رنيم : مو انت قلت لي بتعيش معاي طبيعي كأي زوجين لما نتقبل بعض .. الحين انا متقبلتك واحبك بعد
معاوي عصب : ترا انا من قبل الملكة قايل لك ما بقرب عليك وانتي ذليتي نفسك ووافقتي
رنيم : على امل انك تنسى مايا النـ
قاطعها معاوي : اسكتي ولاتنطقي اسمها بلسانك
طلع من الغرفه وسكر الباب بقوة
رنيم بصوت عال: بس والله لأجيبك واجيب راسك
في بيتنا :
مايا دخلت الغرفه وشافت الظلام اللي يذبح والغرفه مكركبة وعرفت ان حمد مايقعد فيها لأنه مايقعد فمكان وسخ كذا وبنفس الوقت كان بيخلي المساعدات ينظفونه
طلعت من الغرفة ونادت المساعده تروح تنظفها نزلت جهزت لها اكل وطلعت للجناح وتروشت وصلت وقعد تذاكر لأنها بترد للجامعه
مرت ساعه وطلع حمد للجناح
مايا سافهته وهو يفكر كيف يفتح كلام بينهم
حمد : كيفك
مايا : بخير
حمد : عادي اتكلم معاك
مايا : لو موضوع مو مهم خلي لبعدين قاعده ادرس
حمد : موضوع مهم لي
مايا سكرت الكتاب بملل : قول
حمد : لاتقاطعي .. اللي شفتيه بهذاك اليوم شفتيني مو مرسل شي وكان كله هي المرسلته
مايا : وشفتك مرسل لها .. بس ثواني دامك كنت تحب وحده ليه تخونها لهدرجة كنت مستمتع وانت تدمر حياتي
حمد : اول بنت تدخل حياتي الشخصية انتي وما اوثق بالبنات ابد ... هاذي زينه اخت فادي صديقي كانت تحسب لما اروح لفادي اني اروح عشانها هي وكانت تحجج بأي شي واخوها مو موجود عشان انا اسوية فا اخذت رقمي وكانت تجيب اعذار تافهه وبايخه عشان تتكلم معاي طبيعي.. والله يامايا ماخنتك ولا خنتها فيك ووقفتها عند حدها يوم مارحتي وما ارسلت شي وهذا الجوال امامك افتحيه وشوفي لو في شي
مايا بتحقيق : ومرتك
حمد :هاه
مايا : كنت ادري انك متزوج مسيار .. وينها الحين
حمد : شلون تدرين محد يدري
مايا : تتوقع كنت بسكت بعد ماشفت هاذي الشاميه وبعدين ترا كله واضح انك متزوج لأن حركات السفر كل شهر اسبوعين مو طبيعي
حمد : بس
مايا: لابس ولا غيرة وينها الحين
حمد طلع جواله ودق على احد : الو
مايا : الأسبيكر
حمد فتحه : جواهر
جواهر : هلا انا بالعيادة ادق عليك بعدين
حمد : مافي داعي .. جواهر انتي طالق بالثلاث
مايا : ايششش
جواهر : حمد حمد رد تستعبط .. ايش سويت
حمد : ورقتك توصلك بكرة
سكر الجوال وضحك لمايا
مايا : تستعبط ؟؟
حمد : ارتحتي الحين
مايا : حمد جد اتكلم .. البنات مو لعبه
حمد : كلهم لعبه الا انتي .. رضيتي الحين ؟
مايا تضحك على تهورة : يومين وتردها صح
حمد : ما ابي غيرك
مايا : مو واثقه فيه برضو
حمد : بتوثقين مع الأيام
مايا : حمد ليه ماطلقتني انا وخليتها بذمتك مبين تحبك
حمد: وانا ابي اللي ارتاح لها
مايا :انا مو مرتاحة له
حمد : بترتاحين معليك
مايا تضحك : قسم بالله مريض
حمد : بالله ما اشتقتي لي
مايا : اذلف بس
حمد : والله مبين حدك مشتاقه
ضمها
مايا تضحك : وخرر والله مريض يخي نرجسيي ويييع
حمد : بتردين تداومي
مايا : ليه ممنوع مثلا
حمد : no بس اسأل
مايا : اي من بعد بكرة
حمد : والحين كملتي تدرسين
مايا: ليش تسأل
حمد : بسوي فعاليات
مايا : وهي
حمد : ننزل نطبخ لنا اشياء حلووة للسهرة ونطالع فلم نااار
مايا : اطبخ انا ؟
حمد : معليك ذكرت انك بنت الطبقة المخملية ماتعرفي تسوين شي
مايا بعناد : اعرف اطبخ بس حركات الرجاجيل ماتمشي علي ادري كل هذا عشان اطبخ بس ليش ماتطبخ انت يا ابن الطبقة المخملية .. لأنك كنت مغترب ياحرام أكيد تطبخ وغمزت له
حمد يضحك : خلاااص مسكت علي شي امشي امري لله بطبخ لك ونقعد شوي رنيم بتجي تزورنا هي وزوجها
مايا وهي تعدل شعرها : اي سمعت ترانيم تقول
حمد : المحقق كونان
ضحكوا الأثنين وطلعوا من الجناح
حمد : تدرين في مخططات احسن براسي الحين
مايا : وهي؟
حمد يغمز : تدرين ايش قصدي
مايا تضحك وتهرب : لما احبك
ضحكوا الأثنين ونزلوا وصادفو معاوي
مايا : معاوي
معاوي : اوة وين اللي ماحظرت لاعرس ولا ملكة ولا خطوبة
مايا تخبي مشاعرها : مبرووك
حمد ينرفزهم: باركي لهم تلقيها حامل..وضحك..
