..
حمد : مايا لا تكبري الموضوع من راسك ماهو مثل ماتفكري اسمعي على الأقـل
مايا فيها غصة ومو متقبلة تسمعه بس عندها شعور كبير بالندم انها ماسمعته بس لأنها مايا وبعنادها بأختصار
مايا اول ما وصلت البيت راحت لقمر تحاول تطلع روحها من المود المبكي
حمد قاعد بنفس المكان ماتحرك يفكر كيف كان يسب مايا ويطقها ومعاملته السيئة لها كان يلعن روحه بداخله
رد البيت وشاف ام محمد ومحمد ودانة وترانيم وابوة بالصالة
حمد: السلام عليكم
كلهم ردوا
ام محمد: وين مايا
حمد بتوتر مبين : راحت عند رفيقتها قمر اشتاقت لها
ترانيم : الحين؟
حمد : بتنام عندها كم يوم .. تامرون بشي
ام محمد : مايامر عليك ظالم
ابو حمد : حمد متى ناوي ترد للدوام بكرة اشوفك بالشركة مصختها شهر وشوي وانت مو موجود
حمد يحك راسك : يصير خير ان شاء الله
بعد يومين اجاء الوقت اللي تصير فيه رنيم زوجة معاوي واليوم يوم الزفاف
محمد : يلا بنات
ترانيم : الووو .. مانسمع
محمد بصوت اعلى : خلاص تعبت متى بتطلعونن
ترانيم : يلا الحين بخرج الجاهزين وضحكت
طلعوا البنات للسيارة وفعلا محد يعرفهم بعد التغيرر
دانة تهمس لمحمد : مايا مابتجي
محمد : احسن عشان ماتخرب العرس بسوالفها
دانة عطته نظرة بومباستيكية
محمد : امزح امزح ههههههه
دانة : مايضحك ترا بايخ
في العرس رنيم كانت متوترة وخصوصا خايفة تجي مايا تخربها بشي ولا معاوي كيف بتعيش معاه وقلبه مع غيرها
دخلوا البنات وبدأو يتغزلون بجمالها وام محمد تقرا عليها من الحسد
رنيم بتوتر : وين مايا
اصاله : ما بتجي مريضة قالت
رنيم تحمد الله داخلها : اووف مايصير ماتجي عرسي
شهد : عادي بتشوفك اي يوم يعني مايزعلوا من قرايب
دانة بصوت منخفض : مبين حدها مستانسه
ضحكت ترانيم على دانة
اصالة : اقول شفتوا العروسة الثانية شسمها
رنيم : رنا زوجة اخو معاوي ركان
شهد : اكره اني اعترف بس انتي صرتي فخمه
رنيم تضحك
مر العرس بسلام وكان حلو وهادئ وبفخامة زايدة شوية لأن رنيم تموت بالغرور
تم العرس وردوا البنات وكل وحده تعرج بجهه من الرقص
ترانيم : اففف بنام مثل ما انا مالي حيل اسوي اي شي
اميرة : ماهو انتي ماخليتي ولاغنية ما رقصتيها
ترانيم : تؤامي وتزوجت ولازم افرح
محمد : العقبى لك .. طلال يسلم عليكم
ترانيم حست بأحراج : منوو طلال انا مابتزوج اصلا
اصالة : اي اي صار في سوالف من ورانا
ابو حمد : يستحيل ازوج ترانيم هاذي بنت قلبي دلوعتي
أميرة: والله احس اني مو اميرة اني تميرة معاكم
دانة تحرج حمد: وين مايا ليه ماحضرت العرس
حمد : مو قلت لكم عند قمر .. وحرية شخصيه
شهد : هاااااا هذا هو مـ
دانة تسكت شهد : اقول اشتقنا خليها ترد
حمد : كلموها وحتى انا زوجها اشتقت
فهد : يع رومنسيات مقرفة
ام محمد : حمد اقول زيد عليها بكلمتين وجيب راسها
حمد يضحك: والله بنتك يا امي معجونة بعناد مايمشي عليها هالسوالف
ضحكوا كلهم
رغد : ماما ابي انوم
دانة زين الي بينامون بتوصلين فوق وعيونك تفتح قد كذا
كلهم راحوا ينامون الا حمد ما طلع للغرفة قعد يطلع التلفزيون وبالأصح ما يبي مايبي يقعد بالغرفة ومايا مو موجوده حمد متلخبط انه يحبها او يعاندها اوتعلق فيها او بالأصح تعود عليها وكل ما يحاول يوصل لها ترد قمر تقول له العذر اللي يقوله لأهله عن غياب مايا
عند العروسين :
رنيم قاعده بالفستان الأبيض وتمثل انها خجولة دخل معاوي
