محمد: حمد ما اجاء لهنا؟
شهد : لا مو كان معاك
محمد: ومايا
شهد : هي بعد مو موجوده طلعت مع دانة والحين دانه موجوده وهم لا
اصالة : يمكن راحت مع حمد
ام محمد: ماعلينا يمكن طلعوا سواء فطرتوا ؟
محمد : بدق عليها واجيكم
محمد : ها حصلتيه؟
مايا : لا دورت فكل مكان ممكن يكون فيه مو موجود
محمد: بدق على ربعه اشوف
مايا : سألت فادي من شوي قال ممكن يكون فبيت اخته
محمد :وشو ببيت اخته؟؟
مايا : اخته مع فادي يعني البيت مافيه احد دقيت محد رد قلت يمكن يكون طلع بنتظر شوي واتحرك
محمد: بزر والله يلا بدق على فندق عمي وبشوف لو هو هناك امي مو ناقصها قلة خير
مايا : لاتتعب نفسك ترك الكرت تبع البنك وترك السيارة وترك البيت بيروح لفندق عمي؟
محمد : بدق اشوف وانتي نطري ساعه بس وردين البيت ماتطولين في الشارع هو رجال يعرف شيسوي بروحه
مايا : خلها ساعتين بس
محمد: قلت ساعه لاتخليني اعصب عليك
قعدت مايا جوا سيارتها منتظرة
اغلب اللي فالبيت مايدرون باللي صاير
عند معاوي ورنيم معاوي كعادتة يطلع من البيت العصر ويرد وجه الصبح ورنيم طالعه تتسوق اغراض البيبي لاتسألوني شلون
مر الوقت ومايا شفهت محمد قعدت لين اذان العشاء وكانت ميته من الجوع كانت بتمشي شافت حمد بيدخل البيت
وهي نازلة من السيارة : اخيرا يابزر
حمد : من وين عرفتي البيت
مايا : من فادي
حمد : خير ليش جاية
مايا : انت ليـ
حمد قاطعها : شكل السالفه طويل دخلي البيت
مايا : مابدخل بيتها تستهبل انت؟
حمد : اجل لمي علينا الخلق مثل المرة اللي طافت
مايا : ما ابي ادخل بيتها
حمد : نتكلم جوا ولا تردين البيت
مايا وهي تدخل : افففففف عنادك هذا اللي ذابحني
حمد : قولي ليش جايه
مايا : ليه اختفيت اليوم وما ترد علي
حمد : الحين صرت مهم وموجود فحياتك صرتي تدورين علي
مايا: اي .. ايش صار وياك بالدوام
حمد : صار اللي صار وانتهى
مايا : دام انتهى امش نرد البيت
حمد : ردي بروحك انا ماني راد
مايا : زين ايش صاار
حمد يصب موية له: اختصار السالفه من ورا راسك ابوي خلاني مثل الكلب وكلامي ماله اي قيمة ولا كأني كابب راسي سبع سنوات على هالشركة عشانة
مايا : من ورا راسي ؟ .. مافهمت شدخلني بالشركة
حمد وهو يحط القلاص مكانه: ابوي قلعني من الشركة ووظف معاوي مكاني
مايا : كيففف معاووي كيف وثق فيه؟؟..مارد .. الحين هديت الشركة والبيت .. بتهدني كمان؟
حمد : مالها داعي هالحركات ادري قلبك قاعد ينط من الفرحه وادري انك ماتبيني .. بغير حياتي وابدأها صح مع شخص صح وبقعد هنا بشتري البيت من فادي ..
