الشرع الحرام❌
بقلمي...ايات احمد
....
بعز هالهوسه وجان نسمع صوت طلقه وياها صوت
فززز كل عضو بيا
يي هذه هو صوت حبيبي وسام گمت الحيلي وانه اشوفه فايت بهدومه العسكريه وسلاحه رافعه يضرب طلق ويصيح
ـ ليه ماتصير لغيري
لحضتها الكل انفزع... الي شرد شرد ...والي ضل خايف وماقربله ويهدي بي من بعيد
وخاله مجلبه بمصطفى ماتقبل يروحله تكله
- مو بوعيه متشوفه بلگوه ساند روحه حت السانه ينطق بالكوه من الشرب لايروح يصوبك عوفه ....
اجو امه ابو ومن شافو شارب يكلوله
اول تالي تشرب وعليمن لك... ولله لنزوجك تاج راسها وهو يصيح ماريد غيرها ماريددددد
طز لوحت انطيت كلمه خل يكولون ماعنده كلمه بس اعيش سعيد ومرتاح مع الرايدها كلبي
اليوم مااتحرك منا الا يجون واكللهم
لطمت فوزيه على وجها وكامت تنوح
يمه وحيدي راح يروح من ايدي بهالاثناء وفات احمد اتفاجئنه كلنا بوكفته لاسمعنه هورن ولا اي بوادر زفه وماكو احد وياه غير رجال واحد ومره عبالك زعلانه وجايين يرضونها ولاعبالك انه عروس ولازم يجوني بزفه
من شافو الوضع هيج بلا تردد راسا هذه الولد الوياه سحب اقسام بمسدسه ووجهه ع وسام بنفس الحضه مصطفى غافل وسام وسحب الرشاش منه وطلعت طلقه الكل صيح وغمض عينه مومستوعب ياتره فاتت بيمن بس الحمد لله لطف بينا ووكعت بجام صار طحين و تكوم بالكاع
تخبل وسام شلون مصطفى سوه هيج وهجم يتلاوه وياه بس ماكدرله
مابي حيل يشيل نفسه بحيث من طخه وحده من مصطفى يكع بالكاع
كام بخطوات متثاقله سند روحه ع الباب ووجه نضره لاحمد وحجى بتوسل
ـ مستعد بهالحضه ارجعلك فلوسك كلها وفوكهن هم بس انهي السالفه وعوفها الي
امه سمعت هيج اتسودنت لصمت حلك وسام وتكول لاحمد
ـ لاتاخذ بكلامه اغديلك فدوه تره سكران وماواعي لروحه
ـ هو لان سكران ماراح احاسبه ع الحجاه... لان احنه مو ناقصين غيره ونبيع نسوانه بجم فلس وعود وصلوله هالكلام من يصحه على روحه حجاها وهو ينزل اسلاح اخوه وتقرب بأتجاهي ياخذني
لحضتها رجليه من حالهن كامن يمشن ليوره بكل خطوه يتقدمها ابتعد احس عبالك ملك الموت جاي يتقربلي ويريد ياخذ روحي
ذب مصطفى السلاح لامي وسبقى واخذ ايدي وكاله
ـ الاصول اخوها يسلمها.... وانه اخوها وضرب على صدره
عشت عمري واني متعود الييرش حلاوه بورد ارشه بتيزاب حميتها من امها وابوها واخوها ومستعد احميها من زلمتها هم لو اضطر الامر
بس كون تطلع سند وانت التكمل بحمايتها تره حلاوه مالها ذنب لاتنسى هالشي ولاانت الك ذنب لذلك رب العالمين ماراح ينساكم وواثق راح يكتبلكم السعاده ومانكدر نكول غير لعله خير
ماوصيك بخيتي ومبين من كلامك ابن اصل وابو المثل يكلك لاتطلب الحاجات الا من اهلها
أنت تقرأ
الشرع الحرام
ChickLitعندما يكون الشرع حرام والحرام مباح ....ماهو مصير الزواج؟ روايه للنساء فقط ولااحلل قراءه الرجال مشهد من اعماق الروايه گام و راح فتحلهم الباب.. ويه مافتحه فاتت امه ..ماباوع بوجها وطلع راساً..اني بقيت الم بنفسي وبثوبي الملطخ دم ...من شافت وضعي هيج ك...
