..
في بيتنا :
اميرة : دانة ايش قررتوا تسمون البيبيز
محمد : قررنا مانسميهم الا لما نكشف جنسهم
ام محمد: استأذنكم بنام تصبحون على خير
صعدت والجو كان نوعا ما هادىء
مايا : سمعوا .. امي اليوم تعبت واسعفناها
اصاله بصراخ: شلووون وكيف ماقلتوا لنا مو كأنها امنا بعد ؟
مايا : اكمل؟؟
مخمد : لا تقاطعين وسمعي للأخر الفحص ظهر ان فيها ثقب بالقلب بس الحين قاعد يتوسع بسبب الصدمات او الظغط الحين بيحددون يوم يسوون فيه العملية والعملية خطيرة والمطلوب اتجنبون المشاكل لأيام بس
فهد : متى العملية
محمد : بعد ما يتطمنون على خالتها الصحيه ويشوفون الضرر
شهد : ما تحسون ان كل اللي يصير فينا بسببهم .. تأشر على مايا وحمد ..
مايا : عيب هالكلام مو الحين قاعدين نقول انه بسبب صدمات مو مننا
اصالة: وعلى اساس كل المشتكل بسببي انا وشهد مو بسببك انتي وزواجك صح؟
مايا بصراخ : انتي انطمي احسن اقوم استفرد فيك الحين
اصالة : اي مو ناقص الا ذا الحين معاكم حلين يا تسدين مع حمد يا تطلعون بيت بروحكم وما تعفسونا بمشاكلكم يمكن نفتك كل اللي يصير بسببك وبسبب معـ
ماكملت تنطق اسمه الا ومايا عطتها كف بالمخمس
محمد : الحبن بسرعه لغرفتي الثلاث
مايا وهي تناظر اصالة : صعدوا انتوا بروحكم الظاهر خواتي اخذون طبايع الشين من رنيم مع كثر القعده وياها
حمد بهدوء : لا تدخلين رنيم
شهد : اي تهاوشون وروا بقية اللي ماشافكم من الأول بزواجكم اللي مافيه فايدة سواء المصايب
حمد : شهدو الزمي حدودك ولا تدخلين بشي مايخصك
محمد: اي مدام عرفت تطلع شهد من امور ما تخصها ليه ماطلعت اختك من طريقكم من البداية
حمد : انا مو ناوي اتهاوش وياك مايا بصعد الغرفة ..
مايا : انا وياك
شهد : تو الناس لسا ما ذبحتوا امي مو كأنه بدري؟
مايا ركضت لعند شهد : الحين انا بنتف شوشتك هاذي اللي مرفعه خشمك علينا
حمد ركض وراها وشالها وصعد وهي ثلاث مرات كانت بتطيحهم لأنها تحاول تنزل تتهاوش مع شهد واصالة
مايا : لو قد كلامكم بكرة الصباح تعالون لي للغرفه تبون هواش انا ابي بعد
اصالة : اي وانا بأكلك **** والله مو طايفة لك حسابك وياي
محمد : شب ولا ازيد اسمع نفسك الحين بالصالة
سالم وفهد واميرة انسحبوا اسحاب سياسي للغرف
عند حمد و مايا حمد سكر الباب عشان ماتنزل ومايا تصارخ مثل الأسد الجائع
مايا : انا اعلمهم انا يرفع ن صوتهم علي هين يا اصالوه هين ياشهدو والله ماهي طايفة لكم
حمد يضحك: خلاص يازوجتي الوحش
مايا صارت تناظر له بهذيك النظرة اللي تخرع
حمد : خلاص بسكت
بعد مرور نصف ساعة من الشتم المتواصل
مايا : تدري هذا كله بسببك الله ياخذك ياحمد
حمد : ايي فهمت الحين صار دوري بخذ جوالي وتصبحين على خير
مايا : اي خذ جوالك تكون الحين حدها مشتاقه والوله لاعب فعقلها
حمد : مينن
مايا تأشر لقلبه : ام العشق
حمد بحركاته اللي تضحك: تغاريين؟
مايا : اغار على منو عليك ههههههه لا يستحيل
حمد : خلاص قلت لك صرت حافظك اعترفي تراني زوجك قولي اي اغار حلالك ترا الموضوع عادي
مايا: تدري متى بغار عليك
حمد بفرح : متى بعد شهر
مايا : لاااعع ترى الحين اغار من بنت الجيران عندها قطو لما اتفرغ منه بفكر اغار عليك افكر تمام؟ فقط تفكير وكمان لا تتوقع افكر لأن سبحان الله مثل ماقلت لك يمكن افكر ويمكن لا .. يلا انا بخذ شاور وانت كلمها براحتك ما اقاطعكم
حمد : اي اي هذا وجهي ان ما كانت الغيرة تحرقك
وتاكل جواك
مايا من الحمام : اي هي بكتيريا ولا مرض ياكل جوا
حمد : خلاص لا تحرقين وتذوبين بنام ما بكلم احد غيرك
