الشرع الحرام

البارت الاخير 🥹

الشرع الحرام ❌

مساء العافيه

نزلت دكيت الباب او ويه اول دگه فتحته زهراء جنت متفقه وياها تنتضرني
حتى راسا ادخل ماريد اگابل احد بيهم
ـ زهراء...كلهم بربعه تلاگينهم
هزيت براسي وتوجهت امشي وگلبي دگاته الف
اذكرت كتلتها الي اخر مره وافكر شتسووي بيه بس تشوفني بس موقفها فاجئني كلش
اول مادخلت وسلمت الكل ضل متفاجئ خاصه احمد مانطيته علم بجيتي ضل يخوزر بيا مراضي
بس من شاف موقف عمتي وقبولها اعتذاري ومردتني حسيته فرح كلش
عفتهم وطلعت وهو صار وراي صاح بيا واشرلي ادخل لغرفه حيدر
جانت فارغه فمن بعيد بس اشرت لزهراء بمعني اوكي
ودخلت وراه واول مسديت الباب حجيت

ـ اسفه مابلغتك بس كلش ضل بالي يمك وماگدر اعوفك بهالضرف وحدك ردت اساندك فمالگيت روحي غير جايتك وگلت شتسوي امك خل تسوي مو مهم ...

تقرب حضني وگال
ـ لاتعتذرين  بالعكس ماتتصورين  شگد كبرتي بعيني فعلا جنت محتاجج وياي
  بس مااگدر من امي
شوفت عينج وضعها ابد مامتحمل من اخذو موسى وهذي حالتها تحسيها بغيرر عالم اول مره اشوف امي هالگد مكسوره
ضغطها مفووول من ذاك اليوم لهيج من شفتج تعصبت كلش خفت من رده فعلها ولايصير بيها شي بس الحمدلله عدت سلامات
ابتعد ورد اتنهد وكمل
اخ ياموسى هديت حيلنا ونزلت دمعته
ـ  هيج الوضع ميأوس منه؟ انه ولله ممصدگه كل السمعته معقوله موسى يطلع منه هيج
ـ ولاحتى احنه مصدگين بس كل الادله تحجي وتكول خلص ماضل بيدناا حل
هسه  بس لو نعرف وين اخذوو جان تلاحگنه بمحاميين بس ماندري ماخلينا ماسألنه فص ملح وذاب كلمن نروحله يگول هالشغله اكبر مني ماضل بس امل واحد
اليوم نتقسم نص يروح يسال عنه بسجوون الشمال ونص بسجوون بغداد
واحنه انلاگي بنفسنه بلچي نتلاحگ بيه
ـ صدگ تحجي انتو ناوين تضيعون روحكم باجر يجرونكم وراه
ـ چا نعوف اخونا يضيع جدام عينه واحنه سبعه لاخير بينا اذا هيج حجاها ودگ تلفونه عاد ما رد بس بلغني وگال
ـ ماشي انه ويمكن شغلتي مطوله يوم ثنين مااعرف شگد فأنتي بكيفج رايده تضلين او اتروحين لاهلج
ـ لا اضل انتضرك  هنا
ماگال شي بس هز راسه ودعني وطلع وانه شلت التلفون وبلغت صفاوي بضلتي وكتله يرجع
ودعته وبوجهي رحت لسميه جانن متجمعات هيه ولبنات بالمطبخ اتعديت الكل وماسلمت بس ع سميه
خطيه حالتها تگطع الگلب مالحگت تتهنى بزواجها من جت والكل شاد وياها
وهي من نوع فقيره كلش تسمع وتسكت تريد بس بروده الگاع حتى وهي بهالوضع خطيه واكفه وتشتغل وبنتها تبجي ع ايدها

عاد وگفت انه بدالها وكملت الغسيل وگتلها
ـ اخذي بنتج رضيعيها خطيه مبين جوعانه

ماگالت شي هزت راسها بتعب وشالت بنتها وصعدت
عاد اتشكلت وگعدت ع تل المواعين وحدي ولباقيات ماوحده شدتها الغيره وجت ساعدتني كلمن طلعت بصفحه وقسم راح ويه زهراء يورد الحلال