حمد كان يعتذر ويمسك ادينها وقاعد امامها بالأرض
مايا تناظر لوجهه وتدمع بس ماقدرت تتكلم وكانت الخيبة اللي فيها وقرفها من نفسها يبين لحمد ان ماهي نفس البنت اللي كانت موجودة امس بنفس الوقت انطفت ماهي نفس البنت النشيطة وام لسان والعنادية كانت بنت مطفية ذايبة مثل شمعه صار لها كثير من لما ذابت
سحبت ايدينها منه واكتفت بكلمة : تمام
حمد: مايا عاتبيني على الاقل انا مو انا مو انا ما ادري شقول اللي تبية بسويه
مايا : البيت برد البيت
حمد : اللحين الحين بنرد
قام لبس ثوبة وشماغه
وهي لبست عباتها وحاولت تدفس الفستان واشياء امس داخل الشنطه الصغيرة حقت السفر اللي كانت معاها
رجعوا البيت الكل يبارك لهم ومبسوط ومايا تناظر الأرض وحابسة دموعها
اميرة : ايش فيها عروستنا ؟
مايا بصوت بالكاد ينسمع : تعبانه بنام بس
محمد يضحك ويدق كتف حمد: ايي اللي سهرها امسس
حمد يبي يسكر الموضوع : اششش في اطفال
كلهم ضحكوا ومايا تركت الشنطه وصعدت للغرفه
اصالة تنغز امها بصوت ماينسمع : مو طبيعيه
ام محمد: اي والله حتى لو بقول مستحيه ماضحكت ولاشي معقول صار شي بينهم ؟
اصالة : اكيد لا شوفي حمد مستانس ويضحك هي لا اككيد مستحيه
قعدوا يدردشون شوي وترانيم وشهد واميرة قامو يحشوا بالمعازيم ويقلدو كيف كانوا امس للي بالصالة
وحمد انسحب لجناحهم
دخل شاف باب الغرفه شبة مسكر والمكيف مخلي الغرفه ثلج راح قعد بالصاله مايدري لمين يتكلم ومين ينصحه ومايصير يقول لفادي ذي المواضيع قعد ماسك راسه حدهه مصددع طلع جوال مايا ودخل الغرفه بشويش وحطه جنبها وشافها نايمه وعيونها مغرقه شي يشبه السواد لعن نفسه وطلع من البيت للبحر قعد بروحه يفكر بسواته
***اما عند ام محمد قلبها مو مرتاح شافت حمد طلع وقالت ذي فرصتي صعدت لجناحهم دقت الباب محد رد دخلت وشافت مايا نايمه وشعرها فيه اثر بلل مو ممشط ولا كأنها عروس والمكيف مخلي الغرفه ثلج راحت سكرته وقعدت جنب مايا وبأيدها مشفة قاعده تنشف شعر مايا
مايا فتحت عيونها على حد يشد شعرها ولفت تشوف من
مايا : هلا يمه
ام محمد: صباح النور ياحلوتي .. ليه مانشفتي شعرك ومشغلة المكيف عليه تبي تمرضين
مايا : لا طلعنا من الفندق او ماطلعت من الحمام ومالحقت
ام محمد: كيف كان امس
مايا : كيف كان ؟
ام محمد تضحك: صار شي
مايا وهي تسكر عيونها : اي صار
ام محمد : وكل شي تمام
مايا : تحت بطني يعورني شوي
ام محمد تضحك : عادي عادي
مايا تسلك لأمها وتضحك معاها
ام محمد: اجل شفيك منفسة
مايا : امس مع دوشة العرس ومانمت كثير راسي مصدع
ام محمد : هههههههه ماعليك يبنتي ثواني بجيب لك بنادول ويصير كل شي تمام وانتي لاتقعدي بروحك انزلي معاي وغير هالفستان لأنه تبلل شوي من اثر شعرك
قامت مايا وسرحت شعرها ونشفته ولبست فستان
ام محمد شافتها وضحكت : ترى انتي عروس تعالي اليوم بصير حقكم ذي اللي تغير ملامح الوجه
مايا تضحك: ميكب ارتست اسمها
ام محمد: اي ذي يلا قعدي
صلحت لها مكياج كيوت ونزلوا لتحت
محمد : ايي بنقول لكم البشارة
كلهم يستمعوا بترقب
دانة : انا حامل
كلهم يحضنوها ويباركون وكانت لحضات عائلية حبوبة مايا مو حاسة فيها
