..
رنيم : مو كنت مشغول ؟؟
معاوي ياخذ اغراضة ويطلع : ارد وانتي جاهزة ما بنتظر
رنيم : مستواك هابط زيادة اشوف بتروح حق حبيبت قلبك انا ارويكم الأثنين جايكم حسابكم جايكم
نرجع لبيتنا
حمد كان حده معصب ومايا نزلت تجهز الفطور معاهم
وعلى الطاولة
ابو حمد : صباح الخير
رد الكل
اصالة بمزاح : كشف الحضور اللي يسمع اسمه يقول تم
كلهم يضحكون على عددهم
ام محمد: وين حمد
مايا شاردة بعقلها
محمد ينغز كتفها : وين حمد
مايا : ها .. هو فوق يتجهز
رغد : ماما موية
مايا : هلا
رغد: اقربي بقول ثر(سر)
مايا قربت على فم رغد
رغد : امس كنت العب وسمعت ماما تقول عمو حمد متزوج
مايا : اي متزوجني
رغد : لا هو قال طالق يعني انتي الحين تتزوجين واحد ثاني
مايا تضحك : من وين تعلمتي هالكلام
رغد : انا مش صغيرة انا افهم افهم
مايا : ولافهمتي شي كله غلط
دانة تضحك : سالفة الطلاق
مايا : اي ههههههه
دانة بعدم اقتناع : احس كلامها صح
مايا توترت وتشرب موية : مين قال لك طبعا لا
دانة : طلقك
كلهم ناظروا مايا
مايا : ماطلقني ولا صار شي من اللي تقولونه
خذت شنطتها : انا بطلع
محمد قبل ما يطلع يركض ورا مايا : دانة خذي بنتك وفوق الحين
ام محمد: طارق ابنك طلق بنتي؟
ابو حمد: نورة اهدي انا توي اسمع
ام محمد سحبت الكرسي وطلعت ورا محمد ومايا
محمد : مايا
مايا : وخر عني خلااص
محمد : وقفي الحين
مايا : خير قلت لك ما طلقني ما يتكلم علي اصلا كان متزوجا وطلقها
ام محمد: وشش؟؟ ..محـ محمد الحقق قلببي اههه
محمد يركض ويرمي سويس السيارة لمايا :فتحيها بسرعه
مايا تبكي وتجري ومحمد يشيل امه للسيارة ووصلوا المستشفى اخذوا ام محمد للطوارىء ومحمد ومايا منتظرين يطلع الدكتور المختص بعلاج امهم
محمد : كله بسببك انتي ومشاكلك
مايا تبكي
محمد: ايش تستفيدين الحين هاه؟ والله لو تموت بسببك والله يامايا محد يفكك من ايديني
طلع الدكتور
د سعد : شوف يا محمد امك عندها ثقب بالقلب وانتوا تدرون وكلمتك من قبل تبعد عن الصدمات قلبها ما يتحمل والحين ما ادري شصار معاكم بس امك توسع الثقب ولازم ترتاح يوم يومين لين يتم تحضير العملية وتجهيز الوالده
محمد : متى اقرب وقت للعملية
د سعد: لا الحين مانقدر نحدد موعد لين تثبت حالتها وتستقر ونعمل كم فحص نتطمن وبعدين يصير خير
مايا : كم تقريبا
د سعد: لسلامته اقل شي اسبوع بس اهم شي تقعد بمكان هادىء واي ظغط او توتر يستحين تأجلوة
في بيتنا :
حمد بعد ما غير موده وحاول يهدأ نزل وشافهم كلهم يطالعون عليه
حمد : صباح الخير .. وين مايا... شفيكم ماتردون
ابو حمد بعصبية : ما ابي اشوف احد انت تعال
الكل توزع لغرفهم وبقي حمد وابوه وسالم وفهد بمكانهم سالم مركب سماعه ما يدري وين الله قاطه وفهد يبي يسمع
حمد : لوين رايح كنت ؟.. المحكمة
حمد يضحك: كلمتكم
ابو حمد عطاه كف بالمخمس لين ارتد حمد لورا
ابو حمد: انت ماتستحي ماتخاف ربك ماصار لكم كم شهر متزوجين
حمد : مافهمت
ابو حمد: طلقتها
حمد : اي وحده فيهم
ابو حمد : ليه حضرتك كم متزوج
حمد استغرب : كلمتكم يعني .. تتهرب من سواتها
ابو حمد: مايهمني من وين عرفت وكيف عرفت متزوج ثنتين انا مقصر معاك ليه ماتتزوج وتقول لي ويكون مثل البشر الطبيعين ليش طيب تزوجت بنت اخوي وانت متزوج ومكذب عليها والحين تطلقها لأنها عرفت ؟
