زهرة

دردشة مهمة

السلام عليكم ورحمه الله وبركاته
مساء الخير
أتمنى من كل قلبي إن كل إل يقرأ البوست ده يعلق ونتناقش بجد
أنا حبيت أحكي موقف هو خلص لكن مأثر فيا
ليا رواية أول رواية تنزل إسمها
عندما يعشق الرجل
جالي إشعار من يومين بكومنت دخلت أقرؤه لقيته على الفصل التاني وتقريبا من كاتبة
الكومنت بيقول إن الرواية زي مسلسل ويبقى الحب مع تغيير بسيط
أنا الكومنت ده قرأته كذا مرة علشان أقدر أستوعبه
نتكلم بس في شوية حاجات
ويبقى الحب مسلسل تركي أبطاله ليهم جمهور كبير البطل إل هو بطل حريم السلطان بمعنى المسلسل هيتشاف من كل دول العالم
أنا بقى عقلي صغير إني أنسخ المسلسل ومقدرش أتوقع إن ببساطة حتى لو شخص واحد هيقرأ الرواية هيبقى شايف المسلسل.

الرواية بعيدة وملهاش علاقة بالمسلسل وهو ده ردي على الكومنت وشكرتها ، بس في ناس قبل ما تقرأ الرواية ممكن تدخل على الكومنتات لما تلاقي كومنت زي ده في أغلب الأحيان هتقفل الرواية من غير ما تفكر .

لو كان الكومنت مثلا السرد عاوز يتحسن ، الحوار لازم يبقى متقن ، ياعني أي شيء متعلق بالرواية كنت فرحت جدا ، في كومنتات فرحانة بفكرة الرواية لكن وجهوني للحاجات دي ، وأنا بالفعل قولت هحسن منها من غير تغيير ، لكن لنفترض أنا كنت عاوزة أكتب إن في حد بيضحك بدل ههههههه ال موجودة في الرواية هلقيها بالشكل مناسب للسياق ، والرواية دي ليها جزء تاني مش عارفه ربنا هيسرلي إمتى أنزله فقولت في نفسي الجزء التاني ده فيه شخصيات جديدة هتظهر لازم علشان القاريء ميفصلش بين الجزئين أطعم الجزء الأول بمشاهد للأبطال دول .

عندما يعشق الرجل مش أي رواية وخلاص بالنسبة ليا أهم رواية هكتبها
لأنها مش بس قصة حب أو حتى أكتر من قصة ، ببساطة رواية مهمة ، أنا أصلا لما بكتب لازم يكون في هدف ورسالة
ورسالتي في عندما يعشق خاصة بالمرأة في كل حالاتها
فإن الرواية دي تتشابه بمسلسل أي كان المسلسل متشاف وليه جمهور وناجح جدا جدا ظلم للرواية حتى لو كانت ضعيفة الطرح لأن ببساطة الرواية عبارة عن قيم ومباديء وبلورة للرجل لما يواجه تحديات المجتمع علشان الست .
أنا مدركة لسبب تشبيها كويس
لكن علشان أقدر أقول إن الرواية شبه مسلسل أو أربط أي حاجتين ببعض لازم أقرأ الرواية أو حتى كام فصل منها لكن مش لما أشوف وجه شبه بسيط في الفصل الثاني ياعني أول الرواية أحكم عليها لازم على الأقل يتماثلوا في أكتر من حاجة .
مع إن الشبه ده موجود في روايات كتير جدا جدا جدا ، وفي أعمال كتير برده بتبقى نسخة طبق الأصل من أفلام ومسلسلات .

ياريت لو حد قرأ الرواية يعرفني هو شايفها إزاي .
وإل مقرأهاش وحابب يقرأها ميبخلش عليا بكومنتات يقول رأيه .
.............
أنا إن شاء الله هشارك في إحتفالية على جروب فيس بوك برواية جديدة هتنزل طبعا كاملة لما تنزل هقولكم للحابب يقرأها ، اتمنى أقلاقي متابعين من هنا يدعموني بين جمهور الجروب .
..............
بالنسبة لرواية زهرة إن شاء الله الفصول هتنزل بعد كده كل يوم جمعة .
دمتم بخير ❤️