سكر الباب واخذ المفتاح ونزل لتحت وعيونه شرار
اميرة : حمد شصار فغرفتك صوت تحطيم ودق
حمد بصراخ يخرع : زلزال
طلع حمد من البيت
اصالة : شصاير
دانة : بصعد اشوف مايا
ام محمد: لاتصعدي شي مايخصكم ماتدخلون فيه
اميرة دقت شهد وبداو يتهامسون
اميرة : انا خايفه على مايا حمد عصبي
شهد : الله يسترها بس
سالم : شتقولون
اميرة : مالك شغل
فهد : ترى الوضوع مو بناقصكم
ام محمد بقلق : دانة صعدي بروحك لمايا شوفيها بخير ولا
رنيم : اكيد مو بخير وحده طالعه من البيت غصب عن زوجها يصير بها اقوى من كذا
ترانيم: رنيم دخلي الغرفه ترى كل اللي صار بسببك
فهد تعصب وقعد يصارخ يبي يعرف شسوت وترانيم حكت له
رنيم : انابس قل...
فهد : شبب ولا كلمة دخلي الحين غرفتك الحيننن حسابك معاي بس بعدين الحين انقلعي من وجهي فاررقي
*** عند دانة صعدت لفوق ودقت الباب مرتين
دانة : مايا .. انتي بخير
مايا كاتمه شهقاتها وتحاول قدر المستطاع تتكلم طبيعي : اي بخير
دانة : اجل شصار
مايا: اا .. حمد كان معصب اني طلعت بدون اذنه وبعدين ساعته ضاعت وقعد يدورها بعصبية مافي شي
دانة : طيب بطلي الباب بدخل
مايا : ما اقدر قاعده انظف تكسرو العطور ههههه هذا الغبي الحين بيشتري من جديد
دانة : خلاص شوي وبرجع
مايا: مافي داعي بنام مكسلة شوي
دانة : اجل بجيب لك اكل
مايا بنفاذ صبر : في عندي اكل
راحت دانه ومايا قامت تطالع بالرضوض المزرقة فجسمها وتشيل الزجاج من رجولها وجبهتها وخدها اليمين محمرين اثر لما سقطت وقعدت تبكي وتشاهق
***تحت دانة كلمتهم باللي قالته مايا
محمد : اذا كان هواش عادي بس حمد الله يسامحه عصبي يلا صعدوا نامو بكرة ورانا تجهيزات للعرس يلا دانه
بعد ماصعدوا
شهد: والله اني مو متطمنه
سالم : من وش
اميرة تنقذ الموقف : فستانها حق العرس مايجي عليها
***فغرفة التؤام
ترانيم : رنيم قاعده احاكيك طالعي فيني اللي سويتيه غلط
رنيم وهي تعدل اظافرها : لاصرتي قلم احمر صححي اجل
ترانيم: بكرة تعتذرين لمايا امام الكل
رنيم تسلك لها : اي اي اكيد ان شاء الله
***عند محمد
دانة: محمد انت تعرف معاوي ال ::::::
محمد : اي زوج رنيم
دانة : انا مو مرتاحتله
محمد: اقول حمد ليش طلع معصب وكانهم متهاوشين
دانة : ضاعت ساعته
محمد : الحين كل هالهواش عشان ساعه بيشتري بدلها عشر ما اقتنعت
دانة : ولا انا بس يمكن مايبوا احد يعرف مشاكلهم الخاصة
دانة قاعده تمشط شعرها محمد حب راسها
اي ماعلينا الحين تصبحين على خير حبيبتي
دانة : تلاقي الخير
***عند حمد ورفيقه فادي
حمد: اقول لك قال لها احبك وامااامي وهي تدافع عنه
فادي :حمد الله يهديك هلأ بدك تروح وتحل الموضوع برواق
وانت ضربتا وصار كل اللوم عليك فا هلا بدك تهدي وتروق وتروح تعطيها اكل وتنظف الأوضة من مصايب ولا انا ماعرفك ولاتعرفني
حمد : بس ه..
