قبل ثلاث سنوات "" يحكي لكم محمد :- ابوي حب يكسر قواعد الشركة وانه يدخل مساهم من خارج العايلة والقرايب وطلع الرجال اللي ساهم بالشركة نصاب وبغى يسرق الشركة لحسابة الشخصي وابوي عرف بالسالفة ناداه لين مكتبه ولما اجا قعد يتهاوش هو وابوي وابوي مريض بالقلب فاعصب وطرده من الشغل فا ابوي من العصبية قعد بمكتبه وما ركزنا عليه انه ماطلع والله يرحمه جته جلطة دماغية ومحد لحق عليه فاطاح بمكانه وتوفى '""
•• طلال صديق محمد من المتوسط عمرة 26 معتمد على ذاته اهله مقيمين خارج البلاد مررة وسيم وانيق مو متزوج بس عنده فكرة وملتزم فيها وهي مابيتزوج الا عن حب ولو شاف بنت يرتاح لها من اول مقابلة بيخطبها وبعدين لين ماتتقبله بيتزوجها ••
***في الجامعة:
مايا: عفوا دكتور والله مافهمت
د/تركي : يابنتي هالمرة الألف اكرر فيها فيك شي اليوم 'بمزاح' تدري بخلي اي احد يشرح لك ويعيد لين تفهمين
مايا: okay
د/تركي بتفكير : معاوي اانت فاهم ؟
معاوي : اي دكتور انا بشرح لها
مايا بفرح داخلي بس برود عكسي : مشكور
"بعد المحاضرة"
قاعده الشله كلها مع بعض بس معاوي معاهم يشرح لمايا بكل الطرق ومايا قاعده تناظر له بنية انها تفهم بس هي تطالعه بكل حب واعجاب ومعاوي كل شوي يطقها خفيف براسها بالقلم عشان تركز وياه طبعا اعجاب مايا بمعواي ما اجا على الفاضي يعني احيانا تشوف هي ورفيقاتها تصرفاته مع مايا من سنة اولى فا تقريبا هو اعجاب من طرفين بس مافي اعتراف من بعيد لبعيد المهم معاوي كمل وقاعد يطالع لمايا وهي سرحانه ومو معاه معاوي فجأة
معاوي : كملنا
مايا بتوتر : جد ماحسيت بالوقت
معاوي ابتسم وقال : اكيد ماحسينا لأن اكيد ما حسيتي باللي لي ساعه وانا اشرح !
مايا ضحكت وقالت بسرعه : الا اكيد فهمت بس حسبتك وقفت تاخذ نفس ونكمل
معاوي ضحك : تبين شي ثاني
مايا : لا مشكور
مشى معاوي والبنات يطالعوا بمايا نظرة كلها اعجاب
مايا باستغراب : شصار
غادة وهي تناظر بقرف : شهالأسلوب مافهمت وافلام وحركات يعني عشان يشرح لك هو ؟
سارة : ماعليك منها والله انكم لايقين لبعض
قمر : اي والله عصافير حب وكيوت بعد
مايا خجلت : بلا هالسوالف مافي شي
كلهم ضحكوا عليها وهي تغير الموضوع
مايا: ابا اكل شتطلبون
غادة بأستفزاز: ولاشي انا ماشية باي
مشت قبل ما يردوا عليها البنات
*** وفي قصر فخم وكبير حبتين :
حارس البوابه : استاذ معاوي الأستاذ مختار منتظرك قال يبيك
معاوي بفهاوة : ابوي انا ايش جابه
الحارس : ايوة يمكن صار له نص ساعه من لما وصل
معاوي وهو داخل : بسم الله
شاف ابوة وهو نازل من السلم وبأيدة وحده شابكه يدها تقريبا عمرها بعمر بنته
معاوي بأستغراب : سلام
الكل : وعليكم السلام ورحمة الله وبركاته هلا هلا
معاوي بهدوء : من ذي