مايا تجمعت الدموع : يعني بتطلقني .. قاعد تستهبل انت اقول لك جيت لعندك اشوف شصار واخترعت عليك تقول قاعد انط من الفرحه ؟
حمد : امممم بقول لك ولاتردين الا بعد ماتفكرين براحتك
مايا : مابي
حمد : ممكن ماتقاطعين؟.. قلت لك انا الحين حمد بلا بيت ولا شغل ولا فلوس تبين تقعدين معاي ولا ورقتك توصلك
مايا : اكيـ
حمد : مابسمعك الحين قلت لك فكري عدل
مايا : مابترد البيت ؟
حمد : اي
مايا : حمد اجل خذ هالفلوس ادري طلعت وتركت كل شي
حمد : لا عندي كاش بقضيها هاليومين وقدمت على وظيفة فنفس الشركة اللي يشتغل فيها فادي
قعدوا دقايق ساكتين
حمد : عادي اضمك
مايا قعدت تطالع فيه شوي : اي عادي
قعدوا شوي وردوا يدردشون
مايا : بطلب اكل لأن حدي جوعانه
حمد : انا بعد
مايا : وخذ معاك شوية اغراض البيت مرةةة وسخخ
دق جوال مايا
حمد : منو
مايا : محمد
محمد : وينك للحين الظاهر ماعندك ساعه؟ لقيتيه؟
حمد يأشر بلا
مايا : لا وانتوا
محمد: صاحيه انتي انا اسألك تقولين عندي
مايا : لاتصارخ خلاص ليش الهواش
محمد : لأنك من صباح الله خير تفرين بالشوارع وتلعبين غميضة ويا زوجك.. الحين تردين البيت
سكر محمد الخط
حمد: بتروحين
مايا : خلك عنه بناكل واروح .. انت مصر ماترجع
حمد : اي وانتي لاتنسي تفكرين
مايا : اظن اجابتي واضحه .. وكمان عمي يعني بالأول والاخير هو ابوك
حمد : يصير خير دقين علي لماتوصلين
مايا بحركات غبية : والله وصرت تطمن علي
عند معاوي ورنيم
معاوي رد البيت وشاف رنيم مو موجودة وعصب ليه تطلع بدون اذن مرت عشر دقائق وهي داخله والأبتسامه شاقه وجهها
معاوي : من وين ان شاء الله
رنيم : ليه ولهت علي؟
معاوي : عن الهياط وين كنتي وبأذن منو طلعتي
رنيم : طلعت ويا رنا نقضي كم غرض للبيبي الجاي
معاوي اخذ جواله واغارضه وبيطلع
رنيم صدت الباب : وين
معاوي : خير باخذ اذن مثلا؟
معاوي عليه حركات غريبه
رنيم : شفيها رجلك احس تمشي وانت مسكر عينك مدري شفيك
معاوي : مافيني شي وخري
رنيم: كأنك ناسي اتفاقنا؟
معاوي: اي اتفاق
رنيم : حبيبي الحين انا حامل بنظر الكل وناسي شتفقنا امس؟
معاوي : انتي راضية تسلمين نفسك لواحد مايبيك
رنيم : اي عادي الواحد هذا زوجي وحلالي مافيها شي
معاوي : يقول المثل لاتحاول ايجاد الحب وشراءة لأنك بالمقابل تبيع نفسك هذا المثل ينطبق عليك
رنيم : تدري لو ماصار شي ايش بقول .. بقول مو قادر يتخيلني الا مايا من بعد مارحت له اسبوعين بعد العرس اخلي موتها على يد زوجها وخوها
معاوي : ماتنطقين اسمها
رنيم : يلا اسوي شاهي واجيك نسولف شوي
معاوي : علفكرة لو صار بيننا ايش ماصار انتي فحياتي لعبه اخذها وارميها متى ما ابي
رنيم من جوا الحمام : ويمكن تطيح فغرامها
معاوي قعد يلعن اليوم اللي تزوجها فيه وحاول يتهرب بس ماقدر صار اللي صار وصار زواجهم رسمي
معاوي دش الحمام وطلع : وين مفاتيحي
رنيم بمياعه: فدرج الطاولة يازوجي
معاوي : مقرفه
معاوي اخذ نفسه وراح لمكان شبه فاضي قعد يلعن نفسه ويلعن السوم اللي تزوج رنيم : كيف اخونها انا ***** مو احبها شلون اتزوج غيرها
قعد يصارخ وبطل الدرج واخذ حبوب وسكرة وشوي وهدأ قعد يضحك
عند مايا بعد ماطلعت من عند حمد راحت لقمر يدردشون شوي
قمر : والله اشوف حمد فيه الخير وسعادتك معاه لو تسمحين له ومعاوي مرته حامل لو تذكرين مالها داعي هالحركات ارضي باللي يصير شوفي امك
مايا : افكر اقعد مع حمد بس وين الضمان انه يومين ومايرجع مثل قبل ؟ طق وشتم وأهانه
دق جوالها
مايا : محمد الحين بيذبحني اتصالات .. مو محمد
قمر : حمد
مايا : معاوي
قمر : بطلي الأسبكر
مايا : الو
----: استاذة مايا؟
مايا : اي من انت
----: العفو على الأزعاج بس معاوي صار له حادث وماقدرنا نوصل الا لك قعد ينادي مايا وبعدين فقد الوعي ومافي غيرك بالجوال اسمه مايا
مايا : حادث وش
----: تقدرين تجيين لمستشفى----- وتتفهمين الوضع
مايا بخوف ودموع : الحين جايه
قمر : بتروحين
مايا : اكيدد بروح اجل اتركه بروحه؟
قمر تسحب مايا من يدها : عن الأستعباط دقي على مرته تروح له مايخصك
مايا تلم اغراضها : لو كان يبي مرته كان نادى عليها
قمر : اجل ماتروحين بروحك مايكون عمله من عمايله جايه وياك
وفي الطريق
قمر : دقي على مرته او اخوه اي احد
مايا : ما ابي ابقعد معاه
قمر بصراخ : صاحيه انتي ؟. تراك متزووجه حمد لو يدري والله يكسر عظامك وقولين يمد ايده وشوفي تصرفاتك هاذي تصرفات وحده صاحيه والله حمد لو يدري يذبحك امام المستشفى
مايا : مالي دخل خليه فعقدة النفسية مابيعرف ومحد بيقول له
قمر : بتاخذينا فستين داهية الحق علي مطاوعتك وجايه وجايباك
انتهى البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Romantikتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
