူဟာပင်။ အကယ်၍ သူတို့သည် ပုဂ္ဂိုလ်ရေးအရ ထုတ်ဖော်ပြောဆိုပါက သူတို့အား လူထုပုံရိပ်ကို ပျက်စီးစေမည့် ကောလာဟလများ ဖြန့်ဝေသည်ဟု စွပ်စွဲခံရနိုင်ပေသည်။ သို့သော် “ဖြောင့်မတ်သော ဘေးလူများ” ဟုခေါ်သူများနှင့် ပရိသတ်များကို ကောလာဟလများ ဖြန့်စေကာ အခြားတစ်ဖက်ကို ဆဲဆိုရန် လမ်းပြခြင်း၊ ခွင့်လွှတ်ခြင်း၊ စောင်းငဲ့ခြင်းတို့ဖြင့် သူတို့အား လက်နက်အဖြစ် အသုံးပြုကြ၏။ ထို့သို့ဖြင့် အဆုံးတွင် သူတို့သည် သန့်ရှင်းပြီး အပြစ်ကင်းသည့်ပုံပေါက်ကာ ဖြူစင်မှုကို ထိန်းသိမ်းထားနိုင်ပေသည်။
ယခု ကျန်းရွှယ်သည် လုမင်အား ဖောက်ပြန်သူဟု ကိုယ်တိုင်ကိုယ်ကျ စွပ်စွဲခဲ့ပြီး ထိုသည် ယခင်က ဝမ်းလိက တတိယလူဖြစ်ခြင်းနှင့်ပတ်သက်၍ သူမ၏ လိမ်ညာပြောဆိုမှုများထက် များစွာယုံကြည်နိုင်ဖွယ်ရှိ၏။ သက်သေအထောက်အထားတွေရှိသွားပြီး အခုတော့ လွန်ခဲ့သည့်တစ်နာရီက လုမင်၏ တုံ့ပြန်ပြောဆိုချက်ဟာ ဟာသတစ်ခုလို ဖြစ်သွားချေပြီ။
ŞİMDİ OKUDUĞUN
ထိပ်တန်းစုံတွဲက နည်းနည်းလေးတော့ချိုမြိန်တယ် [MM Translation]
RomantizmCOMPLETED ✔️ Title - The Top Couple Is A Bit Sweet [Myanmar Translation] Status in COO- 95 Chapters + 5 Extras အနုပညာလောကက ထိပ်တန်းသရုပ်ဆောင်နှစ်ယောက်ရဲ့ အခါးမပါတဲ့ Married Life ချိုချိုလေးပါ စုန့်ယန်×ဝမ်းလိ Start Date - 18.09.23 End Date - 29.0...