مختار : ذي؟؟ هاذي مرتي يعني امك او خالتك شوف لحقت اتزوج قبلك انت متى ناوي
معاوي بغضب : تستهبل انت ؟؟ صح تستهبل اكيد جنيت صاحي انت ؟
معاوي بصراخ: صاحي انت؟
سمر وهي تتكلم بمصاخه وقرف : عفوا انت شلون تكلم ابوك بالطريقة هاذي ؟
معاوي : انت مو قلت مابتعيد غلطك ومابتتزوج غيرها ؟؟
فكرت فينا او برد فعل بنتك حنان اللي مو راضيه تعيش معانا بسببك ؟ لا مو صاحي انت كبرت وخرفت
طلع معاوي وهو جدا معصب نزل للماركت بياخذ اي شي ياكله بعد مالف شوارع المدينه وهو ما اكل شي
دخل وقعد يطوف يبي يشتري شي ودق بوحده
معاوي بدون ما يطالع : اسف اسف
مايا : عمى بعينك ماتشوف انت ... معاوي؟
معاوي: مايا اوة والله اسف كنت سرحان
مايا وعيونها قلوب : لاعادي حصل خير الا انت ايش فيك سرحان ووجهك ما يطمن كنت الصباح بخير؟ واضح عليك متضايق
معاوي وهو يحك راسه : سكري على الموضوع بيعورك راسك
مايا بضحك : لاعادي بخذ بنادول وانا رايحه
ضحكوا الأثنين
•• معاوي شاب طايش تصرفاته باردة نوعا ما بس مع مايا غير وهذا السبب اللي مخلي مايا تعجب فيه يدرس مع مايا بنفس التخصص وسيم عيونه ناعسه امة متوفية وهو بداية شبابة عمرة 23 اكبر من مايا بسنة ونص تقريبا طبعا مشاكلة مع ابوة اكثر من عدد شعر راسه ••
معاوي : اجل بقول لك بس تقريبا غير بيتنا محد يدري الا انتي والموضوع طويل حبتين
مايا : اجل تعال نقعد عند ستاربوكس نشرب شي وانت تفضفض
وهم ماشيين وقعدوا كانت وحده تتطالع عليهم وعلى طول طلعت الجوال وصورت صورتين ومشت 'بنعرف مين بعد شوي '
معاوي : طبعا ببدا من زمان لأن الموضوع معقد شوي
امي توفت وانا عمري 16 وابوي كان يحب امي بطريقة مو معقولة بس مرة حصل بينهم هواش وماكان بذاك الكبر فا ابوي غاب يومين وتزوج وحده طبعا محد عرف بالموضوع وبعدين رجعت علاقته بأمي مثل ماكانت واحسن بس ابوي كان يسافر كثير ونحسه متوتر فا مرته الثانية خلفت وامي ما اذكر من وين عرفت وصارت مشكلة ومثل ماقلت لك امي كانت معزتها كبيرة عند ابوي فاول ما عرفت عشان ابوي يرضيها طلق مرته الثانية ووعد وحلف لأمي مايتزوج غيرها ومرته الثانيه وطفلها ماندري وينهم ولا حتى الولد اخونا او اختنا المهم عشنا وابوي ماعرفنا على ابنه او بنته ويصرف عليهم من بعيد لبعيد فاليوم بعد مارديت من الجامعه الاقي ابوي وهو نادرا ما يجي البيت دخلت اشوف معاه بنت بعمر اختي
مايا بصدمه : مرته الثانيه
معاوي : ما ادري بس اكيد مو هي لان هالبنت صغيرة وهذيك معاها طفل مثل ماقلت لك تقريبا مر على زواجه وطلاقه 15 سنه فا اكيد مش هيي وكمان ..
كمل البارت عطوني دعمكم عشان نستمر
حددوا لي متى تبغون انزل البارتات وبس والله
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
