الجزء السادس عشر
كان الليل سرمدي.. والهدوء صاخب.. الا من صوت نباح الكلاب يدوي من خارج حدود الخيمة.. حركت الفحم بيدها وبالأُخرى شدت الوشاح عليها.. شعرها يتراقص مع الهواء.. ويكشف عن رائحتهُ الصاخبه..
رن هاتفها ..
ابتسمت بحب وهي ترفعه لأذنها: لبيه يابعد حيي
ابتسم لها وهو يقول من الطرف الاخر: ابطيتي علي وانا ابوتس !!
استدارت بوجهه للخيمه بخلفها وهي تراه نائماً واضعاً يده على عينيه: سامحني يالغالي..
ثم اعادت بأنظارها للحطب وهي تقول: بس ماراح اجي هالاسبوع ..
قال بدهشه واضحه: عسى ماشر..
تنهدت وهي تقول : خالي فارس
شاهب : وش فيه ؟
شاهره : مابه شي .. لكن هالفتره مريض..
ومحتاج حدن جمبه..
ثم قالت بابتسامه واسعه: ومن غيري بيقوم فيه !!
بسؤال مستنكراً : عسى ماهو بشي كايد وانا ابوتس!!
ابتسمت قائله: مابه الا كل خير لاتحاتي ..
ثم قالت بعد ذلك : يبه..
شاهب : عيون ابوتس !
تنهدت بحب وهي تقول: ودي انك تكلم جارح.. انا عطيته تسلمه يجي ياخذني الأسبوع الجاي.. قوله مابعد قضت .. ومحتاجه وقت
بهدوء : ابشري..
شاهره وهي تقف تسمع همساته : بشروك بالجنه ..اخليك يبه خالي يناديني..
أغلقت الهاتف وهي تتوجه اليه..
كان جسدهُ متعرق كثيراً..
وضعت ظهر كفها على جبينه ليتضح لها حرارة جسده الحارقة .. رفعت أنظارها للمغذي المُعلق على الخشبه وهو قد انتهى منذُ مده طويله..
كان يهلوس .. ترتجف شفتيه ..
وبين هلوساته اسم فاطمه يتكرر..
ابتعدت عنه وهي تتوجهه للخيمة الصغيره الأخرى ..
دخلت للمكان وهي ترى صندوق الادوية.. وعليه وضع المغذي الآخر
اخذتها وهي تتوجه اليه.. استبدلت رأس الابرة بكيس مغذي جديد وهي تعلقه.
جلست على ركبتيها بالقرب منه
وضعت الكماده البارده وهي تفقد برودتها بسرعه من حرارة جبينه..
وبعد مده بسيطه ..من تكرارها للعمليه..
سمعت صوت همساتها بالخلف..
وقفت وهي تتجهه اليها لخارج الخيمه ..
الجازي بحب: طمنيني عنه هالحين!!
زمت شفتيها وهي تقول: حرارته توا بس نزلت.. وبدلت له المغذي ..
ثم قالت وهي تمسك كف الجازي: اعذريني يالجازي.. طلعتس من مكانتس....
الجازي وهي تقاطعها : بس بس.. اللي يسمعتس يقول طلعتيني من بيتي.. تراه أقصاه خيمه...
قالت شاهره وهي تغمز: يعني عارفه انتس عايشه فخيمه..
الجازي وهي تدفها بِخفه: اتركي عنتس هالحتسي.. بعلتس ينتظرتس برا..
اتسعت عينين شاهره بصدمه وعينيها تجول بالارجاء: تقولينها صادزه !!!
هزت الجازي رأسها بابتسامه واسعه: أي جاني للخيمه ذيتس..
عاد تصدقين سيارة بعلتس معروفه عند صبيان وضاح .. صبوا عظامي وانا اشوفهم يوقفون ويطقون له تحيه .. مابقى الا شوي يفرشون له الأرض ورد
ثم قالت باستغراب وهي تضع سبابتها على فمها: الا بعلتس وش يشتغل ؟ هالكيد ان فالسلك الع...