حمد : ما طلقت مايا طلقت الاولى
ابو حمد يهز حمد من اكتافه : بنات الناس لعبه ؟
حمد : يبه كانت مراهق ما ادري شقاعد اسوي وحتى طلقتها عشان مايا.. وين مايا
ابو حمد : انسها
حمد بهبل وصراخ : كيف ؟
ابو حمد : اليوم وانت رايح للمحكمه جهز ورقتين للأولى ولبنت اخوي ما تستاهلها انت نهايتك اي بنت من بنات الشوارع الـ :::::::: ترضى فيك بنت اخوي ماتستاهل انها تنظلم معاك وتذلف عند امك ما ابي اشوفك ولا ترد للبيت هذا
حمد بصراخ : شقاعد تخربط الموضوع انتهى ومايا تدري واي طلاق واي خرابيط قاعد تقول انا الحين رجال يحمل مسؤوليته بنفسه مو نفس الطفل اللي قطيته بمدرسة داخليه وعمره ١٣ ما يعرف اهله ولا اخوانه الحين انا عاقل وبالغ اعرف مسؤوليتي تجاهي وتجاه مرتي وطلاق مو مطلق وسفر مو مسافر بخذ مرتي وماتشوفونا الأثنين
ابو حمد عطاه كف جديد : مايا ما بتمشي من هنا وانت لا اعرفك ولا تعرفني ولا اشوفك قرب سور البيت بـــرى
حمد طلع من البيت ودق على مايا ماترد دق على محمد وعيونه تطير شرار
حمد : محمد مايا معاك
محمد : اي
حمد : عطيها الجوال بسرعه
محمد : بصفتك منو
حمد بصراخ: يااارب صبر صبررر عطني زوجتي الحين
محمد: زوجتك اللي امناك عليها وجريت تخونها اللي مابقى شي وقلته عليها وصدقتك ووقفت معاك وطلعت انت اللي بالأخير ******** ما بطلب طلاق الحين الحين احنا بالمستشفى الـ88888 بتجي وبتطلع نفسك من اللي فيه وتسوون الي تبوة امام امي لين يتم يوم عمليتها ويتم الطلاق
محمد سكر الجوال وراح حظن مايا وقعدت تبكي
في البيت
فهد : يبة الحين السالفة مو بهالكبر يقول بك طلقها وانتهى
ابو حمد : انت ماتسمع يقول كان مراهق يعني اكيد له اقل شي ثلاث او اربع سنوات متزوج .. مش يمكن تكون مرته حامل
فهد : طيب اسمع السالفه من مايا
ابو حمد : لو ما اختفى وراح لأمه اللي مثل جنسة الخاين ابن الخاينه لاهو ولدي ولا اعرفه
ترانيم نزلت وناظرت فهد وهو يأشر بأن الموضوع مو هين : سالم اركض عطيني جهاز الظغط
قاس فهد ظغط ابوة وطلع مرة مرتفع وعطاه العلاج
ترانيم بعد ماسمعت ابوها : اجل نسمع من مايا ونشوف
بغرفة دانة وهي قاعد تبكي : والله ماكان قصدي ارفع صوتي ما ادري شلون تكلمت والله مو انا
اصالة : خلاص صار اللي صار
شهد : تتوقعون زواج مايا بيستمر ولا تطلقت ولا شلون
دانة : الله يسترها الله يسترها عطوني الجوال بدق على محمد
الو .. وين رحتوا محمد تكفى ماتعصب علي انا ما ادري شلون قلتها.. اي مستشفى اجيكك متى بتردون طيب طمني عليها مع السلامه
دانة : بنات بقول لكم شي ماتخافو السالفه مو كبيرة
اصالة : امي صح
دانة : اي مرضت واخذوها المستشفى
شهد : شصار لها
دانة : مشكلة بالقلب وبيحددو لها يوم تسوي فيه العملية
شهد تصارخ : عملية ايشش
في المستشفى ام محمد شربوها منوم عشان يهربونها شوي من الظغط ومحمد وميا نازلين للكفتيريا واجاهم حمد وقعدوا يناظروا بعض بنظرات كل واحد يبي يخنق الثاني
حمد كسر السكوت : اي استاذة مايا مو كان الموضوع منتهي
محمد : مايا كنتي تدري ؟
حمد : اي كانت تدري بس تبي تعيش دور المظلومة وتسحب نفسها صح؟
محمد : قصر حسك وما تتكلم الا لما يتوجه لك كلام
انتهى البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Romantizmتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