مايا : اي خاقه عليك بسم الله علي
وفي الصباح ::
قام حمد من النوم بدري وبدأ يتجهز للدوام
مايا فتحت عيونها من ريحة عطره اللي كتمها فيه : متى صحيت
حمد : قبل شوي انتي نامي بدري
مايا تعدل وسادتها: اي بنام اجل بقعد اناظرك مثلا
وخفف عطر ذبحتني بختنق
حمد : قبل ماتنامين سوي حركات رومنسية وكذا وطلعين لي ثياب على ذوقك
مايا تسكر وجهها بالوساده : ٢٥ سنه يختار بروحه والحين صار ما يعرف وقال شنو حركات رومنسية اذلف بس
حمد اخذ نفسة ونط على السرير
مايا انخرشت : ويع حسبك الله قم خرعتني خيررر
حمد : مابتطلعين ثياب ما بروح الدوام
مايا : كيفك عاد
حمد يمثل النوم ومايا ماعطته وجه اخذت جوالها وقعدت تقلب فيه
حمد : ليه ماتنامين طيب ؟
مايا : بسببك طار
حمد : فكرة . نطلع نفطر سوا
مايا : مالي حيل
حمد : اجل افطرك انا
مايا : اففف يارب ماعندك دوام انت ماوراك راعي؟
حمد : انزلي وياي .. اكيد ماعندي دوام انا ابن ابوي ما يخصمها
مايا: الثقققه اللف فيك هههههههه
نزلوا للمطبخ وقعد حمد يخترع ومايا تحاول تفهم شقاعد يسوي
حمد : اقول مايا ماتغيرت
مايا تضحك : اي تغيرت بيوم وليله على الله تستمر
حمد : اي والموعد حق خواتك متجهزة ماتبي مساعد
مايا : ما يطاوعني قلبي امد ايدي عليهم وادري مابيجوا .. حمد بروح اليوم اقص شعري
حمد : لايق عليك الطويل ليه تبين تقصينه
مايا : ما ادري ابي اغير نفسيتي
حمد : please ماتقصينه حلو وهو طويل
مايا :بسوي اي تغيير فيه احس مليت
حمد : اجل قصي ذي اللي على الجبهه شسمها
مايا تصحك : غرة
حمد : ايي هي
مايا : اسمع .. حكي لي شلون تعرفت على زينه
حمد : بالله فكينا مزاجك اليوم حلو لا تعكرينه
مايا : مابتهاوش معاك قول بس
دانة بذي الأثناء كانت طالعه تجهز فطور محمد وسمعتهم
حمد : وحده نشبة كذا نشبت فيني وانا مع فادي وكان معاها كم مشكله واخوها مو موجود فالديرة فا انا ساعدتها فيهم وهي اخذت الموضوع بشكل شخصي
مايا : كم صار لكم تعرفون بعض
حمد : سنة وستة شهور يمكن من يوم ما اجت من لبنان
مايا : تحبها؟
حمد : واللي يعافيك مو وقته
مايا : مو تبي صفحة جديدة لازم ندري بماضي بعض وعدم وجود طرف ثالث
حمد : كنت احس بمشاعر تجاهها
مايا : وبعدين
حمد: ما ادري اسلوبها ماكان نوعي تصرفات وحركات مايعه تغث
مايا : حلوة هي؟
حمد : لا انتي احلا
مايا صارت تضحك : جد ولا تعطيني جوي
حمد : جدد
دانة حست بالذنب انها قاعده تتنصت عليهم ودخلت بين عليهم الأرتباك لو سمعت على زينه بس هي تلافت الموضوع وكأنها ماتدري
مايا : ايش مصحيك الحين
دانة تضحك: والله السؤال لك ولا كليوم اصحى هالوقت
حمد : اجل من كان يخليني ابلع كل صباح
مايا تضحك : عادي معلش الحين نتناوب
محمد اجاء : مروقين اشوفكم؟
مايا تحضنه : وليه مانروق
محمد: والله عشنا وشفنا مايا صاحيه بدري
مايا تضحك : حمد ماخلا عطر ما رشة لين خنقتي وقمت
دانة : اقول مايا ماوراك شي اليوم
مايا : والله كنت بداوم بس احس بسحب فترة ليه
دانة : كنت بطلع مع خالتي اقضي كم غرض للبيبي بس ما صار
مايا طالعت حمد : ؟؟
حمد يهز راسه بأيجاب
محمد : ليه ما اطلع معاكم
دانه : حد قايل لك لا بس ادري انت بتقول لاا
حمد : لا ابي اعيش الشعور بطلع وياكم
مايا : انت تركد ورا عذر من صبح ربي خير عشان ماتداوم عمي بيذبحك انت والتقصير
حمد : عادي اليوم بس
كلهم ضحكوا عليه
انتهى البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Storie d'amoreتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