معاوي : وانتوا نبارك لكم انكم رديتوا حق بعض
مايا : ومين قال اني بعدت منه
حمد : مو لازم نبرر لك بشي مايخصك
معاوي : وحمل رنيم برضو مايخصك
مايا : بنزل اقعد تعت ما ابي هواشكم
حمد قال بعد ما مشت مايا : حمل رنيم وزواجها يخصني اذا بتظلم اختي طلقها احسن ما افصل راسك من جسمك الحين
معاوي : اولا طلاقي من زووجتي بأيدي وثانيا زوجتي راضية وانا قايل لها ان زواجي منها رضى لأبوي وهي وافقت مو ذنبي
حمد : اقسم بالله يا معاوي ان ماتعدلت مع اختي ما ارحمك
معاوي : يوو وجع راس ماني فاضي لك اتحسف عليك وعلى اختك هي ذلت نفسها وانتهينا
حمد يمسك معاوي من ياقته: مين ذل مين
وعلى طلعت رنيم : يمه شصار بزران نهدكم بروحكم ثواني نجيكم نلقاكم متهاوشين؟
حمد يسحب يده بعصبية من ياقة معاوي : ولا شي انا بنزل
نزلوا تحت بدون احداث تذكر فقط قعدوا يدردشون مع بعض لين الفجر ونامو
في الصباح حمد يفتح عيونه يلقى مايا قاعدة تتجهز
حمد : صباح الخير
مايا : صباح النور
حمد : لوين
مايا : للجامعه
حمد : مو قلتي من بكرة
مايا : شفت نفسي ماوراي شي قلت بروح
حمد : مافي روحه
مايا : خييرر
حمد يضحك : اليوم جمعه
مايا : حمد لا تمزح
حمد : ما امزح
مايا بعد تحلطم : اسمع .. ايش صار بينك وبين معاوي امس
حمد : ليش مهتمه؟
مايا : اي .. اقصد لا بس فضول
حمد : شايفة بزر امامك
مايا : لا شايفة رجال شكلا مضمونا ما اظن
حمد : عفوا ماسمعت
مايا : مو مشكلتي
حمد بعصبيه : رجعتي من جديد للسان رجعتي؟
مايا: اي يلا طقني تفضل ليش تأخرت ؟
حمد يهزها من اكتافها : مايا لاتزوديها احترمي نفسك جيتك بالأدب والأخلاق تأدبي
مايا دفته لورا وطاحت شنطتها : اففف وخر
حمد يطالع شريط الأدوية اللي في الأرض
حمد : ايش هذا
مايا : دواء
حمد : حق شنو
مايا: وجع الراس اللي تجيبه انت
حمد خذ الشريط وقعد يقلب فيه مافهم شي قام صورة بجوجل وطلع دواء منع حمل
مايا ما شفنا منها الا تخميسات وشردت لتحت
--عند معاوي ورنيم
رنيم : معاوي بطلع اليوم السوق تطلع معاي
معاوي بدون ما يناظرها : مشغول
رنيم : اروح من نفسي السوق يلا معاوي تكفى
معاوي: بلا هياط ذلفي
رنيم : اجل بروح بيت اهلي وانت راد من شغلك خذني
معاوي : نطري بروح معاك
رنيم : مو كنت مشغول ؟؟
انتهى البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