فادي : لابس ولا غيرو ترضى على اختك؟
حمد : لو اختي كان فقعت راسها
فادي وهو يدفه : امشي امشي بكرة بس تروق تشكرنيي
وصل حمد البيت وكانو كلهم نايمين دخل المطبخ واخذ ادوات تنظيف وصعد لفوق فتح وشافها ممدة على السرير قاعده تطالع تلفزيون واول ماشافته انكمشت باللحاف
راح وسكر التلفزيون : الحين تقولين لي السالفه من الاول للأخير بكل ذوق عشان اتعامل معاك بالذوق. ... ترى قاعد احاكيك ..
مايا: تبي اتكلم واقول ان فيك عقدة البنات هاذي اللي امك جابتها وانت الحين تطلعها فيني ؟
حمد قرب لعند راسها وشد شعرها لأيدية : بما انك مو ناوية تتربين براحتك .. قرب وشد شعرها اقوى : مافي جوال .. مافي طلعه .. مافي قعده معاهم بدوني .. مافي طلعه من هالمكان .. ولاتبي محمد يشوف الخيار الأفضل ونتائجه حتى رغد تنفر منك ؟ متزوجه واحد وتتغازل مع واحد غير
قام وسحبها من شعرها للغرفه اللي بعيد من الباب دفها وسكر
مايا وهي تطلع صوتها بالغصب : حسبي لله عليك الله يخذكك
آخذ شوية خبز وجبن ودخل لها : انعلفي مثل الحيوانات بس هم اشرف منك
مايا: الله ياخذك يارجال .. وان قلت رجال فهي على سياق الجمله
حمد وهو يسكر الباب: ليس على المريض حرج
سكر غرفتها وسكر الجناح
ودق على اميرة
حمد: مايا مابتروح بكرة الدوام حصل شوية هواش بيننا خلي تهدا اليوم وماتبي احد يصعد لها خلي تهدا عشان الزواج يتم
اميرة وهي مسكرة عيونها ونايمه : اي صح اوكيي
***عند معاوي
ياربي شبيسوي فيها الحين اجرب ادق عليها ولا بيكون جنبها خلي بشوف بكرة بالدوام اشوف شصار
مايا ماقدرت تنام من الالام الي فراسها والزجاج اللي برجولها
نامت على طرف السرير حتى ماتوضعت
في الصباح كلهم مجتمعين بطاولة الفطور عدا مايا وحمد
ابو حمد وهو مايدري بشي : وين حكد ومايا
اميرة : حمد اكيد بيكون مع فادي بالبر لأنه كلمني الفجر بيكون كلمني وهم طالعين ومايا متوترة ماتبي احد يصعد لها
رنيم: يقول كيف عرفتوا انها كذبه قال من كبرها
فهد قرص رنيم : مالنا شغل
شهد : محمد ناقصني كم غرض احتاجهم لبكرة بتطلعني ؟
دانة : انا بعد ماشريت لرغد جزمة للعرس
ترانيم : وانا ابحجز بالمشغل عشان شعري بصبغه
محمد: طيب نص ساعه وانتوا فالسيارة مو تتأخرون
***عند حمد ورفيقه فادي
حمد مانام كان قاعد فصالون بيت فادي وفادي صحى وشافه
فادي يرميه بوسادة : مارحت ياكلب
حمد: رحت بس ماتبي تتكلم ولا تتفاهم وبالعكس تطول لسانها
فادي: طيب انت جاهز كرمال بكرة ؟
حمد : بروح اجيب لي كم غرض واعطيها فطور وبروح للمطعم
فادي : بشوف شهيتك مفتوحه عالأكل استاذ حمد
حمد : لا يالدلخ معاي موعد بشوف حبيب القلب ونتفاهم بالزين
فادي : لا لا مستحيل اتركك بروحك انا جاي هلأ ماتطلع من دوني رح غير ثيابي واجي نطرني ها
رد للبيت وفادي انتظرة بالسيارة وهو داخل ماحصل الا ام محمد ودانة
حمد : سلام
دانة وام محمد : وعليكم السلام ورحمة الله
ام محمد : دانة روحي لغرفتي هاتي جوالي .. مشت .. مو مرتاحه علي سويته امس
حمد : ادري ماكان لازم ادخل رنيم فالموضوع انا بعتذر من مايا بطريقتي
ام محمد: انتو بعدكم عرسان ولازم تتفاهمون من اولها عشان تتمون لين اخرها
كمل البارت عطوني دعمكم عشان استمر وبس والله واذا عندكم شي انا نسيت ما تذكرة اكتبوا لي بالتعليقات وايش توقعاتكم
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
