نزلت مايا وهي تتحلطم
مايا : شقاعد يخربط هذا
محمد: شقايل لك ؟
مايا : مين بيسكن مع مين ؟
ام محمد : بنسكن سوا
قعدة تعطيها محاظرة على صلة الأقارب وان عمها مريض وانهم مستانسين سوا
مايا: مابي
محمد: ترا الموضوع اجباري لك مو اخذ راي اجل تبي تعيش بروحك
مايا: اي
ام محمد: ؟؟ احنا وين
محمد يستهبل : بكندا
مايا تبكي : انا مو مرتاحهه ما ابيي
ام محمد : واللي يطالعك يشوفك 24 ساعه مقابلتنا انتي اساسا ماتطلعين من غرفتك وبيكون مثل مقال عمك معك غرفة بروحك فمالها داعي هالحركات وكلامي مابيتغير فاهمه ؟
مايا وهي ماشي تتحلططم: يااااربيييي ليششش
بعد الأذان والصلاة والغداء يعني كان يوم عادي مايا ماتتكلم مع احد ولأنهم لسا ببيت عمهم اللي على قد بيت عمهم مافي مكان الا تقعد وياهم فقعدت تطالع مسلسلها بالجوال وهم يدردشون
فهد : يلا نطلع ؟
محمد: الحين انا بروح الدوام ودانة تبي تجي ؟
دانة صار وقت التشييك تروح الشركة تطالع وتتهاوش مع السكرتير والعاملة : هههههههههه اكيييد
سالم وهو طالع: يلا انا بروح مع الربع افلها
اصالة : روح روح يالدبوب ودي اعض كرشتك
الكل ضحكك
فهد: افهم منكم انكم ماتبوا تطلعوا؟
الكل بأيجاب الا مايا وحمد اللي صعد لغرفتة
طلعوا شهد واميرة ورنيم واصاله مع فهد
بقي ترانيم ومايا وحمد وام محمد
ترانيم راحت تجيب المفرحات وقاعده من وقت للثاني تفتح موضوع ومايا ترد وامها تشارك شوي
المهم ماصار شي اليوم غير انهم بيداوموا من بيت عمهم للدوام بكرة
***الصباح
قامو البنات اميرة وشهد وسالم يلبسون زي المدرسة
وترانيم ورنيم ومايا يتحاشرون بالمراية عشان الميك اب اما اصاله ماهي مهتمه فاقاعدة تذاكر بعد مالبست فستان ناعم طويل لونة زيتي
ترانيم ام الأوفر كأنها رايحة تتقهوى مو جامعه واوفر ميك اب
رنيم بنطال وفنيلة عادية مع مسكارة وروج خفيف
مايا مثل رنيم بس لون الفانيلة احمر
نزلوا
مايا: صباح الخير
كلهم صباح النور
رغد امها دانة قاعده تمشط شعرها وهي تبكي
اصالة : ننام وانتي تبكي ونصحى هلى بكاك
حمد يطالع مايا من فوق لتحت : احمر ؟. للدوام
مايا تأشر لرنيم : الحمد لله والشكر وبعدين شفية الأحمر يعني هو لو مثل باقي الالوان وبعدين مابي هواش من صباح الله خير حدي مصدعه
شهد: شرايكم تنطمون نبغى ناكل بسلام
رنيم : اي والله مدري شصاير لكم من امس
مايا تضحك بقرف
محمد : حمد بما انك صاحي من بدري والفاضي بيننا وصلهم انت
حمد: قالوا لك سيارتي باص توسعهم كلهم ؟؟
محمد : انا بخذ سالم ورغد لأنهز على طريقي
حمد: اجل استعجلوا يلا امري لله
كملوا يفطروا وصعدوا السيارة اميرة وشهد كانو بالأمام
ومايا واصالة ورنيم وترانيم مدفوسين ورا
مايا بضيق : افففف كمية العطر تخنق رنيمو
رنيم: اي عشان ارويك شحلات ريحتي
مايا تسكر انفها: افففففففف
حمد : رنيم من متى تطلعين بالهكمية من العطور
رنيم : برافو مايا حلو معد بتعطر
حمد: المبالغة مو حلوة ما اشم ريحتك من بكرة تمام
وصل حمد شهد واميرة اولا للمدرسة وبعدها ترانيم ورنيم اللي فنفس الجامعه وبعدا جامعة الطب لأصالة وبقت مايا اللي تعتبر ابعد شي
حمد: صباح الخير
مافي رد وقف السيارة
مايا: صباح الخير ليه وقفت مستعجله ابي اداوم ترا متأخرة
حمد: صعدي قدام
مايا : وشو ؟
حمد : براحتك ماوراي شي
طلع جوالة وقاعد يقلب فيه نزلت مايا وسكرت الباب بأوى ماعندها
مايا : ممكن تمشي؟
حمد : على هالخشم
ناظرتة بقرف وقاعدة تناظر الطريق
وصلوا الجامعة نزلت وهو نزل بعدها
مايا : ؟.
