الناس اللي كانوا حاضرين الهواش يطالعون ويضحكون على منظرهم اما في شباب كانو يلعبون كره طائرة يحسبوا الموضوع جد وواحد مسك حمد من وراه والباقيين يأكلوه ضرب لين قال امين مايا بعد ما رتاح قلبها منه : ياجماعه هدو هدو تراه زوجي وكنا نلعب هههههه
حمد : الله ياخذك والله ما تطوف لك يا مايو والله
واحد من الشباب يضحك : السموحه زوجتك قاصة علينا
حمد سفهه ومشى وهو يجرها : خلاص امشي مين ماباقي ما شاف مسرحيتك
رجعوا للمكان اللي بدأت مايا تركض منه
حمد بصراخ : الله ياخذك الله ياخذك يابلاء من الله
مايا بهبل : no please
حمد : السيارة مو موجوده السيارة راحتت
مايا : شلون جوالي جوالـ يمه حمد تكفى جوالي
بدات تبكي
حمد : اقول لك السيارة قيمتها اغلى من جوالك يارببب
قعدوا الأثنين فالأرض
حمد : حافظه رقم احد في البيت؟
مايا : لا بس رفيقتي قمر
حمد : امشي بنروح نتصل على اي احد
في البيت وتحديدا بغرفة ابو حمد
ابو حمد : والله ما ادري ايش اقول لك يامحمد مستحي منك
محمد : عمي عادي مايا كانت تدري
ابو حمد: لو قايل لي ماكنت بزوجه مسيار
محمد : السالفه صارت وانتهت
محمد قال له السالفه
ابو حمد : يصير يخير وتقوم بالسلامه الحين ننزل نتعشاء وانت كلم حمد يرجع لين اشوف له مصيبة تاخذة
تحت:-
اصالة :( الوو .. هلا قمر .. ويين .. الحين جايين ارسلي اللوكيشن يلا) يجماعة حمد ومايا سيارتهم انسرقت وجوالاتهم فيها
محمد : وينهم الحين
اصالة : بترسل قمر الحين اللوكيشن وحد يروح يخذهم المخفر
معاوي : اعرف حد هناك بيسرع البلاغ رفيق لي
رسلت قمر اللوكيشن وراح معاوي وفهد وصلو لهم
حمد حده معصب ومايا تدور على جوالها
فهد : شلون انسرقت؟؟؟
حمد : اشرحين لهم يالمخطوفة
مايا بصراخ: انا مالي ذنب انت اللي بديت
حمد : اي ومين اللي فضحتنا قدام خلق الله
مايا بصراخ: محد قايل لك تصارخ علي
فهد : ياجماعه هدوا وقولوا شصار
حمد : كنت اتهـ (كان بيقول اتهاوش بس ركز على معاوي ) نتناقش انا والفائزة بجائزة اوسكار للتمثيل وقامت تركض وتلم الناس على اساس مخطوفة وهي تركض وانا اركض لبعيد المهم صار اللي صار وردينا والسيارة مو موجودة
معاوي يضحك: واللي فخدك الدم تحفتها الفنية؟
حمد بعصبية : محد يقدر يمد ايدة صوبي قاطعته مايا بضحك ناظرها بعصبية وكتمت .. جماعة شباب صدقوها وهجموا علي من وراي
مايا : طيبوا لي خاطري
حمد يصارخ : تمزحين وتضحكين و سيارتي بسببك انسرقت
مايا : اولا مو بسببي ثانيا جوالي انسرق بسببكك
فهد : اهدو خلاص حمد اهبد في شي غير الجوالات مهم جواها ؟
حمد : اي اوراق الشركة وملكية السيارة.. وضرب الكرسي اللي امامه.. ملكية السيارة جواها كمانن
مايا : تستاهل
حمد : شبب .. فهد كمان عقد زواجي ما طلعته موجود فيها
معاوي انفجر ضحك : يعني بتطلقون
حمد : اسكت انت .. فهد هذا ليش جبته معاك انا ناقصني ؟
فهد ضحك: بيسرع رحلة البحث عن سيارتك
حمد : لو له يد فالموضوع اشتري جديدة لكن امري لله اوراق ابوي
مايا: بطل الأنقاذ
حمد : سكتي ما ابي اسمع صوتك
مايا بصوت منخفض: الحقيقة مرة بس لازم تتقبلها الدنيا حلوة وفيها المر بعد
حمد قرص ايدها عشان تسكت لفت ناحية الطاقه وشافت معاوي يسوي حركة النصر ✌🏻 سفهته وحمد مركز بس ساكت
وصلوا المخفر
حمد يكلم المفوض وعلى الأوراق واهميتها له قاطعته مايا : حضرتك معليك منهم سوالفه مامنها فايدة اقول لك جوالي اخذه واللي يعافيك دور عليه اول شي
المفوض بدا يضحك عليها : لو حصلت السيارة بنحصله
