الشرع الحرام

part 9

الشرع الحرام ❌
بقلمي ..ايات احمد
a...q

مساء العافيه 🤍

..............................

اجيت اجاوبها واكللها انتن السبب بس صاحت برنوو -زهراء لحكيني
وطلعتلها ركض

اتغدو البقيه وهم مشن للحلال ....العرفته يروحن يحضرن الهن علف العشا ويملن الهن مي يكفيهن للصبح ويرجعن

اني هم ماضليت كاعده شفت المطبخ هوووسه وذني عافن المطبخ لزهراء لان هنا الطابخات بدالها فشالن ايدهن وكالن خل حلا تساعدج احنه نروح نسبح هي ماقبلت اكوم وياها بس شفتها موراهمه المواعين يرادلها عشره مو ثنين وهاي جهالها يبجون وراها عاد كمت ساعدتها وشويه اتسليت حسيت الوكت مشى بعدها صعدنا فوك وصاحت للبنات تتفق وياهن ع مود الحمام

زهراء....شوفن الحمام بهالعشرتيام الصبح لحلا للن عروس وانتن العدها شي تسبح من الليل خوش ....اما العصر فباقي نفس قبل للاول خوش
-خوش عيني خوش
يحجن واني بالي كله عد وسام شحاله هسه وشسوه كلت احجي ويه زهراء هي كلش حبابه خل اطلب منها موبايل واكللها احاجي اهلي مشتاكتلهم بلكي تنطيني موبايلها

ف من راحن كلت اكللها وجان هي تكلي تعاي لغرفتج عندي وياج موضوع كلت بكلبي الحمدلله جت منج مومني فررحت وكتلها يي تعالي انه هم اريد منج طلب --بعيني دخلت وسديت الباب والتفتلها وكتلها لسالفتي بس فاجئني ردها ماتوقعتها ماتقبل

-شوفي خيه اذا مشتاكه لهلج خابريهم من موبايل احمد ماضنتي يبعدج عنهم انتضريه منا للعشره اليوم تستمر دروسه يكمل ويجيج عود حاجي وطلبي تلفونه متاكده ماراح يبخل عليج
وخلي اكلج القاعده الخامسه
عدنه بعيلتنه الاسود ممنوع ماعدنا وحده تحزن
-شلون يعني
-يعني مايوالمنه ....عدنا الاسود يجر من احد يلبس اسود تستمر سلسله الموت بحيث عمتي ابنها استشهد واخوها ماات وماحزنت وحت بالاربعينيه مانلبس بس من يصير عدنا قرايه او ثواب بحيث نلبسه وكت مايعدي ساعات ونرمي مستحيل اناام بي وهالحجي يمشي ع الباقي هم فهي اليوم دزت عليه الضهر حتى ابلغج واكلج اترمين حزنج
-مستحيل ماارمي ولله انه ما آمن بهالخرابيط

-اسمعي مني نصيحه اخت الاسود ميقدم ولاياخره قابل ناويته يرجع بي... فاليش هالمشاكل وياها من البدايه تره تسود عيشتج ولله
-ما ارمي شسوي خل تسوي
-بكيفج انه كتلج بعد كايمه اروح ...ووقبلها خل اكلج اخر قاعده قبل لاامشي العشا عدنا كلمن يتعشى بغرفته ماننجمع كلمن هي ورجلها وجهالها يتعشون بوحدهم فكلمن تطبخ اليعجبها بالوقت اليناسبها وانتي رجلج يكمل محاضرات يلا يتعشا وليوم خميس يكمل ع العشره
اما باجر باليل ماعنده محاضرات باليل بس باجر لان جمعه اما باقي ايام الاسبوع كله ع العشره ومرات للايدعش يلا يكمل خوش انه رايحه

طلعت هي وانه انسدحت مصعوقه من كم القوانين بهالبيت تكول سجن...مرت تقريبا نص ساعه وانه بهالوضع صافنه وحسبه توديني وثانيه تردني ..عاد تعوذت الشيطان وكمت اروح للصحيات من جيت البارحه مارحت