الشرع الحرام

part 20

الشرع الحرام ❌

بقلمي ....ايات احمد

a....q

حضرة الزعلان بيش امزعلك !
انه المداريك اكثر من هلك
تجرح وتقسي وشغلتي استحملك
شويه خل احچي الحچي مو كله الك
بحظك وبختك گلتلك يوم لا
من عرفتك صرت خيط ابمغزلك
تؤمر وتنهي وتريد وما تريد
والحرام الما يحل حللته الك
المشكله التعزه يتعزز عليك
والتصير وياه سهل يستسهلك
بس عليّ متعصب ووجهك ثگيل
السفن غرگت لو حريق ابمعملك !
زين اعرفك غرتك بعض الوجوه
الشياطين التجي بهيئة ملك
ايجوز ما امثل وابالغ بالكلام
الظاهر انته اتقدر اليستغفلك
انه لا اتأخر ابموعد عليك
ولا اتركك تنتظر لا بهذلك
هذا طبعك ماتحب الروحه بيك
وركض تركض ركض ع اليتجاهلك

                      لل علاق ❤️

مسائكم مثل متحبون 😊

قراءه ممتعه 🤍

زهراء ....زينب اطلگت

ـ ليش شسووت؟؟
مو كلتن برنوو ماتفرط بيها ..شصار وقبلت؟

ـ ماصار شي وعمتي ماقبلت بس زينب هي الوافقت كل الموضوع صار بارادتها

ـ اكيد تتشاقين زينب تفضل المووت هنا  الف مره ولاترجع ليله ببيت اهلها

ـ. ولله مدري خيه بس الضاهر صاير بينهم شي جبير. ...جانت كلش مغثوثه ماحجت وياي من طلعت

ـ ليش شوكت هالحجي صار وليش مااتصلتو بيها بعدين

 ـ قبل يومين كعدت الصبح شايله جنطها سالناها شكد ماجاوبتنا وطلعت لعمتي ودعتها وكبت العيطه عمتي ماقبلتها تروح طبعا موحبن بزينب بس لحتى جعفر مايخذ اليحبها لائنها بت عزز وماتناسبنا

المهم برنو من طلعت زينب رزلتها وكلتلها مدام كسرتي كلمتي مالج فوتها على هالبيت حت لوترجيتيني وهم حلفت على كلمن تتواصل وياها من اليوم ورايح بطلاك

-وانتن اكيد التزمتن بكلام برنووو وعفتن لبنيه مووو ..

دنكت وماحجت
-اهمداج يي ولله ياحيييف ع العشره
حجيتها ومشيت

- تعالي ووين رايحه

-اكيد احاجيها

- ولج عمتي حلفتتت

-وين الله وتنفذ بييه حلفانها
كووون يرادلها بخت ...

صعدت اتصلت بيها وماتررد مره وثنينن وماكوو ..

ضليت افكر معقوله زعلانه مني لان ماحاجيتها من وكت ..شويه ودكت لباب زهراء

ـ هاا حاجيتيها

ـ لاولله مردت

ـ وكت غدا هسه وتلاگينها مشغوله عود حاجيها بعدين امشي نتغدا احنه ونرد لشغلنا