محمد : كمان ان شاء الله بعد شهر عمي قرر يفتتح فرع جديد وبيكون رئيس الفرع طلال
فهد : وانا ؟
ابو حمد يضحك: مانسيناك مانسيناك بنخليك المدير المالي عاد انت وشطارتك قدرت كان بها ماقدرت بتكون سكرتير
ضحكو كلهم
سالم : وسعوا لي مكان باقي شوي واجيكم
ابو حمد: الحين بنفتح سفن وبواخر اللي هم النقل البري وعلى ايامك ياسالم بنفتح قسم المركبات الفضائية
كلهم صارو يضحكوا وسالم يتحلطم
***عند حمد بعد تفكير طويل قرر انه يكلم ترانيم وهي بتتفهم وبتجيب له حل لخلتفه مع مايا
راح يصلي الجمعه ورجع البيت على الغداء كانوا يتجمعون على طاولة الأكل ومايا بعدها بالمطبخ سأل عليها وقالوا لها
حمد: مايا .. كيفك
مايا وهي تطالع وتعد الصحون : الحمد لله
حمد مادرى شيقول قعد يناظرها
مايا تضايقت من وجوده اخذت الصحون ومشت وعلى الطاولة اكيد خو قعد جنبها وشافها قاعده تقلب الأكل يمين وشمال وماذاقت ملعقه منه
حمد : كليي
مايا : مو مشتهيه ..
حمد : مافطرتي حتى
مايا: مالي نفس
دانة : اي رجييم ؟
مايا : الحمد لله
مشت عنهم وراحت للصاله
كملوا يتغدون وحمد سحب ترانيم لحديقة البيت هبد لها السالفه من اولها لين اخرها
رنيم تخبطه بكتفه : الله ياخذك .. كذا تتعامل مع البنت حتى لو غلطت .. الحمد لله طول ماتقرب لها بيصير الوضوع عندها شي مجبوره عليه وماتعطيك وجه انت واسلوبك هذا
طلعها اليوم ولاتستأذنها حطها بالأمر الواقع امام الكل عشان ماترفض وماتعكر مزاجها وتغص خاطرها خليك بأحساس ليوم او لأسبوع واحد
حمد : وبترجع طبيعيه يعني ؟
ترانيم: اي هي ربوبوت اصلا تظغط الزرار بتغني لك بعد
حمد : خلاص يصير خير
ترانيم : وانا بقعد معاها بخليها تفضفض يمكن ترتاح
دخلوا والكل قاعد بالصالة يدردشون على بيبي دانة ومحمد
حمد : زوجتي بنطلع انا وانتي طلعه لاصارت ولا استوت اليوم
مايا تناظر له تبي ترفض بس الطبيعي انها توافق
شهد: بالله خذوني معاكم مابتكلم بس بطلع اغير جو
اصاله : قعدي انتي غايبة اسبوع عن دوامك وكأنك انتي العروسه مو هي وبعد تبي تفري بالمولات
ضحكوا كلهم مر الوقت ومايا وحمد طلعوا يتجهزوا وخرجوا وبالطريق حمد شغل اغاني ويحاول يفتح مواضيع معاها
حمد : وين تبي تروحي
مايا : اي مكان
حمد : عطيتك جوالك معد بخذه
مايا : ما ابية
حمد : تدري انك حلوة
مايا سفتهه
حمد : نروح البحر
مايا : ما ابي
حمد : يعيوني اللي يتدلعون
مايا : ودني عند قمر
حمد : مايصير اليوم بنطلع سوا
مايا كانت تبي تروح عشان ماتقعد معاه بس سكتت
حمد : ندخل هنا
ويأشر على كوفي مرتب وحلو
مايا ماردت
حمد وقف ونزلوا سوا
وحمد حاول يطلع مايا من مودها لدرجة صار مهرج عشان تضحك وهي شوي شوي بدأت تبتسم
ردوا البيت وشافوهم بالصالة قعد حمد ومايا ركض للغرفه تمثل النوم قبل مايجي حمد اللي صار بنظرها وحش
وفي الصباح تصحى قبله وتنزل الحديقة ماتبي تشوفه وتتجنبه قدر الأمكان
مر يومين بدون احداث تذكر
بس صار وقت انهم يسافرون شهر العسل
كمل البارت عطوني دعمكم عشان استمر وبس والله واذا عندكم شي انا نسيت ما تذكرة اكتبوا لي بالتعليقات وايش توقعاتكم
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
