Melancholy Lake

The Gray:Melancholy

The Gray:Melancholy

မျက်ရည်တစ်​ပေါက်.....
နှလုံး​သွေးတစ်စက်.....
စုတ်ချက်ကိုချယ်
မှိုင်းပျပျ  မီးခိုး​​ဖျော့​ရောင် စွန်းတဲ့
ကြေကွဲခြင်း  ကားချပ်ငယ်

ရွက်တလူးလူး ​လှေရယ်
မီးခိုး​ရောင် သုမုဒ္ဒရာ အလယ်မှာ
​လေနှင်ရာ လွင့်ပါ​​တော့။

~~~~~~~~~~~~~~~~~~~~~

​ဂျယ်ယွန်း  အိမ်ထဲသို့  ဝင်လိုက်ပြီ ဆိုရုံဖြင့်   ​​တွေ့လိုက်ရ​သော  ​ဆောင်ဟွန်းကြောင့်   မလုံမလဲစွာ မျက်နှာလွှဲမိသည်။
စိတ်​ပျော်ရွှင်​နေပုံရသည့်   ​ကောင်​ငယ်​လေးကတော့    ဂျယ်ယွန်းအား  ​ငေးရင်း  ပြုံး​ယောင်​​ယောင်​လေးဖြစ်​နေ၏။
ခက်ထန်မာ​ကျောသည်ဟူ​သော   သတင်းဖြင့် ​ကျော်​​​စောသည့်  ပတ်ခ်​ဆောင်ဟွန်းသည်  ​ဂျယ်ယွန်တစ်​ယောက်ရှေ့တွင်​တော့  သူ၏  တံတိုင်းမှန်သမျှအား  ဖြိုချထားပုံပင်။
နီးကပ်လာခဲ့သည့်  အချိန်​တွေအတွင်     ​ဆောင်ဟွန်း၏    ​​ပျော့ကွက်အား ရှာ၍      ထိုးနှက်ရလို့   ​အောင်ပွဲခံရန်မှာ   သူ၏ အကြံအစည် ဖြစ်​ပေမယ့်   ထိုအရာမှာ  ​ နှလုံးသား တစ်စုံ ဖြစ်​​နေခဲ့ရင်   ဆိုသည့်အ​ကြောင်း သူတစ်ခါမှ  မ​တွေးခဲ့။
​​ဆောင်ဟွန်း  ပြိုလဲသွားမည့်  မြင်ကွင်းအား   ​ညတိုင်း  မြင်​ယောင်ကြည့်ကာ  ​ကျေနပ်ခဲ့ဖူး​ပေမယ့်   ​  အခုလို  အပြစ်မရှိ​သ​ယောင်   ပြုံးပြ​နေပြန်​​တော့လည်း     ရင်ထဲတွင်​တော့  ​အောင့်သက်သက်။
တကယ်ကို​ဆောင်ဟွန်း က  သူ​တောင်မပိုင်သည့်  နှလုံးသားအ​ပေါ်  ပိုင်စိုးပိုင်နင်း  ဆန်လွန်းတာပဲ။

"​ကော်ဖီ ​သောက်မလား"

​လေထုအား  ထိုး​ဖောက်လာသည့်  ​ဆောင်ဟွန်း၏  အသံ။
​​ခေါင်းငြိမ့်ပြလိုက်​​တော့   အိမ်အကူတစ်​ယောက်​ယောက်ကို  အကူအညီ​တောင်းလိမ့်မည်ဟု    ထင်မိ​​ပေမယ့်   ကိုယ်တိုင်  အ​နောက်ထဲသို့ ဝင်သွားသည့်  ​​ဆောင်ဟွန်းကြောင့်   ​​ဂျယ်ယွန်းမှာ   အံအားတသင့်။
တဆက်တည်းမှာပင်    တင်းကျပ်​နေ​သော  ရင်ထဲမှ      သက်​သောင့်သက်သာ  မဖြစ်။
​သွေး​ကြွေးသာ    ဆပ်စေလိုတဲ့     သည်ကစားပွဲမှာ ရင်းလိုက်ရသည်က    နှလုံးသားတို့မှန်း    ဘယ်သိခဲ့ပါ့မလဲ။