ربما اجد طمأنينتي بك.. وربما اجد نفسي بكِ

1.. قراءة ممتعه

وفي يوم الخميس صباحًا تحديداً الساعه السابعه والنصف تدخل عليها العامله ..
ماري: مايا قوم انت وراك دوام وراك درس
مايا بعصبيه : اي اي قمت حاااضر
تأففت وقامت من السرير وعليها نوم مو طبيعي
اخذت لها شاور ولبست بعد ربع ساعة تأني بالأختيار
•• مايا بنت محبوبة وعناديه جمالها عربي وشعرها طويل عيونها واسعه عسليه جسمها جدا مثالي تصير عارضه تدرس جامعة هندسة معماري سنة ثالثه °°
نزلت لطاولة الفطور وكلهم يفطرون
مايا:هاي
شهد : وعليكم الهاي ورحمة الله
محمد بأستغراب : رايحه الجامعه ؟؟
مايا : اكيد الجامعه !!
محمد : مبين رايحه عرس
اصالة : طنشيه ترا ولافيك شي
مايا : اكيد بطنشه ولافيني شي حتى ميك اب ما احط
بعد الفطور طلعوا كلهم للسيارة عدا محمد وطلعوا مع السواق قعدت رغد بالامام وشهد ومايا واصاله بالخلف

••اصالة اصغر من مايا بسنه تدرس طب اسنان مهتمة بدراستها بشكل مو طبيعي مليانه شوي وشعرها لأكتافها مررة هادئه ومو مهتمه بالاناقه بدرجة مايا °°
••شهد عمرها ١٦ سنه بس لسانها سابقها سنتين وعقلها متأخر اربع سنوات مو مهتمه لدراستها تحب الفله والوناسه والمقالب بس مقالبها احيانا تصير كوارث مو مقالب من الشكل تبين ولد بس شعرها وقرط اذنها يبين ملامح الانوثه °°
••محمد كبير هالعائله والرجال الوحيد فالبيت عمره ٢٦ متزوج تقليدي بس بعدين حب زوجته حب مافي مثله طبعا حبها بعد ماتزوجها تقليدي صار له خمس سنوات متزوج عنده بنت وهو طويل وعريض وجميل بس اله اطباع مو زينه شكككك وركزو على شككك بشكل قاتل وشكه هو اللي مخلي خواته يخافون منه °°
••دانه زوجة محمد خريجة حقوق بس ماتشتغل جمالها طفولي وتعامل خوات محمد كأنهم خواتها واهلها مو بنفس البلد اللي هي عايشه فيه °°
•• رغد بنت محمد ودانه عمرها٤ سنوات تدرس روضه ومرهه فصيحة لسان على عمتها شهد °°

***وفي الطريق
مايا : صاير شي ؟
شهد : لا ليش ؟
مايا: شفيكم اليوم ساكتين
شهد : مايا احنا مو من صباح الله خير بالعين راديو مانسكت
مايا : شهد شفيك انا بس سأ..
اصاله تقاطعها : خلاص تكفون بنات لا تتهاوشون مثل البزران ابغى اكمل اقرا بلا وجع راس
شهد : اي اي اقري شوي وتحكي معانا فصحى
مايا تغير السالفه : اقول بنات ماقال لكم محمد بنروح بيت عمي ولا لا ؟
اصاله: اظن بنروح عمي عنده سالفه مع امي
مايا بضيق : مادرى ان في شي اسمه جوال
شهد : ليه بنستانس ونفلها والله حمااااس
اصاله تهز راسها بالموافقه
مايا ماحبت تطول السالفه وسكتت

*** بعد وصولهم
دخلت مايا للجامعه وفاجأتها سارة بدفاشتها
سارة : good morning my sweet
مايا: good morning
سارة : شلونك
مايا : بخير وانتي
سارة : زينه امشي نروح للبنات
راحو للبنات وعلى طول قلب وجهه غادة لانها تكره مايا لاسباب مو معروفه

