زهرة

#فلسطين حرة

السلام عليكم ورحمه الله وبركاته
انا تأخرت في تنزيل الفصل رغم إنه جاهز من مدة لأني حرفيا مش قادرة أتعايش مع أحداث فلسطين .
مع بدء المجزرة دي أنا كنت بلف على الدكاترة بولادي الإتنين علشان بأمراض مناعية وإكتشفت مرض دم وكان إنهم ممكن يحتاجوا نقل دم ، في عز الألم والخوف ده أشوف آلاف الأطفال بتموت بطريقة صعبة وشيطانية ، في حين بشوف في عيون ولادي الخوف وأخدهم في حضني أطمنهم اشوف نظرات الصدمة والرعب في عيون أطفال مقدرش أوصلهم ولا أمسح دموعهم وأحضنهم أطمنهم .
كنت بحس بالذنب ....
أخدهم في حضني ..أأكلهم ...أجيبلهم حاجة بيحبوها ...يناموا جمبي ...يلعبوا
كان بيجيلي شعور بالعجز
أنا مش قادرة أعمل ده لأطفال فلسطين ... مش قادرة أوصلهم .
إبني بيقولي ليه يقتلوا أطفال هما إزاي هيحاربوهم وهما صغيرين مش معاهم سلاح خليهم يفتحوا البوابة أنتوا الكبار تحاربوا الكبار وأنا والصغيرين نجيب المسدسات بتاعتنا وندافع عن الأطفال.
ساعتها حسيت إن أكتر حاجة أقدر أقدمهالهم إني أعلم ولادي ياعني إيه فلسطين ، وإني أربيهم على حبها .
وقلبي الممزق على الأطفال وأهاليهم فجأة قالي إن دول أهل الجنة ...إنهم فازوا فوزا عظيما ..إنهم محظوظين .
يا الله لا نملك إلا الدعاء
يارب ليس بيدنا حيلة ولا دهاء .
يا الله ألا نصرك بقريب
#عاشت فلسطين حرة
#فلسطين ستظل بالقلب
#النصر لفلسطين