الشرع الحرام

part 31

الشرع الحرام ❌

بقلمي ...ايات احمد
A...q
  

وكتمْتُ آلام الحنين فأفصحَتْ
عيني وأنطقها الفؤادُ بأدمعي
الكلُّ يسمع في الوداع حنيننا
لكنّ أصدقه الذي لم يُسمعِ
ورجوتُ عيني أن تكفّ دموعها
‏يومَ الوداعِ نشدتُها لاتدمعي
‏أغمضتُها كي لاتفيضَ فأمطرت
‏ايقنتُ أنّي لستُ أملك مدمَعي
‏ورأيتُ حلماً أنني ودَّعْتُهم
‏فبكيتُ مِن ألم الحنين وهُم معي
‏مُرٌ عليَّ بأن أُودّعَ زائرًا
‏كيفَ الذين حملتُهُم في أضلُعي

        

مساء الورد لاحلى وروود 🌸🌷🌹
قرائه ممتعه

لاتنسون
التصويت❤️
متابعه الحساب🤍
ونشر رابط الروايه ع منصاتكم🧡

فكالعاده شلت تلفوني وستفسرت ع الصار من من زهراء وكلتلي

اليوم برنو فتحت وياه الموضوع وكلتله رجعها حتى يرجعون اختك خطيه  حامل وهالجلب ذبها علينه

ردلها
ـ  تستاهل هذه سوء اختيارها خل تجني ثماره
عن نفسي ماارجع حلا لو تكابلني فاطمه العمر كله وكافي انتي تره طولتيها كلش صار شكد اكلج لگيلي مره وتماطلين بسالفه لذلك انه لكيت وبهالاسبوع حضري نفسج لعرسي
  حجاها وكام
وفطوم بنفس اللحضه شالت تلفونها  وتصلت ع اخوج وكلتله بالحرف الواحد
ـ اخوي مناوي يرجع.. وراح يزوج
شسوويله قابل هاي هيه انه تعبت من اخواني فايتين طالعين يعيرون بيا ويكلولي عافج الكتلتي روحج عليه
تعال واخذني بعد مااتحمل
شنسووي مكتوب علينه نتحمل اختك هالفتره بين مانلگيلها ملزوگ عين نكربسها براسه

تخيلي كل هذه فاتحه السبيكر وتحجي بنص الجناين واخوج الطرن يردلها
ـ يي ولله لو شايب هم ازوجها فلا اخليها

ماتحملت راسا ترخصت منها وكعدت ابجي كلش غثني الموقف اكيد هسه اشمتن بيا الجناين
ماتحملت الموقف كل مااتخيله اتعصب بزياده فمالكيت روحي غير اتصل باحمد وهاي اول مره اسويها بعد الي صار ..راسلته قبل هيج مرتين وشرحتله موقفي شاف الرسايل ومارد عليه وشكد اخلي ستوريات هم مايرد فجنت ميأسه يرد عليه بس الغريب رد من اول رنه
بس ماحجى اي كلام اكتفى يسمعلي واني منهاره ابجي واكله

ـ وينك موجنت تكول بس انطيني فرصه اصيرلج اهل وسند !!!!!
تالي بس انطيتك فرصه شسوويت هاا ؟!! رحت وخذلتني وتخليت عني باقرب فرصه صارتلك

ماكلك اني ماغلطت لا الغلط راكبني من راسي لساسي  بس رغم هيج هم جان المفروض ماالگي منك رده الفعل السويتها وياي
تدري ليش لان زواجنه استثناء ومو مثل اي مزوجين العاادين اانت ازوجت وحده جانت مخطوبه من فتحت عينها ع دنيا وهي  لابن عمها
ماجنت اتخيل روحي ويه انسان غيره ف شمتوقع مني طبعا اروح واحجيله هالحجي بس بعدين الامر اختلف ولله بعد ماعاشرتك وعرفتك گلبي دگ ولاول مره