Not a Fairytale (Tejran)

Chapter 4

Sach se aur awkward moments se bhaagne ka kitna bhi try kar lo, woh hamesha peecha karte rehte hain.. aur tab tak nahi jaate jab tak face nahi kar lete...! Yahi Shivin ke sath ho raha tha.. woh 2 din se Tejasswi ko avoid kar raha tha ke kissi bhi topic pe baat naa ho!! Ek din toh Karan ne sambhaal liya, par aur kitne din woh manage karega? Shivin ko face karna hi hoga aur yahi soch kar woh college jaane ka decide kar hi leta hai!
Aur class mein jaate hi Tejasswi par seedhi nazar jati hai.. "yeh hamesha saamne hi kyu baithi hoti hai?" Shivin said to himself.
Aur woh uski or badi aur fake smile karke last bench par baith jata hai.. Karan abhi tak nahi aaya tha kyon ke uska mann nahi tha!!
Tejasswi uske paas jaane ka soch hi rahi thi ke lecturer aa jati hain!! Aur class start ho jati hai.
Shivin always wanted to be a software engineer kyon ke usse yeh nyi technology se boht pyar tha.. Karan loves the idea.. toh usne bhi B.tech karne ka soch liya!! Iss tarah woh aur Shivin sath mein rahenge!!
Shivin ne kafi plan se yeh degree chose ki thi.. jisse padhne mein ab usse thodi dikkat aa rahi thi toh wahin doosri or.. Karan ko mazza aane laga tha.. usse woh sara stuff interesting lagta tha.. khud ka app banana... website, hacking and all. Tejasswi ka dream kuch khaas nahi tha.. bas jahan Shivin hoga.. wahin woh hogi..
Toh usse computer mein thoda boht interest tha.. she was doing computer engineering. unki 2 classes common thi... jiski wajah se woh sath ho jate the!!
Class khatam hote hi... Tejasswi uske sath baith jati hai..
"Aaj toh Karan nahi aaya, phir peeche kyu baithe???"

Shivin ko inhi stupid baaton par toh chid hoti thi.. kyon ke Tejasswi ko pta tha ke woh back bencher tha... hai... aur rahega!! School mein usse pataane ke liye kabhi-kabhi aage baith jata tha.. par phir bhi usse same sawaal poochna hai.. for the 100th of time...!!!
"Because I am backbencher.. I like to sit behind.. class ka view alag dikhta hai... it's not about Karan.." he replied with so much patience in his voice.

"Anyway...Karan ki Mom kaisi hain??"

"Ab theek hain..."

"Unhein huya kya tha???"

"Karan se poochna, main iss baare mein baat nahi karna chahta!!!"

"Okay... relax, preshaan kyu ho rahe ho?? Khair... yeh sab chodo... tum batao, kab free hoge???"

"Matalb????"

"Matalb, I want to be with you..." she smiled at him.

Shivin finally uske chehre ko dekhta hai, her smile...!! He used to love it the most about her... matalb abhi bhi achi lagti hai.. par ab pyar nahi aata... "Karan ko abhi meri zaroorat hai.. he's having tough time... I'll let you know.."

"Main Karan ke ghar jaaoon?? Uski mom ka haal chaal poochne?? It'd be nice naa??"

Shivin ek tired look se usse dekh raha tha "tum pehle kabhi gyi ho Karan ke ghar?? Karan ki mom ko mili ho pehle kabhi??"

"Nahi.. par tum leke jana.. aur issi bahaane hamein sath mein aur time mil jayega!!!"

"No... it would be awkward. Karan ke parents ko agar hamare bare shaq bhi ho gya toh woh mere ghar bata denge!!"

"Tum kitna darte ho shivi...!!! Shaadi ke time bhi mujhe hi poochna padega kya sabse??? You know... tumahare bare mein maine apne bhai Pratik ko bata bhi diya hai.. tumhe pta nahi itna time kyu lag raha hai??? Do you even love me???" She teased.