حمد : ولاشي بس بمر الأدارة اشوف الموضوع المالي وكذا
مايا: ياصبرر روح شوف حق خواتك مو انا افففف
حمد : ترا الأرض ارض ربي والجامعه مو بأسمك
مايا : بزر. بززر كيفك انقلع
مشت شوي
حمد: تعالي تعالي
مايا: خيرر شتبيي بعد
حمد: خذيني للادارة ما ادري وين
وقبل ماتمشي مسك ايدها وهي تحاول توخرها وهو يظغط لين ستسلمت وقعدت تتحلطم اول ما دخلو شافهم معاوي بس ماقرب لأنه مايبي مشتكل بالحرم الجامعي
حمد قعد يفر بالجامعه تقريبا ساعه وراح
مايا بسرعه لعند معاوي : صباح الخير
معاوي : صباح النوور
مايا : معاوي انا اسفة على اللي صار
معاوي : انا اللي اعتذر ان شاء الله ما اكون سببت لك مشكله
مايا : ماصار شي تطمن
معاوي : كيف صرتي بعد البوكسس
مايا : والله كان محترم احس تكسرت
معاوي : اجل امشي ندخل المحاظرة بنتأخر
مايا: انت ادخل انا بشوف البنات واجيك
معاوي : تمام بسألك
مايا : ها
معاوي : فكرتي باللي قلت لك عليه مايا طالعت الأرض : مدري شقول لك خلي شوي ابفكر وارد
معاوي : انا بنتظرك وبنتظر ردك باي حبيبتي
مايا واقفة بصدمه وهو مشى : بالله صدق هو قالها الحين اليحن ينفع اهخخخ شسوي بحياتي يعني ثلاث سنوات ماقالها اليوم قالها بعد هالمشاكل كلها بسفهه فترة لين ماينسى حمد اهخخ والله وطلع اللي احبه يحبني بموتتتت
حمد كان منتظر يشوف شي عليهم بس هم لما تكلموا كانوا قريبين من مكتبة الجامعه فما بين له
وبالمحاظرة مايا غارقة بتفكيرها كلام معاوي وتفاصيل وجهه وبعدين تذكرت تهديد حمد بس هدأت نفسها انها بتاخذ حذرها اكثر وبتحذف دردشتهم اولا باول وتحاول مايوقع جواله بيد حمد قاطعت تفكيرها غاده وهي تنغزها
غادة : ردي على الرجال قاعد ساعه يناديك
مايا: عفوا اطلع ؟
الدكتور رد عليها بالأشارة بمعنى اي
كمل البارت عطوني دعمكم عشان استمر وبس والله واذا عندكم شي انا نسيت ما تذكرة اكتبوا لي بالتعليقات وايش توقعاتكم
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
