الشرع الحرام

part 2

الشرع الحرام ❌

مسائكم راحه بال .
بقلمي ...ايات احمد
A...q

.................................................

شايف من تضل تنعاد الايام
نفسها و ماكو شي بيهة يتجدد

يجي شجم باجر و ما يختلف شي
نفس البارحة بس عمرك ازيد

ساعتها العمر مستعمل يصير
و أحلامك شوية شوية تنهد

صح ينكتب عايش بالسجلات
بس انت مجرد رقم ينعد

اي مثل الهوى بالمقبرة يدور
لا تخنگ و لا يشتمك احد

اكبر مشكلة يواجها الإنسان
اذا ع المشكلة يبدي يتعود

.......................................

مالحگت حتى اجاوبه ..وسحبني من بين اديه رجال جبير بلعمر
بس شنو بي حيل اجبال ..تولاني ضرب ودفر وذاك الغلط ولفشار عليه وعلى اهلي وعبوو ...اكثر شي يصيح وين اخوج الكو**** ...

ـ حلا... ولقراءان ماعرف وين هو ..كل يوم يطلع من الصبح للشغل ومايرد للمغرب بس اليوم شويه اتاخر ماعرف وين صار ..

بس حجيت هيج ابتعد عني وضل رايح راد بمكانه يفرك بوجهه ..ردله استاذ احمد

ـ ها يابه هسه شلون ...ماضل مكان يعتب علينه كل مكان دورناله عبالك فص ملح وذاب حت اهله مايدرون وين ..الحل شنووو؟

ـ ومن الگال مايدرون بي وين
لو مايعرفون بسوايت ابنهم جان مافرقووو البيت وعافو بس كوم هالجهال ..
من شوكت احنه هنا ماجريدي بيهم طلع وواجهنه
بس هيييين انه اعلمهم شلون يجون ويجيبونه بيديهم وهما الممنونين..ودنگ سحبني من ايدي وجرني وياه ...گمت ادفع بي وارافس واحاول افلت روحي من ايديه.. بس مگدرت

طلعت ع الباب لگيت الجيران كلها ببوبها واگفه وماخذه دور المتفرج ومحد حاول يوكف بوجهم ويمنعهم ..حقهم مالومهم احنه منطقه كلنه فقره وناس بسيطه على كد حالها مو مال نحط گورنه ويه گورهم ..هم الجاين بسيارتهم الملت الشارع واسلحتهم ونفوذهم

وطبعا على حضي ذاك ليوم محد اكوو من ولدنه ...الكل خارج البيت بس عمي ابو وسام وهو رجال جببر ومريض...وهم يمكن لحسن حضي ماكو احد لوجان بابا موجود او عمو ابو مصطفى اواي احد من الولد ..جان ساعتها صار الدم لركب لو شايفيني بيدين زلم غرب يجرجرون بيا...

بقيت اتوسل واتنخى واطلب منهم يعوفوني واحلفلهم محد بينا عنده علم بمكان عبو بس هيهيات يصدگوني ...ذبوني بلكوه ببدي السياره
جانت سياره تويته من ذني لكبار ..ويه ماصعدوني سمعت صوت امي ... التفتلها شفتها تركض بناحيتي ...كمت ابجي واستنجد بيها بس واحد بيهم اجاني من گدام وجابني دفره ببطني كلش قويه خلانى اكعد ..وساقو لسياره ومشو بيا سريع