Shivin ab uski or dekhna band kar deta hai.. aur koi jawaab nahi deta kyon ke woh boht pakk gya tha.. baar-baar I love you bol bol kar!!!  He was thinking of something to escape from her...
And then he got one....
"Vaise Tejasswi ek baat batao?? Tumhe Karan kaisa lagta hai???"
Woh mann mein hi bhagwan se aur Karan se maafi maang raha tha.. kyon ke ab jo hoga.. woh boht worsw hone wala tha!! Woh khud apne haathon se Karan ki bali dene jaa raha tha..

"Matalb????"

"Karan single hai naa shuru se, tum batao.. tum ek ladki ho.. agar tum mere sath naa hoti toh.. will you date him?? Sach sach batao, mujhe uski help karni hai ek girlfriend set karwane mein..."

"Han.. jab uski girlfriend ban jayegi toh woh tumse door rahega.. aur tum mere paas!!!....... let me think...
Well.... he is good looking... his eyes are beautiful... baatein bhi ache se karta hai.. agar woh thoda effort maare toh why not?? I will definently ...."
Itna hi sun kar Shivin khush ho jata hai.. aur beech mein hi bol deta hai "acha..??? Effort matalb kis type ke effort????"

"Jaise tumne kiye the... mujhe impress karne ke liye!!!" Yeh kehte-kehte Tejasswi uska hath pakad leti hai.

Shivin ka mind change ho gya tha.. woh ab chahta tha ke Karan, Tejasswi ko pataaye.. jhootha hi sahi..!! Future ke consequences par uska dheyaan nahi tha..
Woh aur Karan 19 saal se sath hain.. aur unka alg hona impossible hai!!! Agar woh ek baar kahega toh woh maan jayega!

Tabhi Shivin ki nazar classroom ke door par jati hai.. wahan uski friend sasha khadi thi.. woh wave karti hai toh Shivin, Tejasswi ko bye bol kar apni next class ke liye chala jata hai.. Tejasswi bas usse dekhti hai..
Woh boht try kar rahi thi..par Shivin ki taraf se usse same energy feel nahi ho rahi thi.. aur aaj kal woh sasha ke sath bhi itna ghoom raha tha.. mana ke woh trust karti hai... par apne boyfriend par!!! Doosri ladkiyon par nahi!! Aaj toh usse thodi tension ho rahi thi kyon ke Karan bhi nahi tha.. woh sath hota, toh Sasha agar try bhi karti, phir Karan was there!! Par aaj toh sirf woh dono honge!!!
Tejasswi positive sochna chahti thi par kuch dino se aisa ho nahi paa raha tha.. usse stress tha..
Kafi sochne ke baad, Karan ko milne ka try karti hai.. kyon naa ussi se pooch le ke Shivin ko kya ho gya hai?? Sasha ka uske sath kuch hai?? Aur Karan ki mom ka haal chaal bhi pta chal jayega!!!
Shivin ne usse abhi mana kiya, par Tejasswi ko pta lagana boht zaroori tha.. aur poori duniya mein jab koi cheez kisi ko bhi nahi maloom hoti, woh Karan ko hoti hai.. jab-jab Shivin ne uska phone nahi uthaya, tab-tab Karan ne uski baat karwayi hai...
And everything between their relationship... jis stupid aur choti si ring ke sath Shivin ne usse 10th mein usse purpose kiya tha.. woh Ring bhi Karan hi lekar aaya tha.. bilkul time par!! So why not?? Karan knows everything.

Aaj college se Teju jaldi nikal jati hai.. as expected... Shivin ko ghanta farak nahi pad raha tha ke woh kahan hai?? Dikh kyu nahi rahi?? Canteen mein bhi nahi... 2nd class mein bhi nahi.. He doesn't really paid attention. Par ek baat achi thi ke Tejasswi ke sath kuch awkward moment face nahi karna pda.. usse toh lag raha tha ke hotel room ke bare mein baat karegi... but she didn't!!! Safe space.
Tejasswi went straight to Karan's home.. to pay him a visit.