معاوي : شهالحلاوة شهالزين
رنيم : عيونك الحلوة
معاوي : رنيم بقول لك شي بس ما ابيك تفهمين غلط .. بصراحة انا أقول مانسوي شي لين نتقبل بعض
رنيم بعصبية وكانت مجهزة الكلام لأنها تدري انه بيقولة : يعني قول انت ماخذني تقرب لمايا ولو صار ومايا قطعت حبل صلاتك فيها بترد لي صح؟
معاوي عصب : لاتقولين كلام مو بقدك تمام .. وانا اشوف سوات البنت اللي بتزوجها وشفتك انتي شنو ولازم اتأكد انك صرتي مو °°°°°° عشان اأمنك على عيالي
طلع معاوي من الفندق ورنيم بدأت تنتف الفستان والطرحه وتبكي وتشاهق
مر اسبوعين
في بيت مختار :
راكان : هلا بالمعرسين
معاوي : هلا بالمعرس
رنيم : هلا فيك
مختار : اخيرا صار معاي بنات غير حنان
حنان بغيرة : اي انسيني الحين
مختار يضحك: العقبى لعبد الله
عبد الله : تو النااس
ضحكوا كلهم
ببيتنا :
دانة : البيت ممل بعد ماتزوجت رنيم ومايا عند قمر والرجال بالدوام وين فعاليتنا حق زمان ويين
ترانيم : الحين تخيلوا لو انا تزوجت شلون بيصير البيت ممل لأني الـ
قاطعها فهد : بيصر ممتع
اصالة : حرام عليك هاذي ترانيمم
ترانيم : عادي سأرحل وتندمون
شهد : تخيلي زوجك المستقبلي الحين قاعد يخونك
ترانيم : بلا هالمياعه حبيب قلبي مايسويها
اميرة : اقول شكيت فيك منو ؟
دانة : ولا يكون الحين عند مرته الأولى
اصالة : اي من الحين علموها عن السالفه عشان تصير رجلها برجل زوجها
دانة : بمناسبة انكم قاعدين اقول لكم شي
محمد : قولي جعل محد يقول بعدك
دانة استحت وطلعت علبه
محمد : الله هدية لي .. ثواني
شاف تاريخ الجوال مافي اي ذكرى اليوم
محمد : بمناسبة وش
سالم : يخي مرضتنا افتح وبس
محمد فتح العلبة وشاف جزمتين صغاررر كيوت
محمد : دانة ماتعرفي مقاس شهد
كلهم فرحوا وفهموا
دانة : يابقرة حامل
ضحكوا كلهم
فهد : بيصير معك نونو
دانة : نونوين اثنين
محمد : الله وبصير اب ثلاثة وشخص عاقل
دانة : اشوفك طايح باللعبة يا عاقل امس وانت تضارب رغد عل المخدة مو انت صح
سالم : فهد هد الجوال اركض لجبهة ولد عمك تراها تتدخن
كلهم ضحكوا
دق الباب وراحت شهد تفتح
شهد : اخيررا
مايا : هوسس سمعتيهم بسوي سبرايز
شهد : من حسنك جاية من اسكوتلندا
مايا تضحك
شافوها وقعدوا يستفسرون وكل سؤال له مبرر
وراحت لعند حمد وغمزت له : اللي اشتقت له
وصارت تلعب بخدوده
والكل يضحك عليهم
حمد: بس بس هيبتي
مايا : اشتقت لكم قد كذا
محمد : مبين حتى العرس ماجيتي
مايا : كنت مريضة
ترانيم : مو علينا هالسوالف
مايا : عندي ظروف
•°•عند معاوي ورنيم
معاوي: هدي الجوال من ايدك ونزلي جهزي وياهم الغداء ابوي قال يبي من يدك انتي ورنا
رنيم : الحين حبيبي
معاوي : العجم يارب مية مرة اقول ما اسمع هالغباء من فمك يطلع
رنيم وقفت وقربت عليه : مو انت زوجي اذا ماقلت حبيبي حقك لمنو اقول ؟
معاوي : اقول سكتي ولاتخليني اقول كلام مايعجبك قال زوجي قال
خلص البارت رأيكم ودعمكم عشان استمر ولو نسيت شي ذكروني اياه 🤍
أنت تقرأ
ربما اجد طمأنينتي بك.. وربما اجد نفسي بكِ
Romanceتخيل تكره شخص وتحب شخص فاللي تكرهه يبعدك عن اللي تحبه ففجأة تفيض مشاعرك ماتقدر تتحكم فيها وتحس انك تميل للشخص المكروه وتكتشف انك تكرهه بدون اسباب هذا اللي بتدور عليه الرواية .. سؤالنا هو هل ممكن تتقبل شخص بعيوبة قبل محاسنه وهل بتقبل اذا كان معاه سوا...
