الشرع الحرام

28

الشرع الحرام ❌

بقلمي...ايات احمد
a...q

راح انساك ابشرك وانهي قصتي وياك
واشد جروحي بيدي واتخذ عبره
بعد ما احب ابد لو مدري شيصير
رفضت الحب بعد ما انحني الامره
وبعد هيهات ارد الذيج الايام
الجنت بيها غشيم وفاقد الخبره
طحت مره بعد ما اطيح هيهات
ياوسفه وندامه ويا الف حسره
اني الانجرح من بعد ذاك الطيب
لو ادري من الاول ماصرت شجره
سلمتك كلب ولك كلها تتمناه
شكد دكو ابابه ومافتح وزره
عاندت بمحبتك كومه شمات
كالو مو الك كتلهم انتظره
كالو مايحبك خايب شبيك
كلتلهم احبه وابد ما اخسره
رغم كلشي احتويتك بيك منطيت
كلت تسوه التعب والاه والحسره
طلع حبك دغش ياريت ماحبيت
ساعه البيها شفتك ساعه الكشره
بكلب واحد جذب ما اصدك نعيش
على هذا القهر يراد فد عشره

مساء الورد لاحلى وروود 🌸
قرائه ممتعه عزيزاتي

لاتنسون
التصويت❤️
متابعه الحساب🤍

ونشر رابط الروايه ع منصاتكم🧡 طالبه همتكم بنات اذا فعلا حبيتوو القصه فانسخو رابطها ونشروها بحساباتكم مال واتباد ع لمحادثات
ولمتعرف فسبق وشرحت ببارت 12

تنطيني فرصه اصيرلج الاب اليحميج
والام التسمعج
والاخ اليسندج
والاخت التفهمج
والصديق التشكيله
ولربما يوم من الايام نحب بعض وصيرلج الحبيب هم

ضليت صافنه بوجهه
استغربت طلبه وبهيج وقت بذات

رد كمل كلامه وحجى

ـ ادري استغربتي طلبي بس تره الحياه طويله ولابد الانسان يمر بتجارب يحب وينحب يعني عادي كلش لو حبينا كبل لانزوج هذه مو عائق يمنع زواجنه صدكي عمره ماجان لحب اساس نجاح الزواج
ياما وياما اكو ناس حبت واخذت وتالي ماتفاهمو وكرهو بعض وطلكو
واكو العكس تقليدي بس بعد الزواج يحبون ويتمسكون ببعض ويكونون اسعد عيله
لان زواجهم مبني ع التفاهم فانه حاليا اطلب منج زواج يكون مبيني ع تفاهم عوفي فكره هالشي صار غصب غنج
ونجبرتي عليا وانه انجبرت عليج
انه هسه جاي اطلب منج عن طيب خاطر ما اجذب عليح وااكلج احبج بس صراحه انه كلش معجب بيج حبيت كونج قويه وماترضين بالغلط وبنفس الوكت گلبج طيب واذا حبيتي تحبين من كل كلبج وتوفين

وفائج هذه بذات عجبني فيابنت الناس انضري للموضوع من جانب اخر وفكري
يمكن الصار هذه كله بصالحنه
يمكن هاي حكمه ربج خلانه نلچم ومناخذ النحبهم لانه مقدرلنا حياه اجمل ويه بعض

بوكتها واني اسمعه يحجي احس كلبي دكاته كامت تتسارع وتضرب وبقوه وللمره الثانيه ولاكانو كالي معجب وكان كالي احبج حسيت روحي تريد اطير مدري بس شي بداخلي فرح ...

بدون تفكير وتردد راسا جاوبته

ـ وانه هم حابه انطي فرصه لروحي وياك انت خوش انسان وانه متيقنه لو ملتقين بضروف غير هيج اكيد حبيتك لان مابيك شي ينكره بنسبه الي