الشرع الحرام

23

الشرع الحرام❌

بقلمي ...ايات احمد
a...q

رَمَتِ الفُؤَادَ مَليحَةٌ عَذراءُ
بِسِهامِ لَحظٍ ما لَهُنَّ دَواءُ
مَرَّت أَوانَ العيدِ بَينَ نَواهِدٍ
مِثلِ الشُموسِ لِحاظُهُنَّ ظُباءُ
فَاِغتالَني سَقَمي الَّذي في باطِني أَخفَيتُهُ
فَأَذاعَهُ الإِخفاءُ خَطَرَت
فَقُلتُ قَضيبُ بانٍ حَرَّكَت أَعطافَهُ
بَعدَ الجَنوبِ صَباءُ
وَرَنَت فَقُلتُ غَزالَةٌ مَذعورَةٌ
قَد راعَها وَسطَ الفَلاةِ بَلاءُ
وَبَدَت فَقُلتُ البَدرُ لَيلَةَ تِمِّهِ
قَد قَلَّدَتهُ نُجومَها الجَوزاءُ
بَسَمَت فَلاحَ ضِياءُ لُؤلُؤِ ثَغرِه
فيهِ لِداءِ العاشِقينَ شِفاءُ
سَجَدَت تُعَظِّمُ رَبَّها
فَتَمايَلَت لِجَلالِها أَربابُنا العُظَماءُ
يا عَبلَ مِثلُ هَواكِ أَو أَضعافُهُ
عِندي إِذا وَقَعَ الإِياسُ رَجاءُ
إِن كانَ يُسعِدُني الزَمانُ
فَإِنَّني في هِمَّتي بِصُروفِهِ إِزراءُ

ل قيس بن ذريح ❤️

مساء العافيه🌸

قراء ممتعه 🌸

حلا
ضليت اتفرفر رايحه جايه واضيع وكت بحجه انو نعسانه لحد ثلاثه الفجر كلت هسه شخلاه اكيد نام
دخلت ع كيف عوود حتى ماسوي صوت ويكعد تفاجئت بيه ضارب عكس وعينه ع لباب من فتت عدل گعدته وحجى

ـ هلا

ضليت مثل بلاع الموس لاكادره ادخل ولااطلع ...

ـ ها شوو صفتني مصدمه موو ؟
عبالج تلاگيني نايم نفس كل مره ...شضنين يعني لمن انام...هههههه انام من النعس مااتحمل وماضل انتضرج ..
لا يابه لا غلطانه
انه لو اريد انتضرج للصبح هم ابد ماعندي مشكله بس انه الماريد

انه العايفج على راحتج هيج غايه في نفس يعقوب رايد اشوفج وين توصلين بسوالفج
وثقي بالله لو جنت رايدد مايردني عنج شي 
تذكري هالشي دائما
وهسه يرضالي عليج الله الضوه من يمج طفي وراي كعده لصلاه العيد  ماضل وكت

حجاها وطر مخدتي ع لكاع وين انام يوميه

بدون حجي طفيت الضوه وسحبت الجرجف مددت بفراشي بس مو مرتاحه اسلوبه غريب حسيت مثل الضاملي ضمه كل شويه اكوول هسه يجني لحد ماثكل نفسه ونام ....لذاك لوكت يلا رتاحيت

بس هم مانمت  مامتعوده كل يوم انام بتسعه فضليت اتكلب لحد ماصارت الصلاه وكعد هوو وساعتها ضل يطرگع حسيته متعمد يسووي حتى يحجيني لان كل يوم يرد من دوام الضهر ويبدل وينام وينزل العصر وانه نايمه مااحس عليه
هوو بطبيعه الحال كلش هدوئي بس اليوم مدري شجاه

كل شووي ضارب باب الكنتور انوب طلع الداشده وضل يكووي بيها وهو انه اصلا كاويتها ومحضرتها من البارحه بس هيج عرفته حتى يحجيني بس ماانطيته غايته كل السوويته غطيت راسي وخليت يشب بناره وحده