حمد : تستهبلين اقول لك ردي للسيارة ماتنزلي منها .. حد يخذها البيت
طلعت وقعدت شوي وردت من جديد : هاه حصلتوه؟؟
حمد : بشتري لك جوال خلااص
مايا : بس انـ
فهد : روحي السيارة
مايا اجت بتطلع وتذكرت : حضرتك جوالي شغال فيه الموقع
اخذوا منها البريد واشياء تخص التحديد
المفوض: الحين اقدر اقول لكم حددنا مكان السيارة وبنداهمها اول ماتستقر بمكان محدد ونبلغكم اول مانرجعها
مايا : اوفف الحمد لله
ضحكوا كلهم على غبائها
ردوا البيت ومعاوي ماخلا احد ماقال له شلون انضرب قعدو يسولفوا وقت طويل
حمد : استأذنكم انا طالع انسدت نفسي
مايا : لوين بالهوقت؟
اميرة : الله جاك الموت ياتارك الصلاه اخيرا معد بتكون تطلع
حمد : مشوار مهم
مايا: اي لوين
حمد : شدخـ (رن جواله) هلا هلا بشر الحين جاييك
اخيرا ظهرت السيارة بروح استلمها فأمان الله
طلع وشوي
مايا: اوف ذكرتت .. مع السلامه
معاوي : لوين
رنيم : شدخلك
معاوي : من باب الفضول مافيها شي
دانة : مع مين بتطلعين
مايا : بروح وياحمد لو تسمحون الحقه
وركضت له وطلعت
حمد : خير
مايا : ابي جوالي
راحو استلموا السيارة ورد السواق
حمد : مشغولة؟
مايا : مو كنت المشغول
حمد : معد بكون مشغول .. بطلع انا وياك
مايا : ليه صار شي
حمد : احب تفكيرك السوداوي .. مافي شي
مايا : تقدر تسأل نفسك ليه افكر كذا
حمد : بما انك لاحقتيني لين هنا معندك شي امشي ركبي بنطلع
راح اخذها لكوفي وطلب قهوة وحلويات ويحاول يلطف الأجواء ويفتح موضوع بس كلعادة دار الموضوع ووصل ل معاوي
حمد : انتي موافقة على طلاقنا؟
مايا : ليش في شي يجبرني اقعد وياك
مايا ماتنكر انها تعلقت فيه بس ماتحس نفسها نسيت معاوي تماما
حمد : طيب ممكن اسألك شي وتردين بدون هواش
مايا : وش
حمد : لية شريتي الدواء
مايا : ليش ما اشربة دامك تاخذ حقوقك وانا بحياتي معاك ماعندي حقوق ولا حرية شخصية ومتوقعه طلاقنا من اول يوم ليش اربط اطفال مالهم ذنب بحياتنا وهي مو مستقرة اساسا
حمد تضايق: اي انتي موافقة على طلاقنا؟
مايا : حمد اللي احنا نعيشة مو شي حلو عروس قبل عرسها بيومين تنطق لين تقول امين على شي عادي واقل من عادي؟
حمد : بس ماكان بلا سبب وانتي تدرين على شنو كنتوا تتكلمون
مايا: لأنك تشك وبس ما كان في شي كبير مثل ماتقول كنت اسكر صفحة قديمة .. بس هل هذا سبب انك تمد ايدك علي ؟؟
حمد سكت شوي : لأني احـ احبك انا ما اعرف اسيطر على مشاعري اتملك الشخص ابية يكون لي
مايا تهربت نظراتها وسكتت وبعد دقائق
مايا : حمد انت تدري اني ما ما ابادلك الشعور وختى لو كان في مشاعر تتجمع ناخيتك انت كنت بفعل وبقول تدمر اي مشاعر لك .. واللي يحب مايتعامل كذا انت نرجسي وعلاقتي معاك سامه
حمد : انا اعطيتك فرص كثير اعطيني فرصة
مايا : ايش الفايدة بكل فرصة تكون لك انت وعمايلك اللي تسود الوجهه تثبت لي ان معاوي احسن
حمد بهدوء ويتجنب يناظر لها : تحبينه ؟
مايا : حمد معاوي تزوج
حمد بنفس الهدوء بس ناظر لها: تحبينه ؟؟
مايا : بتسمع بدون ماتقاطع وتاخذ مواقف ؟؟.. اي كنت احبه وبالأصح انا كنت معجبة فيه وهو كمان بس محد تكلم ويا الثاني ولين ما شفتنا بالكفتيريا هو اعترف لي بهذيك الأيام وانا تغيرت حياتي وتزوجت وهو كمان وكمان انا فقدت الأمل اني ارجع له لإن حتى لو تطلقت منك ما بيطلق اختك وانا بتزوجه ما ابي اخرب علاقتي مع اهلي عشان احد .. مشاعري تجاهه تغيرت على شوي شوي وصار شخص من العائلة وانت صرت..
انتهى البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
