الشرع الحرام

part11

الشرع الحرام ❌
بقلمي ...ايات احمد

مساء العافيه 🧡

...................

-ع كيفج شدعوه هيج جفلتي... لازم من زمان نايمه وغركانه بنوم هيج

-دنكت سحبت قراصتي ووكفت الم بشعري بتوتر...حجيت  وبعده النوم بعيني 
-ييي من صعدت العصر جنت تعبانه ونمت راسا

-اهاا حجاها ونگلب صار جسمه كامل بفراشي حجى -ليش ماتنامين ع الجربايه
-مامتعوده انام ع جربايه.... كل عمري كضيتها انام ع الكاع
-سهله اذا هيج نامي علليها وراح تتعودين
-ماجاوبته ع كلامه بس كتله راح اطلع اسوي عشا ..هز راسه وطلع مبايله من جيبه وعكس مخدتي وبده يكلب
-طلعت امشي وكلبي ينتفض شيخلصها هسالفه تندمت كتله نايمه من وكت هسه تعال اسهر وياه يعني مااكدر اتحجج واكله نعسانه اووووف يربي
-فتت للمطبخ وشغلت الضو ادحك بساعه توها بالعشره ونص ضليت حايره مادري شسوي كمت فتحت المجمده ماكو شي غير علاكه بيها كبه اخذت منها وكعدت انتضرهن يموعن اماطل كمت بس حتى اضيع وكت رتبت صينه معدله وصعدلته بعد ساعه هو من شافها فرح وتعدل ويكلي ها سويتي كبه عاشت ايدج

كل عقله اسويله كبه بنص هاليل بطران... حت ماكلفت روحي ورديتله وكتله مو انه السويته هاي  من المجمده بس هزيت راسي وكابلته اكلت شويه وكمت نفسي مسدوده
انتضرته يكمل كلت اخذ الصينه بحجه اغسل الواعين واروح للتواليت بلچي اضيع وكت وينام ويخليني بس جان اشطر مني وسبق تفكيري وحجى  بوجه مبتسم من كام من الاكل

رايح اسبح مو هم ارد والكيج نايمه ماطول انتضريني اخر كلمه حجاها وغمز
-ضليت صافنه بي عيني ماگامت ترمش وكلبي كام يدك سريع هسه شلون اخلص منه هذه طلع هو وانه كمت افتر بمكاني وافكر افكر افكر وماكو نتيجه

كلت هاي هي من يجي اصده وشيصير خلي يصير عاد اخذت الصينيه ونزلت  وضليت اماطل الاطول وكت ممكن ...
صعدت لكيته امددد ع الجربايه بدون حجي راسا رحت مددت بفراشي
-ها شو هم هناك تعالي هنا
-لاانه هيج ارتاح اكثر ولله خليني هنا ماكدر انام ع الجربايه
-يلا اذا ماتكدرين تجين انه اكدر وطفر من جربايه شايل مخدته وكمل
يوم انه انام جوه يمج ويوم انتي تصعدين يمي الا تتعودين
-لاعفيه حجيتها وانه اكوم
-ضل عاكد حاجبه
بلعت ريك وكملت
مايحتاج هيج انه مرتاحه
-بس انه مامرتاح لشوكت هالحجي حلا كل ماافتح وياج موضوع ماتردين وبس تهزين براسج شلون تاخذين عليه واخذ عليج وانتي كلمه ماتنطقين وياي

وهو اصلا انه طوول اليوم مشغول وماشوفج غير باليل وانتي تنامين من وكت مدري اسوين روحج  نايمه حجاها بشك ويدحك بعيني
دنكت راسا ورد كمل
شوفي مقدر الوضع الي انتي بي وحتى ماجاي اضغط عليج... بس انتي لازم تستوعبين الي صار وتتعايشين وياه هاي قسمه من ربج جمعتنه احنه ماجنه مخططينلها 
كل الفات ارمي وره ضهرج خلي نبدي هسه شتكولين وتقرب بناحيتي