*** بمدرسة شهد
حنان : اقول شوشتي (تدلع شهد ) صاير لنا زمان من مقالبك اشتقنا يابنت .. قرصت كتف شهد
شهد : وجع .. اي والله بس بمنو
غالية : أبله امينه امس خاصمتني وطلعتني من الصف
شهد : اي مو شي غريب
كلهم ضحكو على الرد
حنان : بس ويش اسوي فيها وهي مسطحه بالكرسي ماتفارقه
شهد : وهو المطلوب نكسر العادات
دخلو حصة الكيمياء وكانت الأولى
ابلة امينه: تو الناس ليه متأخرين ؟
حنان : اسفين ابله
شهد تتحلطم محد فهم ايش تقول وحنان وغالية كاتمين الضحك
ابلة امينه: دخلو بسرعه قعدو بأماكنكم
غالية : جد ؟ كنت بقعد مكانك
ابلة امينه : طلعي للناظرة لعد تدخلين
غالية : خيرا تفعل كنت ابي اطلع اصلا يلا تشاو
طلعت وطقت الباب بدفاشه
شهد بصوت وشوشه : حنان دفيني لورى بقوة
حنان: مجنونه انتي وراك دولاب العقاقير
شهد : يوو دفيني بس
دفتها وطاحت وطيحت كيس فيه مويه فوق ايدها
شهد : اييييي ايدي ايي يحرق يموووت
الابله خافت على العقاقير وقامت تركض للدولاب
شهد بغباء : ابلة امينه
ابله امينه: شنو تعورتين تستاهلين
شهد بضحك: قمتي من الكرسي ؟
ابله امينه تناظر لها بنظرة -.-
قامت شهد وهي والطالبات يضحكون على تعابير الابله وروجها البنفسجي ماتقدر تخاصم شهد لان شهد علاقتها مع الناظرة تمام التمام وبكل مرة تسوي شي تطلع هي الصح والابلات الغلط

***في جامعة مايا
قمر : كم باقي للمحاضرة ؟
مايا : خمس دقايق
ساره بضجر : ايي ابغى اكل
قمر : نطلع وللكوفي مباشرة لا اعتراض

***وبالشركة
محمد : عللي ؟ .. علي
السكرتير علي : تفضل استاذ محمد
محمد : ايش كنت تبغى دقيت علي وانا اتكلم بالجوال
علي : استاذ محمد تدري مو انت قايل لي بعد ما شركة ----- سحبت الاسهم اشوف بديل ؟
محمد : اي تذكرت يارب تكون لقيت
علي : اي لقيت واحد يبي يشتري الاسهم
محمد : اخيرااا بس يارب يكون شخص موثوق كنت ابغى تكون الشركه عائليه بس مافي احد الحين
علي : ادري استاذ محمد بس الشخص اللي يبغاها حابب يتكلم معاك بالأول شخصيا وهو ناطرك الحين
محمد : جد ؟ لهدرجه مستعجل شلون هو يوثق به السرعة.. دخله نشوف ايش بيقول
دخل علي برفقة شخص يبين عليه الاحترام والاناقه ما كان جميل زياده بس نظافته وترتيبه لنفسه يبين قد ايش هو انسان خلوق ومحترم
___: السلام عليكم
محمد بصدمه على فرحه : طلال ؟؟ هلا هلا وعليكم السلام تفضل اقعد
طلال : شلونك قاطع علي ؟
محمد : بخير بخير يالدلخ انت شلونك ساحب علينا
طلال : افا عليك كنت برا اكمل ادرس واشتغلت هناك بس الحين رديت حياة الغربه تعب ومااستحملتها وسمعت من العيال ان شركتكم واحد منهم انسحب قلت الحق الصق فيك
ضحكو الاثنين
محمد : عيب عليك اكيد لك مكان وعلى راسي
طلال : الحين يعني انت اللي مستلم الشركة من بعد عمي سعد الله يرحمه
محمد: اي والله وقررت اني ما ادخل احد غريب للشركة بعد اللي صار

كمل البارت عطوني دعمكم عشان استمر  وبس والله واذا عندكم شي انا نسيت ما تذكرة اكتبوا لي بالتعليقات وايش توقعاتكم