الشرع الحرام

part 4

الشرع الحرام ❌
بقلمي ...ايات احمد
a...q
مساء العافيه

...............................................................

خالة والقران ماادنالي عفية روحي گليله السالفة ويه
ماما
تقربت حضنتني وحجت
ـ يابنيتي خلي اعرفها انه وتالي عود احجيها من جيتي وكلمن يخوط شكل دوختونه تراكم

وخرت منها وحجيت

ولله مالحك يدنالي وهذه الدم الشفتو مال الشهريه مو غير شي من الخوف والضرب نزلتلي الكسره حتى ماما تدري البارحه جانتلي اخر يوم مووو ودحكت لامي لكيتها ادحكني بشك تمسح خشمها بشيلتها ومستنده ع الباب تنتضرني
ماتحملت نضراتها طلعت اركض ودفعتها كضتني من ايدي

ـ وين موليا
نكثت ايدي من عدها وعطت
ـ اولي اسبح واحلفلج ع القراءن ماادنالي وهذه دم الشهريه تاترتاحين واخلصج من هالشك وانه هم اخلص طلع بابا شافنا متصايحين عاد عاط بينا

ـ صار ساعه متانيجن وانتن متكافشات ومنطياتني الاذن الطرشه فد مره بهالعمر عبرو كلامي بهالبيت ع الاقل واعتبرولي وجود انفضحت على تالي عمري ونهجم بيتي

وصارت الشخوخ من تالي وكت تكعد وتفصل بشرفي ليش يربي دخيل عوينتك شمسووي جواك انه
وكعد بالكاع يبجي

كلش كسرني موقف ابويه وقهرني بس رغم هيج ماتقربت عليه ولابدر مني اي تصرف ادخگ ماما حاضنته وتبجي وتواسي وخاله جابتله مي واكفه فوك راسه ومخبوصه بي وانه ماخذه دور المتفرج كابرت وعاندت بروحي جان كلش بنفسي اروحله واحضنه بس مكابرتي جانت اكبر من هالشي
- ام مصطفى ...كافي يابو عباس مايجوز هيج اسوي بروحك توكل على الله كلشي والو حل وهيان حلاوه تكول وتحلف مادنالي ... وليوم نكول للكل وتخلص السالفه ....
- قصدج تبدي سالفه الاچفن بيها عبو وبيديه...
ردت امي
اتصخمتي يرقيه ولطمت على وجها
شتكول ابو عبو شنو هالكلام ليش وينو مشعول الصفحه انتو مو كلتو عد الشيخ لابد هو وهذيج الك***ة
ـ ابنج ورطنه ويه ناس لاعدهم خوفه عبد ولارب ...
يعني مكتوبلي يااخسر شرفي يااخسر ابني ويديروني ويكطعون رزقي يايهي بيهن اختار كليلي بالحالتين خسران ...
-جا اخسر الخساره الاقل ..

هناه كلبي نغزني حسيت هالخساره انه الراح ادفع ثمنها بسرعه نطقت
والله العضيم ولله مستعده هسه اتطهر واحفلكم يمين ع القرءان ماادنالي باوعلي ابويه بنضرات كلهن عطف وانكسار وكالي
ـ مصدكج بويه بدون حلفان بس ماريد هالسالفه تطلع خارج هالغرفه دنك راسه وكمل كلامه
واذا احد سالج كليلهم البالهم ...
ـ نعم !!!!
وليششششش !؟

ـ مو هيج الحق راح يصير النا وراح تكع الامور بصالحنه من تصير الكعده صدكيني يبنيتي هذه الحل الوحيد

ـ هو شنو الحل تره انه مامفتهمه لحد هسه انتو شكعد تكولون ...
سكت ثواني وكام واجه يمشي بناحيتي بخطوات متعوبه كضب ايدي گعد و كعدني مقابيلو انتضر
يحجيلي الخبر الراح يصعقني بنضرات كلها خوف وقوه بنفس الوكت