الشرع الحرام

part 18

الشرع الحرام ❌

بقلمي ...ايات احمد
a...q

اراعي نجوم الليل حباً لبدره
ولست كما ضن الخليِ منجما

لابن خفاجه 🧡

مساء العافيه🧡

شكرا للديساعدوني ويصعدون لقصه
احبكم كلش
لاتنسوني حبيباتي من دعمكم انشرو رابطها ع منصاتكم
وساعدو بنشر القصه ورابطها بمواقع تواصلكم 🧡

ـ ام مصطفى...اريدن بلقيس لمصطفى

راسا باوعت لمصطفى  وهو طر  الخاشوكه وضل ينضرلي مصدوم
عرفت هالخبر من راسها وصفاوي ماله اي علم
يعني ماتجوز ...شكد عافهم وتغرب گلنا بلكي تنصلح.... بس ابو طبع مايبدل طبعه.. هم رجعت وخلته تحت الامر الواقع

ـ يمه هالموضوع مو وكته عمي مابردن دماته عيب

ـ يايمه البنت كبرت واخافن تروح لغيرنه اريدن ع الاقل احجزها
شكلت خيي رايدتها منك انه ماعندي بنيه ومالگي  احسن من بلقيس
وثق بالله ماتلكى احسن من عدنه مانعاملها غير بنيه النا

ـ الله اليشهد ماعازها عليج بس البنت صغيره بعدها توها اربعطش سنه
بعدها ماتفهم وخافن تسود وجهي اذا نطيتها

ـ رقيه ....مامگبوله منك يخووي ....ماعاش اليسوود وجهك ندري بالبنت صغيره
ماتعرف شي لهيج خيتك تگلك اريدها تصير بنتي حتى هي تعلمها وتربيها ع ايدها ع شنو ترفض
شو لبنيه لادراسه ولاطبه لاطلعه
شعندك مبيقيها لاتتحجج بلعمر القسمه الزينه مانتنتضر وهيان احنه كلنا بعمرها زوجنه وفتحنه بيوت وله شتكولين ام بلقيس

ـ ام بلقيس ....مانلگي احسن منكم لو عليه انطيها بهدومها بس يضل الشور والرئي لابو بلقيس

ـ انه ماعندي مانع گبعي واخذي بس خافن ابو مصطفى يزعل موراهمه نفتح الموضوع هسه تونه طلعنا اربعين ابو عباس

ـ لالا من هالناحيه اطمئن ابو مطصفى هو الوصاني افاتحكم حتى ياخذ الموافقه منك ويجي يطلبها ويعقد رسمي

ـ اذا هيح انطيتكم اذا الله انطاكم مدي ايدج خيه وسمي برحمان اعتبري حاجتج مگضيه

ابوعلها شلون تباوع لامي بانتصار عرفت هاي الطبخه هنا الطابخاتها ..مدري شلون مر العشا عيني ع صفاوي صار وجها احمر وبس يگلب بلاكل مايكل عاد اترخصت انه اول وحده وكمت حتى اسويله مجال و يكوم  وراي

طلعت اغسل طبعا هما ماعدهم غير السينك مالت المطبخ هو نفسه مغسله
الحقيقه بيت خالي حالتهم مدهوره اضعاف حالتنا... كل بيتهم غرفه ومطبخ بس
وبافقر المناطق گاعدين تجاوزات لهيج مرت خالي طارت من الفرح بالخطبه يعني عيشتنه تطلع جنه عن عيشتهم ...

جانت بلقيس جاي تغسل مواعين. من شافتني راسا مسحت عيونها عود ماتبجي بس عيونها صايره فلم بس هلكد حلوات من جمع الاخضر ويه لبياض ولحمار يخبلن صايرات ....