الشرع الحرام

21

الشرع الحرام ❌

بقلمي ..آيات احمد ...
a..q

مساء العسل 😊

قراءه ممتعه 🤍

اجيت اتخبل من سمعت الخبر
كان صعقه ونزلت علينا اباوع بلولد انتهوو
تالي طلع هالممرض متوهم بعيله البنيه التوفت
عاد اتعارك وياهم عقيل  وصارت هوووسه ...
منا اهل لبنيه الي اجه خبرها كامو يتلاطممون ويتعايطون...ومنا الولد ضلو يتعاركون ويه الممرض ودخلو الناس المتواجدين عاد بلگوه فضت

  مانتبهت لروحي كاعده بالكاع من الهبطه ...ادنى احمد وگومني
ـ بيج شي خاف ضغطج هبط امشي انقيسلج
هزيت براسي لااا ورديت حجيت
بس طلعني منااا

ـ عقيل اي شي يصير بلغني طالع بحلا شويه ....
هز براسه عقيل ورد گرفص ودنگ

خذني للكافتريا وجابلي عصير بعد ماشربته شووي فتحت يمكن سكري هبط من الخوفه
ماقبل نرجع وكال عقيل يببلغنه اذا احتاجو دم بس انه اصريت نرجع وگفنه بلانتضار وبدوو يطلعون النسووان وحدتهن فضيحه مايعرف الواحد يبجي ع حالهن لو يضحك ع سوالفهن امبنجات ويحجن شاطي باطي .....

تالي يلا طلعت زهراء ..عقيل انهزم يكوول هسه تفضحني وهم تصيح باليوجعها
بس الحمدلله ماحجت شي موو زين طوول الوقت ياتصيح جهالي يا تستغفر ربها هييج لحد ماصحت تماما

ردنه نحولها ع غرفتها بس جانت بعدها دايخه فكلنه نخليها شووي وننقلها ...
بهلاثناء اجن بصفنه نسووان ثنين. ضراير شوو ذني بس فتحهن البنج وانطلقن وحده ع الثانيه
الجبيره تكول للصغيره لو ماازوجج مااجاني الثالوث والصغيره تردلها ولله من وصخج انتقلني

ورجلهن واكف بنص مايعرف يسكت منوو كل وحده السانها اطووول منها تالي گلبن عليه وضلن يدعن عليه شهرنه شهيره بغلطهن الوصخ ولسانهن الفالت مدري منين جايات مايكوولن العالم منااا عيب
هممج لاخر درجه اباوع ع احمد مستحي صار بنفسجي واكف بالباب يروح ويجي وعقيل بايع ومخلص خربان من الضحك كدام الكل

من يمي استحيت ماصدگت طلعنه من الغرفه عاد سالت زهراء
گلتلها
شدعوه هيج فضحن اددنيا بعياطهن هوو ثالول بس خطيه طلع بهيج مكان يووجع وماينزال الا عمليه حجتلي ع كرايبهم صاير بيها هم زوجها مزووج ثنين ومنتقللها من ضرتها تكوول ألمه فضيع
الحاصل بذاك اليووم عرفت سوالف توكف شعر الراس

وطول فتره بقائي ويه زهراء يوميه ادري شي جديد ماعدنه شي خرطتلي الاول والتالي بس انه وياها متكابلين احمد وعقيل رجعوو عدهم شغل وضلو يجوونه بين يووم ويوم

اول اسبوع انتهيت بيي من التعب بس وحدي وياها وهاي ثكيله حركتها صعبه وماكوو غيري يسندها هذه الغير اليل ماتنامه من الالم وانه ماكدر اعوفها وانام اضل سهرانه وياها ومنا مستشفى وطوول الوكت هووسه وصياح ....ماصدكت يخلص الاسبوع ونحول فندق
لا عاد هنا رتاحينه زهراء شويه اتقوت وكامت تكدر تكووم والوجع خف فانگضت هالايام حش وتنمرر ومسلسلات صرنه بيوم واحد نختم مسلسل كامل